完整藏文原文 · 德格版页 当前仅加载第 3 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་པར་སྐྱོན་ཅན་ལགས་ཀྱིས་བཟོད་པ་མཛོད་ཅིག །དེ་ནས་དེས་མི་བཟོད་པ་སྐྱེས་ནས། རལ་གྲི་ཤུབས་ནས་ཕྱུང་སྟེ་སྲོག་དང་ཕྲལ་ལོ། །དེ་ནས་བུ་མོ་དེས་ཇོ་མོ་བསད་དོ་ཇོ་མོ་བསད་དོ་ཞེས་ཀུ་ཅོའི་སྒྲ་ཆེན་པོ་བཏོན་པ་དེ་སྐྱེ་བོའི་ཚོགས་ཆེན་པོས་ཐོས་ནས་
D1.003.0002b01.01བརྒྱུགས་སོ། །དེ་ཙམ་ན་སྐྱེད་མོས་ཚལ་དེ་ན་རང་སངས་རྒྱས་ལེགས་སྨོན་ཞེས་བྱ་བ་བསམ་གཏན་བྱེད་དོ། །དེ་ནས་སྐྱེས་བུ་གཡོན་ཅན་པད་མའི་རྩ་ལག་དེ་སྐྲག་པས་རལ་གྲི་ཁྲག་ཅན་རང་སངས་རྒྱས་ལེགས་སྨོན་གྱི་མདུན་དུ་བོར་ནས་སྐྱེ་བོའི་ཚོགས་ཆེན་
D1.003.0002b02.01པོ་དེ་ཉིད་ཀྱི་ནང་དུ་ཞུགས་སོ། །སྐྱེ་བོའི་ཚོགས་ཆེན་པོས་རལ་གྲི་ཁྲག་ཅན་མཐོང་ནས་རབ་ཏུ་བྱུང་བ་འདིས་ནི་བཟང་མོའི་སྲོག་དང་ཕྲལ་ལོ་ཞེས་དེ་ནས་རང་སངས་རྒྱས་དེ་ཀུན་ནས་བསྐོར་ནས་མི་བཟོད་པ་བསྐྱེད་དེ་སྨྲས་པ། ཀྱེ་རབ་ཏུ་བྱུང་བ་དྲང་སྲོང་གི་རྒྱལ་མཚན་
D1.003.0002b03.01བསྲེལ་ནས་འདི་འདྲ་བའི་ལས་བྱེད་དམ། དེས་སྨྲས་པ་ཅི་ཞིག་བྱས། དེ་རྣམས་ཀྱིས་སྨྲས་པ། ཁྱོད་ཀྱིས་བཟང་མོ་དང་ལྷན་ཅིག་དགའ་མགུར་སྤྱད་ནས་དེ་སྲོག་དང་ཕྲལ་ལོ། །དེས་སྨྲས་པ། རྣས་མི་བཟོད་པ་དེ་ང་ནི་ལས་འདི་མི་བྱེད་དོ། །དེས་
D1.003.0002b04.01རྣས་མི་བཟོད་པའི་ཚིག་སྨྲས་ཀྱང་། སྐྱེ་བོའི་ཚོགས་ཆེན་པོ་དེས་ལག་པ་ཕྱིང་ཀ་ལོག་ཏུ་དམ་དུ་བཅིངས་ནས་རྒྱལ་པོ་ལ་ཕུལ་ཏེ། ལྷ་རབ་ཏུ་བྱུང་བ་འདིས་བཟང་མོ་དང་ལྷན་ཅིག་དགའ་མགུར་སྤྱད་ནས་དེས་སྲོག་དང་ཕྲལ་ལགས་སོ། །རྒྱལ་པོ་དག་ནི་མི་
D1.003.0002b05.01རྟོག་པ་ཡིན་པས་དེས་སྨྲས་པ། གལ་ཏེ་དེ་ལྟ་ན་རབ་ཏུ་བྱུང་བ་འདི་ངས་སྤངས་ཀྱིས་དེང་ལ་སོད་ཅིག །དེ་ནས་དེའི་མགུལ་པར་མེ་ཏོག་ཀ་ར་བཱི་རའི་ཕྲེང་བས་བཏགས་ནས་གཤེད་མ་གོས་སྔོན་པོ་གྱོན་པ་མཚོན་ཐོགས་པ་རྣམས་ཀྱིས་ཡོངས་སུ་བསྐོར་ནས་ལམ་
D1.003.0002b06.01པོ་ཆེ་དང་། (ཚོས་,ཚོང་)དུས་དང་། བཞི་མདོ་དང་། སུམ་མདོ་རྣམས་སུ་བསྒྲགས་ཏེ། གྲོང་ཁྱེར་ནས་སྐྱེད་མོས་ཚལ་ལོགས་སུ་ཁྲིད་དོ། །དེ་ནས་སྐྱེས་བུ་གཡོན་ཅན་པད་མའི་རྩ་ལག་གི་བློ་སྐྱེས་པ་རབ་ཏུ་བྱུང་བ་དཀའ་ཐུབ་ཅན་སྐྱོན་མེད་པ་ཉེས་པ་མི་བྱེད་པ་
D1.003.0002b07.01