完整藏文原文 · 德格版页 当前仅加载第 3 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཆགས་པས་རས་ཡུག་པོ་ཆེ་ལས་ཉམས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་ཏུ་མ་ཟད་ཀྱི་ཇི་ལྟར་འདིས་འདས་པའི་དུས་ན་ཡང་ལྷག་པར་ཆགས་པས་ཟས་ཆད་པར་བྱས་པ་དེ་ཉོན་ཅིག །དགེ་
D1.003.0214a01.01སློང་དག་སྔོན་བྱུང་བ་འབབ་ཆུའི་ངོས་གཉིས་ན་གཙུག་ལག་ཁང་གཉིས་ཤིག་ཡོད་དེ། །གཅིག་ན་ནི་དགེ་འདུན་གྱི་རྙེད་པའོ། །ཅིག་ཤོས་ན་ནི་བསོད་སྙོམས་པ་རྣམས་ཀྱིའོ། །ཇི་ཙམ་ན་ཁྱི་གཎྜཱིའི་སྒྲ་ཤེས་པ་ཞིག་ཡོད་དེ། དེ་གཎྜཱིའི་སྒྲ་ཐོས་ནས་དགེ་འདུན་གྱི་རྙེད་པ་ཡོད་པའི་
D1.003.0214a02.01གཙུག་ལག་ཁང་དུ་སོང་ན། དེ་ལ་དགེ་སློང་ཁ་ཅིག་གིས་ལྷུང་བཟེད་ཀྱི་ལྷག་མ་བྱིན་པ་དང་དེས་དེ་ཟོས་ནས་བསོད་སྙོམས་པ་རྣམས་ཀྱི་གཙུག་ལག་ཁང་དུ་སོང་སྟེ། དེ་ཡང་ལྷུང་བཟེད་ཀྱི་ལྷག་མ་ཟོས་ན་དགའ་མགུར་འགྲོའོ། །ཇི་ཙམ་དུས་གཞན་ཞིག་ན་བསོད་སྙོམས་པ་རྣམས་
D1.003.0214a03.01ལ་གློ་བུར་གྱི་རྙེད་པ་ཞིག་བྱུང་ནས་དེ་རྣམས་ཀྱིས་སྔར་གཎྜཱིའི་བརྡུངས་པ་དང་། ཁྱི་དེས་གཎྜཱིའི་སྒྲ་ཐོས་ནས་ཆུ་རྒལ་བར་བརྩམས་ཏེ་དེ་དབུས་སུ་ཕྱིན་པ་དང་། དགེ་འདུན་གྱི་རྙེད་པ་ཅན་གྱི་གཙུག་ལག་ཁང་གི་གཎྜཱིའི་ཡང་བརྡུངས་ནས་དེ་སྤྲོ་བ་མེད་ནས་སླར་ལོག་པར་བརྩམས་པ་ལས་དེ་ཆུའི་
D1.003.0214a04.01རྒྱུན་གྱིས་རིང་དུ་ཁྱེར་ནས་གཉིས་ཀ་ལས་ཉམས་པར་གྱུར་ཏོ། །དགེ་སློང་དག་འདི་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱི་གཎྜཱིའི་སྒྲ་ཤེས་པ་གང་ཡིན་པ་དེ་ནི་ཉེ་དགའ་འདི་ཉིད་ཡིན་ཏེ། དེ་ན་ཡང་འདི་ལྷག་པར་ཆགས་པས་གཉིས་ཀ་ལས་ཉམས་པར་གྱུར་ཏོ། །ད་ལྟར་ཡང་ལྷག་
D1.003.0214a05.01པར་ཆགས་པས་གཉིས་ཀ་ལས་ཉམས་པར་གྱུར་ཏོ། །དགེ་སློང་དག་དེ་ལྟ་བས་ན་དགེ་སློང་གིས་ལྷག་པར་ཆགས་པར་མི་བྱའོ། །བྱེད་ན་འགལ་ཚབས་ཅན་དུ་འགྱུར་རོ།། །།སྡོམ་ལ། འཐབ་དང་ནད་པ་རྫོགས་པ་དང་། །ནུབ་མོའི་དུས་དང་ཀ་ཤི་དང་། །ཤིང་དང་
D1.003.0214a06.01གསིང་མ་འདུག་གནས་དང་། །ཆ་རྣམས་དང་ནི་བསྒོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། འདི་ལྟར་དགེ་སློང་རྣམས་ཀྱིས་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་
D1.003.0214a07.01