完整藏文原文 · 德格版页 当前仅加载第 3 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
གཏི་མུག་འདི་ནི་ཁྱིམ་པའི་རྟགས་ཡིན་ནོ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །ཚེ་དང་ལྡན་པ་ཀུན་དགའ་མཆིན་ནད་ཅན་དགེ་སློང་མེད་པའི་གནས་སྒོ་འཕར་མེད་པ་ཞིག་ཏུ་དབྱར་གནས་པར་དམ་བཅས་ཏེ་སྣམ་སྦྱར་མེད་པར་
D1.003.0092a01.01དེ་ཕྱི་རོལ་དུ་བྱུང་བ་དང་། དེའི་སྣམ་སྦྱར་རྐུན་པོས་ཁྱེར་རོ་ཞེས་བྱ་བའི་བར་དུ་སྟེ། དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་དགེ་སློང་མེད་པའི་གནས་སྒོ་འཕར་མེད་པར་དབྱར་གནས་པར་དམ་མི་བཅའ་ཞིང་སྣམ་སྦྱར་མེད་པར་གར་དུ་ཡང་འགྲོ་བར་མི་བྱའོ། །
D1.003.0092a02.01སོང་ན་འགལ་ཚབས་ཅན་དུ་འགྱུར་རོ། །ཚེ་དང་ལྡན་པ་ཀུན་དགའ་བོ་མཆིན་ནད་ཅན་ན་བ་དེའི་ནད་གཡོག་ཚེ་དང་ལྡན་པ་ཀུན་དགའ་བོ་བྱེད་པ་ལས་ཆར་བབ་པ་དང་དེ་སྣམ་སྦྱར་གྱོན་ཏེ་འགྲོ་བའི་སྤྲོ་བ་མེད་ནས། བཅོམ་ལྡན་འདས་ཀྱིས་བཀའ་སྩལ་པ། མཐང་གོས་དང་བླ་གོས་སུ་
D1.003.0092a03.01བཅས་པས་འགྲོ་བར་བྱའོ། །གཞན་ཡང་སྣམ་སྦྱར་གཞག་ཏུ་རུང་བ་ནི་ལྔ་སྟེ། དགེ་སློང་དང་བཅས་པའི་གནས་སྒོ་འཕར་དང་བཅས་པ་དང་། ཆར་བབ་པ་དང་། ཆར་འབབ་ཏུ་དོགས་པ་དང་། འབབ་ཆུའི་ཕ་རོལ་ཏུ་འགྲོ་བར་འདོད་པ་དང་། སྲ་བརྐྱང་བཏིང་བའི་གནས་
D1.003.0092a04.01དང་། དགེ་འདུན་གྱིས་གནང་བ་བྱིན་པར་གྱུར་པའོ།། །།བར་སྡོམ་གྱི་ཚིགས་སུ་བཅད་པ། དབྱར་དང་དགེ་ཚུལ་ཉིད་དག་གི། །བྱུང་བ་གཉིས་པོ་དག་དང་ནི། །རྙེད་པ་ཆུང་དང་འགྱོད་པ་དང་། །དགེ་འདུན་རྙེད་དང་དེ་དེའི་ཡིན། །བཅོམ་ལྡན་འདས་ཀྱིས་དགེ་སློང་རྣམས་
D1.003.0092a05.01ཀྱི་ཆོས་གོས་ཀྱི་རྙེད་པ་སྦྱིན་པར་བྱའོ་ཞེས་གསུངས་ན། དགེ་སློང་རྣམས་ཀྱིས་དག་གི་དབྱེ་བྱས་པའི་མོད་ཁོ་ན་ལ་ལྗོངས་རྒྱུར་དང་བ་དང་དེ་རྣམས་ཀྱི་རྙེད་པ་སུས་ཀྱང་མ་བླངས་ནས། བཅོམ་ལྡན་འདས་ཀྱིས་བཀའ་སྩལ་པ། དེའི་རྙེད་པ་ལེན་དུ་གཞུག་པའི་ཕྱིར་དགེ་སློང་ལ་
D1.003.0092a06.01བཅོལ་ནས་འགྲོ་བར་བྱའོ། །མ་བཅོལ་བའི་དགེ་སློང་གཞན་དག་གིས་བླངས་པ་དང་། དགེ་སློང་རྣམས་ཕན་ཚུན་རྩོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མ་བཅོལ་བའི་དགེ་སློང་གིས་རྙེད་པ་བླང་བར་མི་བྱའོ། །བླངས་ན་འགལ་ཚབས་ཅན་དུ་འགྱུར་
D1.003.0092a07.01