完整藏文原文 · 德格版页 当前仅加载第 3 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
སྨིན་པ་དེ་ལྟ་བུ་འདིས་བཅོམ་ལྡན་འདས་དགེ་སློང་གི་དགེ་འདུན་ལ་བསྙེན་བཀུར་བགྱིད་ལགས་ན་གནང་བར་མཛད་དུ་གསོལ། རྒྱལ་པོ་ཆེན་པོ་ཇི་ཙམ་སེམས་མངོན་པར་དད་པར་བྱས་པ་དེ་ཙམ་གྱིས་བྱས་ཟིན་གྱིས་ཆོག་གོ། །ལན་གཉིས་ལན་གསུམ་དུ་ཡང་དག་པར་
D1.003.0007b01.01རྫོགས་པའི་སངས་རྒྱས་འོད་སྲུང་ལ་རྒྱལ་པོ་ཀྲྀ་ཀཱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་ཞེས་བྱ་བ་ནས། བདག་ལ་གནང་བར་མཛད་དུ་གསོལ་ཞེས་བྱ་བའི་བར་གོང་མ་བཞིན་དུའོ། །ལན་གཉིས་
D1.003.0007b02.01ལན་གསུམ་དུ་ཡང་ཡང་དག་པར་རྫོགས་པའི་སངས་རྒྱས་འོད་སྲུང་གིས་རྒྱལ་པོ་ཀྲྀ་ཀཱི་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཇི་ཙམ་སེམས་མངོན་པར་དད་པར་བྱས་པ་དེ་ཙམ་གྱིས་བྱས་ཟིན་གྱིས་ཆོག་གོ། །དེ་ནས་ཡང་དག་པར་རྫོགས་པའི་སངས་
D1.003.0007b03.01རྒྱས་འོད་སྲུང་ལ་རྒྱལ་པོ་ཀྲྀ་ཀཱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ལ་བསྙེན་བཀུར་བགྱིད་པ། དཔེར་ན་ད་ལྟར་གྱི་བདག་འདྲ་བ་གཞན་འགའ་ལྟ་མཆིས་ལགས་སམ། རྒྱལ་པོ་ཆེན་པོ་ཁྱོད་ཉིད་ཀྱི་ཡུལ་ན་བཻ་བྷི་ཊིང་གི་ཞེས་བྱ་བའི་གྲོང་ཡོད་
D1.003.0007b04.01དེ། དེ་ན་རྫ་མཁན་དགའ་སྐྱོང་ཞེས་བྱ་བ་སངས་རྒྱས་ལ་མངོན་པར་དད་པ་ཞེས་བྱ་བ་ནས་གནས་སོ་ཞེས་བྱ་བའི་བར་གོང་མ་བཞིན་དུའོ། །དེས་ཕ་མ་ལོང་བ་གཉིས་གསོ་ཞིང་དུས་དུས་སུ་ང་ལ་ཡང་བསོད་སྙོམས་ཀྱིས་སྟོབས་པར་བྱེད་དེ། རྒྱལ་པོ་ཆེན་པོ་དུས་
D1.003.0007b05.01གཅིག་ཅིག་ན་ང་བཻ་བྷི་ཊིང་གིའི་ལྗོངས་ཀྱི་གྲོང་རྡལ་ན་ཉེ་བར་བསྟེན་ཅིང་བཞུགས་ནས་སྔ་དྲོ་ཤམ་ཐབས་མནབས་ཏེ་ལྷུང་བཟེད་དང་ཆོས་གོས་བསྣམས་ནས། བཻ་བྷི་ཊིང་གི་ལྗོངས་ཀྱི་གྲོང་རྡལ་དུ་བསོད་སྙོམས་ལ་ཞུགས་ཏེ། ངས་བཻ་བྷི་ཊིང་གིར་བསོད་སྙོམས་སྤྱོད་ཅིང་རྫ་
D1.003.0007b06.01མཁན་དགའ་སྐྱོང་གི་ཁྱིམ་གང་ན་བ་དེར་གཤེགས་པ་དང་། དེའི་ཚེ་རྫ་མཁན་དགའ་སྐྱོང་དགོས་པ་ཞིག་ལ་ཕྱི་ལོགས་སུ་སོང་ནས། ངས་རྫ་མཁན་དགའ་སྐྱོང་གི་སྒོ་འཕར་ལ་རིམ་གྱིས་དལ་བུ་དལ་བུས་བརྡུངས་པ་ལས་རྫ་མཁན་དགའ་སྐྱོང་གི་ཕ་དང་མས་སྒོ་འཕར་ལ་
D1.003.0007b07.01