完整藏文原文 · 德格版页 当前仅加载第 3 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་རྣམས་གནས་ནས་འབྱིན་པའི་དགེ་སློང་དང་། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང་། གནས་ནས་འབྱིན་པའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་གང་ན་བ་དེར་དོང་སྟེ་ཕྱིན་ནས། གནས་ནས་འབྱིན་པའི་དགེ་སློང་
D1.003.0132a01.01དང་། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང་། གནས་ནས་འབྱིན་པའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པའི་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་འདིར་མདང་སུམ་ནམ་གྱི་ཆ་སྨད་ཀྱི་དུས་སུ་བདག་གིས་རང་གི་རྒྱུད་ལ་བརྟགས་
D1.003.0132a02.01ན་འདི་སྙམ་དུ་སེམས་ཏེ། གླེང་གཞི་གང་ལས་འཐབ་ཀྲོལ་དང་། མཚང་འདྲུ་བ་བྱུང་ནས་ཞེས་བྱ་བ་ནས། མཐུན་པར་སྡུམས་བྱ་བར་སེམས་ན་ཞེས་བྱ་བའི་བར་གོང་མ་བཞིན་དུ་སྟེ། ཁྱེད་ཅག་ཅི་སྨྲ། དེ་རྣམས་ཀྱིས་སྨྲས་པ། ལེགས་ཀྱིས་དེ་བཞིན་དུ་བྱའོ། །དེ་ནས་གནས་
D1.003.0132a03.01ནས་ཕྱུང་བའི་དགེ་སློང་དང་། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང་། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་དང་། གནས་ནས་འབྱིན་པའི་དགེ་སློང་དང་། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང་། གནས་
D1.003.0132a04.01ནས་འབྱིན་པའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་བཅོམ་ལྡན་འདས་གང་ན་བ་དེར་དོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་གནས་ནས་ཕྱུང་བའི་དགེ་སློང་གིས་བཅོམ་
D1.003.0132a05.01ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འདིར་མདང་སུམ་ནམ་གྱི་ཆ་སྨད་ཀྱི་དུས་སུ་བདག་གིས་རང་གི་རྒྱུད་ལ་བརྟགས་ན་འདི་སྙམ་དུ་སེམས་ཏེ་ཞེས་བྱ་བ་ནས་མཐུན་པར་སྡུམས་བགྱི་བར་ཞེས་བྱ་བའི་བར་གོང་མ་བཞིན་དུ་སྟེ། བདག་གིས་དགེ་སློང་འདི་དག་ཐམས་ཅད་ལ་མཐུན་
D1.003.0132a06.01པར་བགྱི་བར་སྤྲོ་བར་བགྱིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལེགས་སོ་ལེགས་སོ། །གང་ཞིག་དགེ་སློང་རྣམས་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་ཤིང་། ཕྱོགས་དང་ཕྱོགས་གཞན་ལ་གནས་པ་
D1.003.0132a07.01