完整藏文原文 · 德格版页 当前仅加载第 3 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཁྱོད་ལུས་རྡུལ་གྱིས་ཡོག་ཅིང་གང་ནས་འདིར་འོངས། བཙུན་པ་རྒྱལ་པོ་རྒྱལ་རིགས་སྤྱི་བོ་ནས་དབང་
D1.003.0081b01.01བསྐུར་བ་ཡུལ་གྱི་དབང་ཕྱུག་དང་མཐུ་དང་། བརྩོན་འགྲུས་ཐོབ་པ། སའི་དཀྱིལ་འཁོར་ཆེན་པོ་ལེགས་པར་ཕབ་སྟེ་གནས་པ་རྣམས་ཀྱིས་རྒྱལ་པོའི་བགྱི་བ་དང་། རྒྱལ་པོའི་སྒྲུབ་པ་ཐ་དད་པ་གང་དག་ལགས་པ་དེ་དག་བདག་གིས་བགྱིས་ཏེ། ཡོངས་སུ་རྫོགས་ནས་
D1.003.0081b02.01ལུས་རྡུལ་གྱིས་ཡོག་ཅིང་ང་མཆིས་པ་ལགས་སོ། །རྒྱལ་པོ་ཆེན་པོ་དེའི་ཕྱིར་ཁྱོད་ཉིད་ལ་དྲི་བར་བྱས། ཁྱོད་ཀྱིས་ཇི་ལྟར་བཟོད་པ་དེ་ལན་ཐོབ་ཅིག །རྒྱལ་པོ་ཆེན་པོ་དཔེར་ན་ཁྱོད་ལ་འདིར་ཤར་ཕྱོགས་ནས་མི་ཡིད་ཆེས་པ་ཡིད་བརྟན་དུ་རུང་བ། བརྟན་པ། འཇིག་རྟེན་ལ་མི་སླུ་
D1.003.0081b03.01བ་ཞིག་འོངས་ནས། དེ་འདི་སྐད་ཅེས་ལྷ་བདག་ད་གཟོད་འདི་ནས་ཤར་ཕྱོགས་སུ་མཆི་མཆི་ན། དེ་ནས་བདག་གིས་རི་བྲག་ཆེན་པོ་མ་ཆག་པ། སེར་ཀ་མ་མཆིས་པ། ཕྲག་མ་མཆིས་པ། ཤིན་ཏུ་མཁྲེགས་པ། གཅིག་ཏུ་སྡུག་པ་ཞིག་སའི་བར་དང་ནམ་མཁའི་བར་
D1.003.0081b04.01གྱི་སེམས་ཅན་ཐམས་ཅད་དང་། སྲོག་ཆགས་ཐམས་ཅད་དང་། འབྱུང་པོ་ཐམས་ཅད་དང་། རྩྭ་དང་། ཤིང་དང་། ཡལ་ག་དང་། ལོ་མ་དང་། འདབ་མ་ཇི་སྙེད་པ་ཐམས་ཅད་ཕྱེ་མར་རློག་ཅིང་མཆི་བ་མཐོང་གིས་ལྷ་ཁྱོད་ཀྱི་བགྱི་བའམ། བསྒྲུབ་པ་གང་ལགས་པ་དེ་མཛོད་
D1.003.0081b05.01ཅིག་ཅེས་ཟེར་ལ་དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ནས་མི་ཞིག་འོངས་ཏེ་ཞེས་བྱ་བ་ནས་བགྱི་བའམ་བསྒྲུབ་པ་དེ་མཛོད་ཅིག་ཅེས་ཟེར་ཏེ། རྒྱལ་པོ་ཆེན་པོ་འཇིགས་པ་ཆེན་པོའི་ཡང་ཆེན་པོ་མི་བཟད་པར་བྱེད་པ་མི་བཟད་པ་དེ་ལྟ་བུ་ཉེ་བར་གནས་ན་མི་
D1.003.0081b06.01ཉིད་ཐོབ་པ་ནི་རྙེད་པར་དཀའ་ན། ཁྱོད་ཀྱིས་ཅི་ཞིག་བྱ། བཙུན་པ་འཇིགས་པ་ཆེན་པོའི་ཡང་ཆེན་པོ་མི་བས་པར་བགྱིད་པ་མི་བཟད་པ་དེ་ལྟ་བུ་ཉེ་བར་གནས་ན་མི་ཉིད་ཐོབ་པ་རྙེད་པར་དཀའ་བ་ལགས་པས་དོན་སྤྱོད་པ་དང་། ཆོས་སྤྱད་པ་དང་། བསོད་ནམས་སྤྱད་པ་དང་།
D1.003.0081b07.01