完整藏文原文 · 德格版页 当前仅加载第 3 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱི་ཉན་ཐོས་བྱིས་པ། བླུན་པ་མི་གསལ་བ། མི་མཁས་པ་འགའ་ཞིག་གིས་ཉོན་མོངས་པའི་དབང་གིས་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་སྨྲས་སམ། རེག་གམ། ཁ་ངན་སྨྲས་པར་མ་གྱུར་གྲང་སྙམ་མོ། །དེའི་ཚེ་རི་ནག་པོའི་
D1.003.0147a01.01བྲམ་ཟེ་དང་ཁྱིམ་བདག་རྣམས་ཀྱི་འདུན་ཁང་དུ་དགེ་བསྙེན་ལྔ་བརྒྱ་ཙམ་དགོས་པ་འགའ་ཞིག་གི་ཕྱིར་འདུས་ཤིང་འཁོད་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་རི་ནག་པོའི་བྲམ་ཟེ་དང་ཁྱིམ་བདག་རྣམས་ཀྱི་འདུན་ཁང་ག་ལ་བ་དེར་སོང་སྟེ་ཕྱིན་པ་དང་། རི་ནག་པོའི་
D1.003.0147a02.01བྲམ་ཟེ་དང་ཁྱིམ་བདག་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་སྔོན་ནི་རི་ནག་པོ་འདི་ཞེས་བྱ་བ་ནས་བསོད་སྙོམས་གཅིག་ཀྱང་མ་རྙེད་དོ། །ཞེས་བྱ་བའི་བར་གོང་མ་བཞིན་དུའོ། །དེ་སྐད་ཅེས་སྨྲས་པ་དང་རི་ནག་པོའི་བྲམ་ཟེ་དང་ཁྱིམ་བདག་རྣམས་མིག་གནམ་དུ་བལྟས་
D1.003.0147a03.01ནས་འདུག་གོ། །དེའི་ཚེ་དགེ་བསྙེན་ཆུ་ལ་རྩེ་ཞེས་བྱ་བ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་དགེ་བསྙེན་ཆུ་ལ་རྩེས་ཚེ་དང་ལྡན་པ་ཀུན་དགའ་བོའི་ལག་ནས་བཟུང་སྟེ་མཐའ་གཅིག་ཏུ་དོང་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་
D1.003.0147a04.01པ་མཁྱེན་པར་མཛོད་ཅིག །རི་ནག་པོ་འདི་ན་དགེ་སློང་འགྲོ་མགྱོགས་དང་ནབ་སོ་ཁྱིམ་སུན་འབྱིན་པ་སྡིག་པའི་ཆོས་ཀུན་ཏུ་སྤྱོད་པ་དག་ཅིག་གནས་ཏེ་དེ་གཉིས་ཀྱིས་བུད་མེད་རྣམས་དང་ལྷན་ཅིག་ཁ་དཔྱ་ཟེར་ཞེས་བྱ་བ་ནས་ཚེ་དང་ལྡན་པ་ཀུན་དགའ་བོ་ཞེས་བྱ་བ་ནས། ཇི་ལྟར་གོང་
D1.003.0147a05.01དུ་ཁྱིམ་སུན་འབྱིན་པའི་དགེ་འདུན་ལྷག་མའི་བསླབ་པ་ལ་བསྟན་པ་བཞིན་དུ་སྟེ། དགེ་སློང་འགྲོ་མགྱོགས་དང་ནབ་སོ་གཉིས་བསྐྲད་པའི་ལས་བྱོས་ཤིག་འདི་ལྟར་ཡང་བྱ་སྟེ། དགེ་སློང་གནས་བརྟན་རྣམས་དང་ལྷན་ཅིག་ཏུ་ལམ་ཀར་འདུག་ལ་གླེང་བར་བྱེད་པའི་དགེ་སློང་བསྐོ་
D1.003.0147a06.01བར་བྱ་སྟེ། ཆོས་ལྔ་དང་ལྡན་པའི་དགེ་སློང་ནི་ཞེས་བྱ་བ་ནས་ལས་བྱ་བ་ནི་ཞེས་བྱ་བའི་བར་གོང་མ་བཞིན་དུའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འགྲོ་མགྱོགས་དང་ནབ་སོ་འདི་གཉིས་ཁྱིམ་སུན་འབྱིན་པ་སྡིག་པའི་ཆོས་ཀུན་ཏུ་སྤྱོད་པ་ལགས་ཏེ།
D1.003.0147a07.01