完整藏文原文 · 德格版页 当前仅加载第 3 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
བཅབས་བཞིན་དུ་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་གཉིས་ཀའི་རྒྱུད་ནས་བཟུང་
D1.003.0168a01.01སྟེ་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་ནས་བབས་ཏེ། དེ་འོངས་ནས་སླར་བསྙེན་པར་རྫོགས་ཏེ། དེས་ལྟུང་བ་དེ་མ་བཅབས་པར་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་
D1.003.0168a02.01ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་སྔ་མའི་རྒྱུད་ནས་བཟུང་སྟེ་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པར་བབས་ནས། དེ་འོངས་ནས་སླར་
D1.003.0168a03.01བསྙེན་པར་རྫོགས་ཏེ། དེ་ལྟུང་བ་དེ་བཅབས་ནས་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་
D1.003.0168a04.01བ་ལ་ཕྱི་མའི་རྒྱུད་ནས་བཟུང་སྟེ་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པར་བབས་ནས། དེ་འོངས་ནས་སླར་བསྙེན་པར་རྫོགས་ནས་དེས་ལྟུང་བ་མ་བཅབས་པ་ཉིད་དུ་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་
D1.003.0168a05.01བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ཞག་དྲུག་གི་མགུ་བར་བྱ་བ་བྱིན་ཅིག །ཇི་ལྟར་ཁྱད་པར་མེད་པས་བཞི་ཡིན་པ་ཇི་ལྟ་བ་བཞིན་དུ་ཤེས་པས་
D1.003.0168a06.01བཞི་དང་། དྲན་པས་བཞི་དང་། ཡིད་གཉིས་ཀྱི་བཞི་ཡང་དེ་བཞིན་ནོ། །རྣམ་གྲངས་འདིས་བཞི་ཚན་གཞན་དག་སྟེ། འོན་ཀྱང་བསྒྲེ་བའི་ཁྱད་པར་ཡོད་དོ། །ཇི་ལྟར་གང་ཟག་གཞན་ཞེས་བྱ་བ་དེ་བཞིན་དུ་སྤོ་བ་ཞེས་བརྗོད་པར་བྱའོ། །སྤོ་བ་ཇི་ལྟ་བ་དེ་བཞིན་དུ་སྤོ་བ་སྤྱད་པ་དང་། མགུ་
D1.003.0168a07.01