完整藏文原文 · 德格版页 当前仅加载第 3 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡང་འཇིག་རྟེན་དུ་མི་འབྱུང་སྟེ། རྒྱུ་སྐར་རྣམས་ཀྱང་མེད། སྐད་ཅིག་དང་། ཐང་ཅིག་དང་། ཡུད་ཙམ་ཡང་མེད། མཚན་མོ་དང་ཉིན་མོ་ཡང་མེད། ཟླ་བ་དང་། ཟླ་བ་ཕྱེད་དང་། དུས་ཚིགས་དང་། ལོ་རྣམས་ཀྱང་འཇིག་རྟེན་དུ་འབྱུང་བ་
D1.003.0258a01.01མེད་དོ། །སྐྱེས་པ་དང་བུད་མེད་དུ་མངོན་པ་ཡང་མེད་ཀྱི། གཞན་དུ་ན་སེམས་ཅན་སེམས་ཅན་ཞེས་བྱ་བའི་གྲངས་སུ་འགྲོའོ། །དེ་ནས་སེམས་ཅན་བརྐམ་ཆགས་ཀྱི་རང་བཞིན་ཅན་ཞིག་གིས་མཛུབ་མོའི་རྩེ་མོས་སའི་བཅུད་མྱོང་བར་བྱེད་དོ། །ཇི་ལྟ་ཇི་ལྟར་མྱངས་པ་དེ་ལྟ་
D1.003.0258a02.01དེ་ལྟར་སྲེད་དོ། །ཇི་ལྟ་ཇི་ལྟར་སྲེད་པ་དེ་ལྟ་དེ་ལྟར་ཁམ་གྱི་ཟས་རིམ་གྱིས་ཟའོ། །སེམས་ཅན་གཞན་དག་གིས་ཀྱང་སེམས་ཅན་དེ་མཛུབ་མོའི་རྩེ་མོས་སའི་བཅུད་མྱོང་བར་བྱེད་དེ། ཇི་ལྟ་ཇི་ལྟར་མྱངས་པ་དེ་ལྟ་དེ་ལྟར་སྲེད་ལ། ཇི་ལྟ་ཇི་ལྟར་སྲེད་པ་དེ་ལྟ་དེ་ལྟར་ཁམ་གྱི་
D1.003.0258a03.01ཟས་རིམ་གྱིས་ཟ་བ་མཐོང་ངོ་། །མཐོང་ནས་དེ་རྣམས་ཀྱིས་ཀྱང་མཛུབ་མོའི་རྩེ་མོས་སའི་བཅུད་མྱོང་བར་རྩོམ་སྟེ། ཇི་ལྟ་ཇི་ལྟར་མྱངས་པ་དེ་ལྟ་དེ་ལྟར་སྲེད་དོ། །ཇི་ལྟ་ཇི་ལྟར་སྲེད་པ་དེ་ལྟ་དེ་ལྟར་ཁམ་གྱི་ཟས་རིམ་གྱིས་ཟའོ། །གང་གི་ཚེ་སེམས་ཅན་དེ་རྣམས་ཀྱིས་སའི་
D1.003.0258a04.01བཅུད་ལ་ཁམ་གྱི་ཟས་རིམ་གྱིས་ཟོས་པ་དེའི་ཚེ་དེ་རྣམས་ཀྱི་ལུས་ལ་མཁྲང་བ་དང་ལྕི་བ་ཞུགས་པར་གྱུར་ཏོ། །དེ་རྣམས་ཀྱི་ཁ་དོག་བཟང་པོ་གསལ་བ་གང་ཡིན་པ་དེ་ཡང་ནུབ་པར་གྱུར་པས་འཇིག་རྟེན་དུ་མུན་པ་བྱུང་བར་གྱུར་ཏོ། །གཽ་ཏ་མ་དག་ཆོས་ཉིད་ཀྱིས་འཇིག་རྟེན་
D1.003.0258a05.01དུ་མུན་པ་བྱུང་ན་ཉི་མ་དང་ཟླ་བ་གཉིས་འཇིག་རྟེན་དུ་འབྱུང་བར་འགྱུར་རོ། །རྒྱུ་སྐར་དང་། སྐད་ཅིག་དང་། ཐང་ཅིག་དང་། ཡུད་ཙམ་དང་། མཚན་མོ་དང་། ཉིན་མོ་དང་། ཟླ་བ་དང་། ཟླ་བ་ཕྱེད་དང་། དུས་ཚིགས་དང་། ལོ་འཇིག་རྟེན་དུ་འབྱུང་བར་འགྱུར་
D1.003.0258a06.01རོ། །དེ་རྣམས་དེ་ཟ་ཞིང་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས་སོ། །དེ་རྣམས་ལས་ཁ་ཟས་ལ་ཆེས་ཉུང་ཟད་དུ་ཟ་བ་གང་ཡིན་པ་དེ་ནི་ཁ་དོག་དང་ལྡན་པར་འགྱུར་རོ། །ཁ་ཟས་ལ་ཆེས་མང་དུ་ཟ་བ་གང་ཡིན་པ་དེ་ནི་ཁ་དོག་ངན་པར་འགྱུར་ཏེ། ཁ་ཟས་ཀྱི་
D1.003.0258a07.01