完整藏文原文 · 德格版页 当前仅加载第 3 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་འཐུངས་པ་ལས་མ་ཞུ་ནས་ཤིའོ། །དེ་ལ་གསེར་མང་དུ་ཡོད་དེ། ཆ་གཅིག་ནི་ཆོས་གོས་ལས་སོ། །ཆ་གཉིས་པ་ནི་ནད་ཀྱི་རྐྱེན་སྨན་ལས་སོ། །ཆ་གསུམ་པ་ནི་རྡུངས་སུ་བྱས་པ་དང་མ་བྱས་པ་ལས་ཏེ། གསེར་སྲང་སུམ་ཁྲི་བྱུང་ངོ་ཞེས་བློན་པོ་རྣམས་ཀྱིས་
D1.003.0102a01.01ཐོས་ནས་རྒྱལ་པོ་ལ་སྨྲས་པ། ལྷ་འཕགས་པ་ཉེ་དགའ་གུམ་པ་ལས་དེ་ལ་གསེར་མང་དུ་བྱུང་སྟེ། གསེར་སྲང་སུམ་ཁྲི་མཆིས་ཀྱིས་དེ་ལ་བཀའ་སྩལ་པའི་རིགས་སོ། །རྒྱལ་པོས་སྨྲས་པ། གལ་ཏེ་དེ་ལྟ་ན་དེང་ལ་དེའི་གནས་ཁང་རྒྱས་ཐོབ་ཤིག །དགེ་སློང་རྣམས་དེ་ཁྱེར་ཏེ་
D1.003.0102a02.01སྲེག་ཏུ་དོང་ངོ་། །དེ་རྣམས་ཀྱང་ལྷགས་ནས་གནས་ཁང་རྒྱས་བཏབ་བོ། །དགེ་སློང་རྣམས་ཀྱིས་དེ་དུར་ཁྲོད་དུ་བསྲེགས་ནས་གཙུག་ལག་ཁང་དུ་འོངས་པ་ན་གནས་ཁང་རྒྱལ་པོའི་རྒྱས་བཏབ་པ་མཐོང་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་།
D1.003.0102a03.01དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་ངའི་ཚིག་གིས་རྒྱལ་པོ་གསལ་རྒྱལ་ལ་ནད་མེད་པར་གྱུར་ཅིག་ཅེས་བྱོས་ལ། འདི་སྐད་ཅེས་རྒྱལ་པོ་ཆེན་པོ་གང་གི་ཚེ་ཁྱོད་རྒྱལ་པོའི་བྱ་བ་བྱེད་པ་དེའི་ཚེ་ཁྱོད་ཀྱིས་དགེ་སློང་ཉེ་དགའ་
D1.003.0102a04.01ལ་བལྟས་སམ། འོན་ཏེ་གང་གི་ཚེ་ཁྱོད་བག་མ་གཏོང་བའམ་བག་མ་ལེན་པ་དེའི་ཚེ་ཉེ་དགའ་ལ་ལན་འགའ་ཁྱོད་ཀྱིས་ཇི་སྲིད་འཚོ་བའི་ཆོས་གོས་དང་བསོད་སྙོམས་དང་གནས་མལ་དང་། ན་བའི་རྐྱེན་རྩི་དང་། ཡོ་བྱད་རྣམས་ཀྱིས་བསྟབས་སམ། འོན་ཏེ་ན་བ་ལ་རིམ་གྲོ་བྱས་
D1.003.0102a05.01སམ་ཞེས་གྱིས་ཤིག་གལ་ཏེ་མ་བགྱིས་སོ་ཞེས་སྨྲ་ན། དེ་ལ་རྒྱལ་པོ་ཆེན་པོ་ཁྱིམ་པ་རྣམས་ཀྱི་ཁྱིམ་གྱི་བྱ་བ་དང་། རབ་ཏུ་བྱུང་བ་རྣམས་ཀྱི་ཐ་དད་པས་སེམས་ལས་ཆུང་ངུས་གནས་པར་གྱིས་ཤིག །རྙེད་པ་འདི་ནི་ཚངས་པ་མཚུངས་པར་སྤྱོད་པ་རྣམས་དབང་བར་འགྱུར་བས་
D1.003.0102a06.01གཏོགས་འདོད་ཐོང་ཤིག་ཅེས་སྨྲོས་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་ཀོ་ས་ལའི་རྒྱལ་པོ་གསལ་རྒྱལ་གང་ན་བ་དེར་སོང་སྟེ་ཕྱིན་ནས། ཇི་སྐད་བཀའ་སྩལ་པ་བཞིན་སྨྲས་པ་དང་། རྒྱལ་པོས་སྨྲས་པ།
D1.003.0102a07.01