完整藏文原文 · 德格版页 当前仅加载第 3 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཚེ་དང་ལྡན་པ་ཀུན་དགའ་བོས་ལག་པ་གཉིས་བཀྲུས་ནས་སྣམ་སྦྱར་གྱིས་བཅོམ་ལྡན་འདས་ཀྱི་སྟེང་དུ་གཡོགས་ཏེ། བཅོམ་ལྡན་འདས་ཀྱིས་ན་བཟའ་ཆོས་གོས་གསུམ་གྱིས་མཚན་མོ་དེ་འདས་པར་མཛད་དོ། །དེ་ནས་ནམ་ནངས་ནས་དགོངས་པ་འཇིག་རྟེན་ན་ཤིན་ཏུ་སྐྱིད་པ་
D1.003.0071b01.01བདེ་བ་འདོད་པ་གང་ཡིན་པ་སུ་ཡང་རུང་དེ་རྣམས་ཀྱི་མཆོག་ནི་ང་ཡིན་ཏེ། ང་ཡང་ཆོས་གོས་གསུམ་གྱིས་འཚོ་བར་སྤྱད་ན་ངའི་ཉན་ཐོས་རྣམས་ལྟ་སྨོས་ཀྱང་ཅི་དགོས་སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་རྣམས་ཀྱིས་དྲས་པའི་
D1.003.0071b02.01ཆོས་གོས་གསུམ་བཅང་བར་བྱའོ། །བཅོམ་ལྡན་འདས་ཀྱིས་དྲས་པའི་ཆོས་གོས་གསུམ་བཅང་བར་བྱའོ་ཞེས་བཀའ་སྩལ་ན། དགེ་སློང་ཞིག་ལ་ཆོས་གོས་གསུམ་པ་མེད་ནས་དེས་ཕྱིང་བ་ཞིག་རྙེད་ནས་དེས་དེ་དྲ་བར་བརྩམས་སོ། །བཅོམ་ལྡན་འདས་ཀྱང་ཕྱོགས་དེར་གཤེགས་ནས་
D1.003.0071b03.01སྨྲས་པ། དགེ་སློང་འདི་ཅི་ཡིན། བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ཀྱིས་དྲས་པའི་ཆོས་གོས་གསུམ་བཅང་བར་བྱའོ་ཞེས་བཀའ་སྩལ་ན། བདག་ལ་ཆོས་གོས་གསུམ་པ་མ་མཆིས་ནས་བཙལ་བ་ལས། བདག་གིས་ཕྱིང་བ་འདི་རྙེད་དེ་དྲས་ནས་ཆོས་གོས་བགྱིའོ། །
D1.003.0071b04.01དགེ་སློང་འདི་ནི་དྲ་བའི་འོས་མ་ཡིན་ནོ། །འོན་ཀྱང་ལྷན་ཐབས་ཀྱིས་གླན་པའི་འོས་ཡིན་པས་ལྷན་ཐབས་ཀྱིས་གླན་ནས་བཅང་བར་བྱའོ་ཞེས་བཀའ་སྩལ་ནས་གཤེགས་ཏེ། དགེ་སློང་གི་དགེ་འདུན་བསྡུས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་
D1.003.0071b05.01སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་ཆེ་གེ་མོ་ཞེས་བྱ་བ་ལ་ཆོས་གོས་མེད་ནས་ཕྱིང་བ་ལ་འདྲ་བར་བྱེད་ཀྱིས། དགེ་སློང་དག་དེ་ལྟ་བས་ན་མི་དྲ་བ་ནི་ལྔ་སྟེ། ཕྱིང་པ་ཐམས་ཅད་དང་། སྣམ་བུ་ཐམས་
D1.003.0071b06.01ཅད་དང་། བེའུ་རས་ཐམས་ཅད་དང་། སེང་རས་ཐམས་ཅད་དང་། ཀླམ་ཐམས་ཅད་དེ། ལྷན་ཐབས་ཀྱིས་གླན་ནས་བཅང་བར་བྱའོ། །གླེང་གཞི་ནི་མཉན་ཡོད་ནའོ། །ཀོ་ས་ལའི་རྒྱལ་པོ་གསལ་རྒྱལ་གྱི་བློན་པོའི་མཆོག་{རི་དགས་,རི་དྭགས་}འཛིན་ཅེས་བྱ་བ་དེས་རིགས་
D1.003.0071b07.01