完整藏文原文 · 德格版页 当前仅加载第 3 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཤེས་ན། ཚེ་དང་ལྡན་པ་དེའི་མི་ཤེས་པས་ཐར་པ་མེད་པ་ཉིད་པས་དེ་ལྟུང་བ་བྱུང་བ་གང་ཡིན་པ་དེ་ཕྱིར་ཆོས་བཞིན་དུ་བྱེད་དུ་གཞུག་ཅིང་ཕྱིས་འགྱོད་པ་བསྐྱེད་པར་ནི་མི་བྱ་སྟེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་
D1.003.0167a01.01མའི་ལྟུང་བ་བྱུང་བ་དེ་དེས་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང་། ཟླ་བ་གཅིག་བཅབས་ཏེ་དགེ་སློང་རྣམས་ལ་སྨྲས་པ་དང་། དགེ་འདུན་གྱིས་དེ་ལ་ཟླ་བ་གཉིས་ཀྱི་སྤོ་བ་བྱིན་ཏེ། དེ་སྤོ་བ་བྱེད་པ་ན་ལྷགས་ཤིང་ལྷགས་པའི་དགེ་སློང་རྣམས་ལ་སྨྲས་པ། ཚེ་དང་
D1.003.0167a02.01ལྡན་པ་དག་བདག་ལ་དགེ་འདུན་ལྷག་མའི་ལྟུང་བ་བྱུང་བ་ལྟུང་བ་དེ་བདག་གིས་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང་། ཟླ་བ་གཅིག་ཏུ་བཅབས་ཏེ་དགེ་སློང་རྣམས་ལ་སྨྲས་པ་ལ། དགེ་འདུན་གྱིས་བདག་ལ་ཟླ་བ་གཉིས་ཀྱི་སྤོ་བ་བྱིན་ཏེ། ཚེ་དང་ལྡན་པ་ཟླ་བ་
D1.003.0167a03.01གཅིག་ནི་ལེགས་པར་བྱིན་ནོ། །ཟླ་བ་གཅིག་ནི་ཉེས་པར་བྱིན་ཏེ། དེ་ཅིའི་ཕྱིར་ཞེ་ན། ཆོས་མ་ཡིན་པའི་ལས་འཁྲུགས་པ་ཡིན་ཏེ་ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ།། །།འདུལ་བ་གཞི། བམ་པོ་བདུན་བཅུ་གཉིས་པ། ཡང་གང་ཟག་གཞན་ཞིག་དགེ་འདུན་ལྷག་
D1.003.0167a04.01མའི་ལྟུང་བ་བྱུང་བ་དེས་ལྟུང་བ་དེ་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང་མ་བཅབས་པར་དགེ་སློང་རྣམས་ལ་སྨྲས་པ་དང་། དགེ་འདུན་གྱིས་དེ་ལ་ཟླ་བ་གཅིག་གི་སྤོ་བ་བྱིན་ཏེ། དེ་སྤོ་བ་བྱེད་པ་ན་ལྷགས་ཤིང་ལྷགས་པའི་དགེ་སློང་རྣམས་ལ་སྨྲས་པ། ཚེ་དང་ལྡན་པ་
D1.003.0167a05.01དག་བདག་ལ་དགེ་འདུན་ལྷག་མའི་ལྟུང་བ་བྱུང་བ་བདག་གིས་ལྟུང་བ་དེ་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང་མ་བཅབས་པར་དགེ་སློང་རྣམས་ལ་སྨྲས་པ་དང་། དགེ་འདུན་གྱིས་བདག་ལ་ཟླ་བ་གཅིག་གི་སྤོ་བ་བྱིན་ཏེ། ཚེ་དང་ལྡན་པ་དག་ལེགས་པར་བྱིན་
D1.003.0167a06.01བ་མ་ཡིན་གྱིས་ཉེས་པར་བྱིན་པ་ཡིན་ཏེ། དེ་ཅིའི་ཕྱིར་ཞེ་ན། ཚེ་དང་ལྡན་པ་མགུ་བར་བྱ་བར་འོས་པ་སྟེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཤགས་པར་བྱའོ་ཞེས་མ་བཅབས་པ་ལས་བརྗེད་དོ། །དེས་
D1.003.0167a07.01