完整藏文原文 · 德格版页 当前仅加载第 3 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
བླུན་ཞིང་དབང་པོ་རྟུལ་བ་དང་། བག་མེད་ཅིང་བདེ་བ་མང་བས་བདེན་པ་རྣམས་ཀྱི་སྣོད་དུ་མི་འགྱུར་བའི་ཕྱིར་རོ། །མར་འགྲིབ་པ་ལོ་བརྒྱ་མན་ཆད་དུ་ཡང་སྙིགས་མ་ལྔ་པོ་འདི་ལྟ་སྟེ། ཚེའི་སྙིགས་མ་དང་། ཉོན་མོངས་པའི་སྙིགས་མ་དང་། སེམས་ཅན་གྱི་སྙིགས་མ་
D1.003.0276b01.01དང་། ལྟ་བའི་སྙིགས་མ་དང་། དུས་ཀྱི་སྙིགས་མ་ཤས་ཆེ་བ་ཡིན་པས་བདག་ལ་གཞན་དག་བྱང་ཆུབ་སེམས་དཔས་སྙིགས་མ་ལྔ་ཤས་ཆེ་བའི་དུས་སུ་ཉིང་མཚམས་སྦྱོར་བ་བླངས་སོ་ཞེས་གཞི་འདིས་ཁ་ཟེར་བར་མི་འགྱུར་རོ་སྙམ་མོ། །འདི་ལྟར་བྱང་ཆུབ་སེམས་
D1.003.0276b02.01དཔས་ཐོག་མ་མེད་པའི་དུས་ནས་སྨད་པར་མི་འགྱུར་བའི་ལས་བྱས་ཤིང་བསགས་པ་དང་། སངས་རྒྱས་བཅོམ་ལྡན་འདས་རྣམས་ནི་ཆོས་བཤད་པ་འབྲས་བུ་མེད་པ་མ་ཡིན་པས་རྒྱུ་འདིས་ན་བྱང་ཆུབ་སེམས་དཔའ་རྣམས་དུས་ལ་གཟིགས་པ་ཡིན་ནོ། །བྱང་ཆུབ་སེམས་
D1.003.0276b03.01དཔའ་རྒྱུ་གང་གིས་རྒྱུད་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི་འདི་སྙམ་དུ་དགོངས་ཏེ། བྱང་ཆུབ་སེམས་དཔའ་རྣམས་རྒྱུད་ཅི་འདྲ་བ་ཞིག་ཏུ་ཉིང་མཚམས་སྦྱོར་བ་ལེན་སྙམ་ན། རིགས་གང་ཞིག་བཙུན་པར་བཀུར་
D1.003.0276b04.01ཞིང་མ་མེས་དང་ཕ་མེས་ཟུང་བདུན་གྱི་བར་སྤྱོད་པ་ལ་སྐྱོན་མེད་པ་ཡིན་པར་གཟིགས་ནས་དེ་འདི་སྙམ་དུ་དགོངས་ཏེ། ཤཱཀྱའི་རིགས་བརྒྱུད་འདི་ནི་བཙུན་པར་བཀུར་བ་ཡིན་ཞིང་མང་པོས་བཀུར་བ་ནས་བཟུང་སྟེ་སྤྱོད་པ་སྐྱོན་མེད་པ་ཡིན་གྱིས་མ་ལ་བདག་ལ་གཞན་དག་བྱང་
D1.003.0276b05.01ཆུབ་སེམས་དཔས་རྒྱུད་ངན་པ་ལས་ཉིང་མཚམས་སྦྱོར་བ་བླངས་སོ་ཞེས་གཞི་འདིས་ཁ་ཟེར་བར་མི་འགྱུར་བར་བདག་གིས་རྒྱལ་པོ་ཟས་གཙང་གི་རྒྱུད་དུ་ཉིང་མཚམས་སྦྱོར་བ་བླང་ངོ་སྙམ་མོ། །འདི་ལྟར་བྱང་ཆུབ་སེམས་དཔས་ཐོག་མ་མེད་པའི་དུས་ནས་སྨད་པར་མི་
D1.003.0276b06.01འགྱུར་བའི་ལས་བྱས་ཤིང་བསགས་པ་དང་། སངས་རྒྱས་བཅོམ་ལྡན་འདས་རྣམས་ནི་ཆོས་བཤད་པ་འབྲས་བུ་མེད་པ་མ་ཡིན་པས་རྒྱུ་འདིས་ན་བྱང་ཆུབ་སེམས་དཔའ་རྣམས་རྒྱུད་ལ་གཟིགས་པར་མཛད་དོ། །བྱང་ཆུབ་སེམས་དཔའ་རྣམས་རྒྱུ་གང་གིས་བུད་མེད་ལ་གཟིགས་
D1.003.0276b07.01