完整藏文原文 · 德格版页 当前仅加载第 3 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
ལུང་བསྟན་ཏོ། །དེ་བཞིན་གཤེགས་པའི་ལེའུའོ།། །།སྡོམ་ནི། གནས་འཇོག་སྦྲང་རྩི་ཅན་དང་ནི། །རྒྱུ་ཅན་ཀཽཎྜི་ནྱ་ཉེ་བ་འཁོར། །འོད་བྱེད་དང་ནི་ནམ་གྲུ་སྟེ། །ཕྱི་མ་བདེ་བར་གཤེགས་པ་ཡིན། །མ་དྲོས་པའི་ཚིགས་
D1.003.0014a01.01སུ་བཅད་པའོ། །དེ་ནས་བཅོམ་ལྡན་འདས་དགྲ་བཅོམ་པ་ལྔ་བརྒྱ་དང་ཐབས་ཅིག་ཏུ་མཚོ་ཆེན་པོ་མ་དྲོས་པར་ཕྲིན་ལས་ཀྱི་རྒྱུ་བ་ལུང་བསྟན་ནས་མ་དྲོས་པ་ནས་མི་སྣང་བར་མཛད་དེ། མཉན་ཡོད་ཀྱི་{རི་དགས་,རི་དྭགས་}འཛིན་གྱི་མའི་སྔོན་གྱི་ཀུན་དགའ་ར་བའི་ཁང་{བཟངས་,བཟང་}ན་
D1.003.0014a02.01བཞུགས་སོ། །{རི་དགས་,རི་དྭགས་}འཛིན་གྱི་མ་ས་གས། བཅོམ་ལྡན་འདས་མཚོ་ཆེན་པོ་མ་དྲོས་པ་ནས་མི་སྣང་བར་མཛད་དེ། མཉན་ཡོད་དུ་གཤེགས་ནས་མཉན་ཡོད་ཀྱི་བདག་གི་ཁང་{བཟངས་,བཟང་}ཁོ་ན་ན་བཞུགས་སོ་ཞེས་ཐོས་སོ། །ཐོས་ནས་ཀྱང་མཉན་ཡོད་ནས་
D1.003.0014a03.01བྱུང་ནས་བཅོམ་ལྡན་འདས་གང་ན་བ་དེར་སོང་སྟེ་ཞེས་བྱ་བ་ནས་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་ནོ། །དེ་ནས་{རི་དགས་,རི་དྭགས་}འཛིན་གྱི་མ་ས་ག་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་
D1.003.0014a04.01བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མཚོ་ཆེན་པོ་མ་དྲོས་པར་རང་རང་གི་ལས་ཀྱི་རྒྱུ་བ་ལུང་བསྟན་པའི་དགྲ་བཅོམ་པ་ལྔ་བརྒྱ་གང་དག་ལགས་པ་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། བཅོམ་
D1.003.0014a05.01ལྡན་འདས་ཀྱིས་གནང་བར་མཛད་དུ་གསོལ། {རི་དགས་,རི་དྭགས་}འཛིན་གྱི་མ་ས་གས་གནང་བར་རིག་ནས་ཞེས་བྱ་བ་ནས། བཅོམ་ལྡན་འདས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུ་སྟེ། སྟན་ཆེས་དམའ་བ་ཞིག་
D1.003.0014a06.01བླངས་ནས་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་{རི་དགས་,རི་དྭགས་}འཛིན་གྱི་མ་ས་ག་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་
D1.003.0014a07.01