完整藏文原文 · 德格版页 当前仅加载第 3 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོ་བོ་ནི་ཁྱོད་ཀྱི་གྲོགས་པོ་རྙིང་པ་བྲམ་ཟེའི་ཁྱེའུ་སྦྲང་རྩིའི་ཕུང་པོ་ཡིན་ཏེ། ཁོ་བོས་དགེ་སློང་ཤཱ་རིའི་བུ་དང་། མཽད་གལ་གྱི་བུ་གཉིས་ལ་སེམས་དད་པ་བསྐྱེད་ནས་ཤི་བ་དང་རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་ཏེ། ལྷོ་སྒོ་འདི་ཉིད་ན་གཉུག་མར་གནས་སོ། །
D1.003.0197a01.01དེའི་ཕྱིར་ཁོ་བོ་ནི་ཁྱོད་ཉིད་ལ་འདི་སྐད་ཅེས། ཁྱིམ་བདག་སྤྱན་སྔར་སོང་ཤིག །སླར་མ་ལྡོག་ཅིག །ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ་ཞེས་སྨྲའོ།། །།འདུལ་བ་གཞི། བམ་པོ་བདུན་བཅུ་ལྔ་པ། དེ་ནས་ཁྱིམ་བདག་
D1.003.0197a02.01མགོན་མེད་ཟས་སྦྱིན་འདི་སྙམ་དུ་སེམས་ཏེ། ཀྱེ་མའོ་སངས་རྒྱས་བཅོམ་ལྡན་འདས་ནི་མཆོག་མ་ཡིན་པ་མ་ཡིན་ཞིང་ཆོས་བསྟན་པ་ཡང་མཆོག་མ་ཡིན་པ་མ་ཡིན་ཏེ། དེ་ལ་ད་ལྟར་ལྷ་ཡང་བརྩོན་པར་བྱེད་ཀྱིས། བཅོམ་ལྡན་འདས་དེ་བལྟ་བར་བྱའོ་སྙམ་དུ་བསམས་ནས་བསིལ་བའི་ཚལ་གྱི་དུར་
D1.003.0197a03.01ཁྲོད་གང་ན་བ་དེར་སོང་བ་དང་། དེའི་ཚེ་བཅོམ་ལྡན་འདས་གཙུག་ལག་ཁང་གི་ཕྱི་རོལ་བླ་གབ་མེད་པ་ན་འཆག་ཅིང་ལྷག་པར་ཡང་ཁྱིམ་བདག་མགོན་མེད་ཟས་སྦྱིན་འོང་བ་ལ་གཞེས་པ་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་རྒྱང་རིང་པོ་ཁོ་ན་ནས་མཐོང་ངོ་། །མཐོང་ནས་
D1.003.0197a04.01ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ལ་ཁྱིམ་བདག་གིས་ཡང་དག་པར་དགྱེས་པར་འགྱུར་བས་ཡང་དག་པར་དགྱེས་པར་བྱེད་དེ། །བཅོམ་ལྡན་འདས་ཇི་ག་བདེ་བར་མནལ་ཏམ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་
D1.003.0197a05.01པ། གང་ཞིག་འདོད་པས་མ་གོས་ལ། །ཟག་མེད་རབ་ཏུ་རྣམ་གྲོལ་བ། །མྱ་ངན་ཡོངས་འདས་བྲམ་ཟེ་ནི། །ཐམས་ཅད་དུ་ནི་བདེ་བར་མནལ། །འདིར་ནི་རེ་བ་ཀུན་བཅང་ནས། །ཐུགས་ཀྱི་རིམས་ནད་རྣམས་བསལ་ཞིང་། །ཞི་བ་ཐོབ་པའི་ཐུགས་ཀྱིས་ནི། །ཉེ་བར་ཞི་བ་བདེ་བར་མནལ། །དེ་ནས་བཅོམ་ལྡན་འདས་
D1.003.0197a06.01ཀྱིས་ཁྱིམ་བདག་མགོན་མེད་ཟས་སྦྱིན་ཁྲིད་ནས་གཙུག་ལག་ཁང་དུ་ཞུགས་ཏེ་གདན་བཤམས་པ་ཉིད་ལ་བཞུགས་པ་དང་། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་ཕྱོགས་གཅིག་ཏུ་འདུག་པ་
D1.003.0197a07.01