完整藏文原文 · 德格版页 当前仅加载第 3 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱས་སོ། །རྒན་ཞུགས་གལ་ཏེ་ཆོས་བསྒྲགས་པས་རྙེད་པ་ཐོབ་ན་ལྟ་ཉེ་{དགའས་,དགས་}འགྲེང་བ་དང་། འགྲོ་བ་དང་། འདུག་པ་དང་། ཉལ་བས་དུས་ཐམས་ཅད་དུ་ཆོས་བཤད་དོ། །རྙེད་པ་གང་{ཆུང་ཟད་,ཅུང་ཟད་}གྲུབ་པ་དེ་ཐམས་ཅད་ནི་རྒན་ཞུགས་ཅིག་ཤོས་དེའི་མཐུས་
D1.003.0094a01.01ཡིན་ཏེ། དེས་གཙུག་ལག་ཁང་འདིར་ཆག་ཆག་དང་། ཕྱག་དར་དང་། བའི་ལྕི་བ་འཇམ་པོས་བྱུག་པ་བྱས་པས་སོ། །བཅོམ་ལྡན་འདས་ཀྱིས་ཕྱག་དར་བྱེད་པ་ལ་ཡོན་ཏན་ལྔ་ཡོད་དེ། ལྔ་གང་ཞེ་ན། བདག་ཉིད་ཀྱི་སེམས་དང་བར་འགྱུར་བ་དང་། གཞན་གྱི་སེམས་
D1.003.0094a02.01དང་བར་འགྱུར་བ་དང་། ལྷ་རྣམས་ཡིད་དགའ་བར་འགྱུར་བ་དང་། མཛེས་པར་འགྱུར་བའི་དགེ་བའི་རྩ་བ་སོགས་པར་འགྱུར་བ་དང་། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེ་བར་འགྱུར་རོ་ཞེས་བཀའ་སྩལ་ཏོ། །དེ་ལྟ་བས་ན་གཙུག་ལག་ཁང་
D1.003.0094a03.01ཕྱག་དར་བྱས་པས་ཡོན་བདག་མངོན་པར་དད་པར་གྱུར་ལ། ལྷ་ཡིད་དགའ་བར་གྱུར་ཏེ། དེས་ན་དེར་རྙེད་པ་བྱུང་བར་གྱུར་ཏོ། །དེ་བས་ན་དེའི་མཐུས་འདིར་རྙེད་པ་བྱུང་བས་དེས་ཅི་བྱིན་པ་དེ་བླང་བར་བྱ་སྟེ་འཁང་བར་མི་བྱའོ། །དེ་ཡང་གནད་ལ་ཕབ་པས་སྐྱེངས་ནས་ཅང་
D1.003.0094a04.01མི་སྨྲ་བར་འདུག་གོ། །དེ་གཉིས་སྤོབས་པ་མེད་པར་བྱས་ནས་སྨྲས་པ། རྒན་ཞུགས་དག་བཅོམ་ལྡན་འདས་ཀྱིས་གསོལ་བའི་ལས་མི་འཁྲུགས་པ་གསུངས་པའི་ཐབས་གཞན་ཡོད་པས་གསོལ་བ་བྱས་ལ་བགོའོ། །དེ་གཉིས་ཀྱིས་སྔར་སྨ་ཕབ་པས་སྨྲས་པ་གནས་
D1.003.0094a05.01བརྟན་ཅི་དགྱེས་པ་དེ་བཞིན་དུ་མཛོད་ཅིག །དེ་ནས་ཉེ་{དགའས་,དགས་}ཆ་གསུམ་དུ་བྱས་ཏེ། ཆ་གཉིས་ཀྱི་བར་དུ་ནི་རང་ཉིད་འདུག་གོ། །དེ་གཉིས་ཀྱི་བར་དུ་ནི་ཆ་གཅིག་བཞག་ནས་གསོལ་བར་བྱ་བར་བརྩམས་པ། རྒན་ཞུགས་ཁྱེད་ཉོན་ཅིག །ཁྱེད་གཉིས་དང་འདི་གཅིག །
D1.003.0094a06.01འདི་གཉིས་དང་ཁོ་བོ་གཅིག་སྟེ། དེ་ལྟར་ན་གསུམ་གསུམ་མོ། །འདི་ནི་གསོལ་བའོ། །དེ་ནས་ཆ་གཉིས་ནི་བདག་ཉིད་ཀྱིས་བླངས་སོ། །ཆ་གཅིག་ནི་དེ་གཉིས་ལ་བྱིན་པ་དང་དེ་གཉིས་ཀྱིས་སྨྲས་པ། གནས་བརྟན་འདི་ཁོ་ན་ལས་བདག་ཅག་གཉིས་རྩོད་པར་འགྱུར་
D1.003.0094a07.01