完整藏文原文 · 德格版页 当前仅加载第 3 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
གི་རྙེད་པ་འདི་ན་ཡང་དེར་ཟད་ལ་བདག་གི་རྙེད་པ་དེ་ན་ཡང་དེར་ཟད་ན་སྤོགས་མེད་པར་དགེ་འདུན་གྱི་གནས་བརྟན་གྱིས་ཅི་ཞིག་བྱ་ཞེས་དེ་སླར་རིངས་པ་རིངས་པས་གཙུག་ལག་ཁང་དེ་ཉིད་དུ་སོང་བ་དང་། གནས་མལ་ཕྱེད་བསྐོས་ཙམ་ན་གཙུག་ལག་ཁང་དུ་ཕྱིན་ནས་དེས་སྨྲས་པ། རྒན་
D1.003.0213a01.01རིམས་ཇི་ལྟ་བ་བཞིན་དུ་གཙུག་ལག་ཁང་སྐོས་ཤིག །དགེ་སློང་རྣམས་ཀྱིས་འདས་ཟིན་ཏོ་ཞེས་ཏེ་མ་བསྐོས་པ་དང་ཉེ་{དགའས་,དགས་}སྨྲས་པ། ཚེ་དང་ལྡན་པ་དག་སྟོན་པ་བཞུགས་བཞིན་དུ་བསྟན་པ་ནུབ་པར་བྱེད་དམ་ཅི། རྒན་རིམས་ཇི་ལྟ་བ་བཞིན་དུ་གཙུག་ལག་ཁང་སྐོས་ཤིག་ཅེས་པའི་སྐབས་
D1.003.0213a02.01དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་དགེ་འདུན་གྱིའམ་མཆོད་རྟེན་གྱི་བྱ་བ་ལ་སོང་བ་ཞིག་ཡིན་ན་དེའི་གནས་མལ་རྒན་རིམས་ཇི་ལྟ་བ་བཞིན་དུ་བསྐོ་བར་བྱའོ། །གཞན་གྱི་ནི་གར་བབ་པ་བཞིན་དུའོ། །ཉེ་དགའ་ལྷག་
D1.003.0213a03.01པར་ཆགས་པས་གཙུག་ལག་ཁང་གཉིས་ཀྱི་རྙེད་པ་ཐོབ་པར་འགྱུར་རོ་སྙམ་ནས། གཙུག་ལག་ཁང་གཉིས་སུ་དབྱར་གནས་པར་དམ་བཅས་ཏེ། དེས་དབྱར་འདས་ནས་རྙེད་པ་མནོས་པ་དང་། གཅིག་ནས་ཀྱང་མ་ཐོབ་ཅིག་ཤོས་ནས་ཀྱང་མ་ཐོབ་ནས། གནས་མལ་འགྱེད་པའི་དགེ་སློང་རྣམས་ལ་ཁ་
D1.003.0213a04.01ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེས་དབྱར་གནས་པར་ཁས་བླངས་པས་དེ་ལ་རྙེད་པ་བྱིན་ཅིག །དགེ་སློང་རྣམས་ཀྱིས་གཙུག་ལག་ཁང་གཉིས་ཀ་ནས་ཀྱང་བྱིན་པ་དང་བཅོམ་ལྡན་འདས་ཀྱིས་བཀའ་སྩལ་པ།
D1.003.0213a05.01གཙུག་ལག་ཁང་གཉིས་ཀ་ནས་སྦྱིན་པར་མི་བྱའོ། །གཅིག་ནས་བྱིན་པ་དང་དགེ་སློང་གཞན་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ་གཙུག་ལག་ཁང་གཉིས་ཀར་དབྱར་གནས་ན་ཅིའི་ཕྱིར་གཅིག་ནས་སྦྱིན། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་
D1.003.0213a06.01གཉིས་ཀ་ནས་ཕྱེད་ཕྱེད་སྦྱིན་པར་བྱ་སྟེ། དགེ་སློང་གིས་གཙུག་ལག་ཁང་གཉིས་སུ་གནས་པར་དམ་མི་བཅའོ། །དམ་འཆའ་བར་བྱེད་ན་འགལ་ཚབས་ཅན་དུ་འགྱུར་རོ། །ཁྱིམ་བདག་ཅིག་གིས་གཙུག་ལག་ཁང་གཉིས་རྩིག་ཏུ་བཅུག་སྟེ། གཅིག་ནི་དགོན་པ་པ་རྣམས་ཀྱི་ཡིན་ནོ། །ཅིག་ཤོས་ནི་གྲོང་མཐའ་
D1.003.0213a07.01