完整藏文原文 · 德格版页 当前仅加载第 3 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཇི་ཙམ་ན་ཨ་མྲ་སྐྱོང་མ་སེམས་ཅན་དང་ལྡན་པར་གྱུར་ནས་དེས་རྒྱལ་པོ་གཟུགས་ཅན་སྙིང་པོ་ལ་སྨྲས་པ། ལྷ་བདག་ལ་སེམས་ཅན་ཞུགས་ལགས་སོ། །དེས་དེ་ལ་སེང་རས་ཤིག་དང་སོར་གདུབ་
D1.003.0058a01.01རྒྱ་བྱིན་ནས་སྨྲས་པ། གལ་ཏེ་བུ་མོ་ཞིག་ཡིན་ན་ཁྱོད་ཉིད་ཀྱི་ཡིན་ནོ། །འོན་ཏེ་ཁྱེའུ་ཡིན་ན་སེང་རས་འདི་སྐོན་ལ་སོར་གདུབ་ཀྱི་རྒྱ་མགུལ་ཏུ་ཐོགས་ཏེ་ངའི་དྲུང་དུ་བཀྲི་ཤིག །དེ་བྱུང་སྟེ་ཤིང་རྟར་ཞུགས་ཏེ་ས་སྐྱོང་དང་ལྷན་ཅིག་ཆས་པ་དང་དྲིལ་བུ་འཁྲོལ་བར་འདུག་གོ། །དེ་རྣམས་ཀྱིས་སྨྲས་པ།
D1.003.0058a02.01ཤེས་ལྡན་དག་དགྲ་བོ་བྱུང་གིས་རྗེས་བཞིན་དུ་བཙལ་ལོ་ཞེས་ལིཙྪ་བཱི་སྐྱིན་གོར་གྱི་མདའ་རྩིབས་ཅན་ལྔ་བརྒྱས་རྒྱལ་པོ་གཟུགས་ཅན་སྙིང་པོའི་ཕྱི་བཞིན་བསྙགས་པ་དང་ས་སྐྱོང་གིས་མཐོང་ནས་དེས་སྨྲས་པ། ལྷ་ཡངས་པ་ཅན་གྱི་ལིཙྪ་བཱི་རྣམས་མཆི་ན། ལྷ་ཅི་འདི་དག་དང་ལྷན་ཅིག་འཐབ་མོ་བགྱིའམ།
D1.003.0058a03.01འོན་ཏེ་ཤིང་རྟ་བདའ། དེས་སྨྲས་པ། ང་ནི་དུབ་པས་ཤིང་རྟ་དེད་ཀྱིས་ཁྱོད་ཁོ་ནས་འདི་དག་དང་ལྷན་ཅིག་འཐབ་མོ་ཁྱེས་ཤིག །དེས་དེ་རྣམས་དང་ལྷན་ཅིག་འཐབ་མོ་འགྱེད་པར་བརྩམས་པ་ལས་ཡངས་པ་ཅན་རྣམས་ཀྱིས་ངོ་ཤེས་ནས་དེ་རྣམས་ཀྱིས་སྨྲས་པ། ཤེས་ལྡན་དག་མིའི་སྲིན་པོ་དེ་ཉིད་འདི་
D1.003.0058a04.01ཡིན་གྱིས་སླར་ལྡོག་གོ། །དེ་རྣམས་སླར་ལོག་ནས་ཡངས་པ་ཅན་དུ་འོངས་ཏེ་འདུས་ནས་ཡང་ཁྲིམས་སུ་བཅས་པ། ཤེས་ལྡན་དག་བདག་ཅག་གི་དགྲ་འདི་ལ་ཡང་གཟུགས་ཅན་སྙིང་པོའི་བུ་རྣམས་ཤ་གློན་དུ་གཞུག་གོ་ཞེས་བཅས་སོ། །ཇི་ཙམ་ན་ཟླ་བ་དགུ་འདས་པ་དང་ཨ་མྲ་སྐྱོང་མ་ལ་ཁྱེའུ་
D1.003.0058a05.01གཟུགས་བཟང་ལ་མཛེས་པ་བལྟ་ན་སྡུག་པ་ཞིག་བཙས་སོ། །བཙས་ནས་ཞེས་བྱ་བ་ནས་བསྲིངས་བསྐྱེད་དེ་ཆེན་པོར་གྱུར་ཏོ་ཞེས་བྱ་བའི་བར་དུའོ། །དེ་ཡངས་པ་ཅན་པའི་ལིཙྪ་བཱིའི་ཁྱེའུ་རྣམས་དང་ལྷན་ཅིག་རྩེ་བར་བྱེད་པ་ལས། དེ་རྣམས་ཀྱིས་མི་དགའ་བའི་ཚིག་གིས་སྨྲས་པ། བྲན་མོའི་
D1.003.0058a06.01བུ་ཁྱོད་བརྒྱ་སྟོང་ཕྲག་དུ་མ་ཞིག་ལས་ནི་སྐྱེས་ན་ཕ་སུ་ཡིན། དེ་ངུས་ནས་མའི་དྲུང་དུ་སོང་བ་དང་དེས་སྨྲས་པ། བུ་ཅིའི་ཕྱིར་དུ་ངུ་། དེས་ཐམས་ཅད་རྒྱས་པར་སྨྲས་པ་དང་། དེས་སྨྲས་པ། བུ་གལ་ཏེ་ཡང་འདྲི་བ་དང་ངའི་ཕ་ལྟ་བུ་ནི་ཁྱེད་ཅག་གཅིག་ལ་ཡང་མེད་དོ་ཞེས་སྨྲོས་ཤིག །གལ་ཏེ་
D1.003.0058a07.01