完整藏文原文 · 德格版页 当前仅加载第 3 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་སྐྲའི་ཆོས་གོས་བཅང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་འདི་ནི་མུ་སྟེགས་པའི་རྟགས་སོ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ་ཞེས་བྱ་བའི་བར་
D1.003.0090a01.01གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གཅེར་བུ་བགྱིད་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་འདི་ལྟ་སྟེ། གཅེར་བུ་འདི་ནི་མུ་སྟེགས་པའི་རྟགས་
D1.003.0090a02.01ཡིན་ནོ། །གཞན་ཡང་ངས་ཆོས་གོས་གསུམ་རྗེས་སུ་གནང་ན་ཅིའི་ཕྱིར་ཁྱོད་གཅེར་བུ་བྱེད། དེ་ལྟ་བས་ན་དགེ་སློང་གིས་གཅེར་བུ་མི་བྱའོ། །བྱས་ན་ཉེས་པ་སྦོམ་པོར་འགྱུར་རོ། །དེ་ནས་དགེ་སློང་དེ་གཅེར་བུ་མ་གནང་བ་དང་བསླབ་པ་རྣམས་སྤངས་ཏེ་ཉམས་
D1.003.0090a03.01པར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་སློང་འདི་གཅེར་བུ་མ་གནང་བ་དང་བསླབ་པ་རྣམས་སྤངས་ཏེ་ཉམས་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་
D1.003.0090a04.01སྩལ་པ། དགེ་སློང་དག་ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདི་ཉིད་ངོ་ཚ་མེད་པའི་སྐྱོན་གྱིས་ཆུང་མ་མ་ཐོབ་པ་དེ་ཉོན་ཅིག །དགེ་སློང་དག་སྔོན་བྱུང་བ་ངང་པའི་རྒྱལ་པོ་ཡུལ་འཁོར་སྐྱོང་ཞེས་བྱ་བ་བྱུང་སྟེ། དེའི་བུ་མོ་རང་ཁྱིམ་ཐབ་ཚོལ་ལོ་ཞེས་
D1.003.0090a05.01ཡུལ་ཕྱོགས་སྣ་ཚོགས་ན་གནས་པའི་བྱ་རྣམས་ཀྱིས་ཐོས་ནས་འདུས་པར་གྱུར་ཏེ་སོ་སོ་ནས་བསམས་པ། དེའི་ཁྱིམ་ཐབ་ཏུ་བདག་འགྱུར་རོ་སྙམ་མོ། །དེས་རྨ་བྱ་ཞིག་མཐོང་ནས་དེས་སྨྲས་པ། འདི་ནི་བདག་གི་ཁྱིམ་ཐབ་ཏུ་འགྱུར་རོ། །དེ་ལ་གཞན་དག་གིས་འདིས་ཁྱོད་
D1.003.0090a06.01ཁྱིམ་ཐབ་ཏུ་བདམས་སོ་ཞེས་སྨྲས་པ་དང་། དེས་མཇུག་མ་བསྒྲེངས་ནས་གར་བྱེད་པར་བརྩམས་པ་དེ་ཡུལ་འཁོར་སྐྱོང་གིས་མཐོང་ནས་སྨྲས་པ། འདི་ཅི་ཞིག་གི་ཕྱིར་གར་བྱེད། གཞན་དག་གིས་སྨྲས་པ། ཁྱོད་ཀྱི་བུ་མོའི་ཁྱིམ་ཐབ་ཏུ་གྱུར་པས་སོ། །དེས་སྨྲས་པ། ངོ་ཚ་དང་
D1.003.0090a07.01