完整藏文原文 · 德格版页 当前仅加载第 3 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པས་ཞི་བ་དང་། ཆུ་ལྷ་དང་། ལུས་ངན་དང་། བརྒྱ་བྱིན་དང་། ཚངས་པ་ལ་སོགས་པ་གཞན་ཡང་ལྷ་ཁྱད་པར་ཅན་རྣམས་ལ་གསོལ་བ་འདེབས་པ་འདི་ལྟ་སྟེ། ཀུན་དགའ་ར་བའི་ལྷ་དང་། ནགས་ཚལ་གྱི་ལྷ་དང་། བཞི་མདོའི་ལྷ་དང་། སུམ་མདོའི་ལྷ་དང་།
D1.003.0229b01.01གཏོར་མ་ལེན་པའི་ལྷ་དང་། ལྷན་ཅིག་སྐྱེས་པའི་ལྷ་དང་། ཆོས་མཐུན་པ་པ་དང་། རྟག་ཏུ་རྗེས་སུ་འབྲང་བའི་ལྷ་ལ་ཡང་གསོལ་བ་འདེབས་སོ། །འདི་ལྟར་གསོལ་བ་འདེབས་པའི་རྒྱུས་བུ་ཕོ་དང་བུ་མོ་སྐྱེ་བར་འགྱུར་རོ་ཞེས་འཇིག་རྟེན་ན་དེ་སྐད་དུ་གྲགས་པ་ཡོད་དེ། དེ་ཡང་དེ་
D1.003.0229b02.01ལྟ་མ་ཡིན་ཏེ། གལ་ཏེ་དེ་ལྟར་འགྱུར་ན་ནི་རེ་རེ་ཡང་དཔེར་ན་འཁོར་ལོས་སྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འོན་ཀྱང་གནས་གསུམ་མངོན་དུ་གྱུར་པ་ལས་བུ་ཕོ་དང་བུ་མོ་སྐྱེ་བར་འགྱུར་ཏེ། གནས་གསུམ་གང་ཞེ་ན་ཕ་དང་མ་གཉིས་ཆགས་པར་གྱུར་ཅིང་ལྷན་
D1.003.0229b03.01ཅིག་འདུས་པ་དང་། མ་མངལ་རུང་བར་གྱུར་ཅིང་ཟླ་མཚན་དང་ལྡན་པ་དང་། དྲི་ཟ་ཉེ་བར་གནས་པར་གྱུར་པ་སྟེ། གནས་དེ་གསུམ་མངོན་དུ་གྱུར་པ་ལས་བུ་ཕོ་དང་བུ་མོ་སྐྱེ་བར་འགྱུར་བ་ཡིན་ན་དེས་བུ་ཡོད་པའི་ལས་མ་བྱས་པས་དེས་ན་དེ་ལ་བུ་ཕོ་དང་བུ་མོ་མེད་དོ། །ཇི་ཙམ་ན་
D1.003.0229b04.01དེ་ནད་ཀྱིས་ཐེབས་ནས་དེ་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་སྨན་རྣམས་ཀྱིས་བསྙེན་བཀུར་བྱས་ཀྱང་དེའི་ནད་ཞི་བར་མ་གྱུར་ཏོ། །དེ་ནས་དེའི་ཆུང་མས་བསམས་པ། བདག་གི་ཁྱིམ་ན་ནོར་ཕལ་མོ་ཆེ་བསགས་པ་ནི་བདག་ལ་བུ་ཕོ་ཡང་
D1.003.0229b05.01མེད་བུ་མོ་ཡང་མེད་ལ། བདག་གི་ཁྱིམ་ཐབ་འདི་ནི་འཆི་བར་འགྱུར་གྱིས། ད་ནི་གལ་ཏེ་འཇིག་རྟེན་ཕ་རོལ་གྱི་ལམ་རྒྱགས་མ་བླངས་ན་ནོར་ཟས་འདི་ཐམས་ཅད་བདག་ལ་བུ་མེད་དོ་ཞེས་བྱས་ནས་རྒྱལ་པོས་དབང་བྱས་པར་འགྱུར་རོ་སྙམ་ནས། དེའི་མུ་ཏིག་གི་དོ་ཤལ་བརྒྱ་
D1.003.0229b06.01སྟོང་རི་བ་མགུལ་ན་ཐོགས་པ་དེས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་དེ་ལ་དྲི་དང་བྱུག་པས་བྱུགས་ནས་མཆོད་པ་བྱས་ཏེ་བཏགས་ནས་དད་པ་དྲག་པོས་དྲུང་དུ་གཏུགས་ཏེ་སྨོན་ལམ་བཏབ་པ། སྦྱིན་པའི་ཆོས་ཡོངས་སུ་བཏང་བ་དང་སེམས་བསྐྱེད་
D1.003.0229b07.01