完整藏文原文 · 德格版页 当前仅加载第 3 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟུང་བ་དེ་རྣམས་ཚད་མེད་པ་དང་ལྡན་པའོ་ཞེས་བྱོས་ལ་ཇི་ལྟར་ཤེས་པ་རྣམས་ཀྱི་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ནས། དེས་ལྟུང་བ་དེ་རྣམས་ཀྱི་བརྩམས་པ་ཡང་མི་ཤེས། ཞག་གི་མཐའ་ཡང་
D1.003.0171a01.01མི་ཤེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་མེད་པ་དང་ལྡན་པའོ་ཞེས་བྱོས་ལ་དག་པའི་མཐའ་ཅན་
D1.003.0171a02.01གྱི་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ནས་དེས་ལྟུང་བ་དེ་རྣམས་ཀྱི་བརྩམས་པ་ཡང་ཤེས། ཞག་གི་མཐའ་ཡང་ཤེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D1.003.0171a03.01ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་མེད་པ་དང་ལྡན་པའོ་ཞེས་བྱོས་ལ་ཇི་ལྟར་བཅབས་པ་རྣམས་ཀྱི་སྤོ་བ་བྱིན་ཅིག །ཤེས་པ་བཞི་ཡིན་པ་ཇི་ལྟ་བ་བཞིན་དུ་དྲན་པ་བཞི་དང་། ཡིད་གཉིས་བཞི་
D1.003.0171a04.01ཡང་དེ་བཞིན་ནོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་པ་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས་དེ་དགེ་འདུན་ལྷག་མའི་ལྟུང་བ་ལྟུང་བ་བར་མ་སྔ་མ་དང་འདྲ་བ་བྱུང་བ་བཅབས་
D1.003.0171a05.01པ་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་
D1.003.0171a06.01པར་འོས་པས་གཞི་ནས་བསླང་བ་དང་། མགུ་བར་བྱ་བ་ཡང་ཆོས་མ་ཡིན་པས་བྱིན་ལ། ཕྱུང་བ་ཡང་ཆོས་མ་ཡིན་པས་བྱས་ན་གང་ཟག་འདི་ནི་ཐམས་ཅད་ནག་པོ་ཞེས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང་གང་ཟག་གཞན་ཞིག་དགེ་འདུན་ལྷག་མའི་
D1.003.0171a07.01