完整藏文原文 · 德格版页 当前仅加载第 3 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་སོ། །ཇི་ཙམ་ན་འཚོ་བྱེད་ཀྱིས་ལམ་གྱི་ཕྱེད་ན་ཕྱུགས་རྫི་མོ་ཞིག་ཞོའི་བུམ་པ་དང་ཕྲུམ་ཚུད་ཁྱེར་ནས་རྒྱུན་ཤེས་ཀྱི་བུའི་དྲུང་དུ་སོང་བ་ལས་དེ་ཤིན་ཏུ་མིག་ན་བ་དེས་མཐོང་ནས་དེས་དྲིས་པ་གང་དུ་འགྲོ། དེས་སྨྲས་པ། དེས་དེ་ལ་གནས་དེ་ཉིད་ཀྱི་དྲུང་ན་ཡོད་པའི་སྨན་ཞིག་བསྟན་པ་ལས་
D1.003.0061b01.01དེས་བྱས་པ་དང་མོད་ལ་སོས་པར་གྱུར་ཏོ། །དེ་དགའ་བ་སྐྱེས་ནས་སྨྲས་པ། ཞོའི་བུམ་པ་དང་ཕྲུམ་ཚུད་འདི་ཁྱོད་སྣོམས་ཤིག །དེས་ཕྲུམ་ཚུད་བླངས་ཏེ། ཞོའི་བུམ་པ་ནི་དེ་ཉིད་ལ་བྱིན་ནས་དེ་ཕྲུམ་ཚུད་ཁྱེར་ཏེ་སོང་བ་ལས། ཇི་ཙམ་ན་བྲམ་ཟེའི་ཁྱེའུ་རྣམས་ཀྱིས་ལམ་གྱི་དབུས་ན་གླང་པོ་
D1.003.0061b02.01ཆེའི་རྗེས་ཞིག་མཐོང་ནས། དེ་རྣམས་ཀྱིས་དེ་ལ་བརྟག་པར་བརྩམས་པ་དང་འཚོ་བྱེད་ཀྱང་འོངས་ནས་དེས་སྨྲས་པ། འདི་ཅི་ཡིན། གླང་པོ་ཆེའི་རྗེས་སོ། །འདི་ནི་གླང་པོ་ཆེའི་རྗེས་མ་ཡིན་གྱི། འདི་ནི་བལ་གླང་མོའི་རྗེས་ཡིན་ཏེ། དེ་ཡང་མིག་གཡས་པ་ཞར་བ་དེ་རིང་ཁོ་ནར་གླང་པོ་ཆེའི་ཕྲུག་
D1.003.0061b03.01གུ་འབྱུང་བར་འགྱུར་བ་ཞིག་ཡིན་ལ། དེ་ལ་ཞོན་པ་ནི་བུད་མེད་ཡིན་ལ། དེ་ཡང་མིག་གཡས་པ་ཞར་བ་སྦྲུམ་པ་དེ་རིང་ཉིད་དུ་བུ་ཕོ་བཙའ་བར་འགྱུར་བ་ཞིག་ཡིན་ནོ། །ཇི་ཙམ་ན་རྒྱུན་ཤེས་ཀྱི་བུའི་དྲུང་དུ་འོངས་ནས་གང་གིས་གང་ཁྱེར་ཏེ་འོངས་པ་དེས་དེ་བསྟན་ཏོ། །རྒྱུན་ཤེས་ཀྱི་བུས་སྨྲས་པ།
D1.003.0061b04.01བྲམ་ཟེའི་ཁྱེའུ་དག་འདི་ཐམས་ཅད་ནི་སྨན་ཡིན་ཏེ། རེ་ཞིག་འདི་ནི་ཆེ་གེ་མོ་ཞིག་གིས་ནད་ཆེ་གེ་མོ་ཞིག་ཡིན་ལ་དེ་བཞིན་དུ་གཞན་ཡང་གཞན་དག་ཀྱང་ཡིན་ནོ། །འཚོ་བྱེད་ལ་དྲིས་པ་ཁྱོད་ཀྱིས་ཅི་ཁྱེར་ཏེ་འོངས། དེས་སྨྲས་པ། མཁན་པོ་ཐམས་ཅད་སྨན་ལགས་ཏེ། སྨན་མ་
D1.003.0061b05.01ལགས་པ་ནི་ཅི་ཡང་མ་མཆིས་སོ། །འོན་ཀྱང་བདག་གིས་འདམ་བུ་མདའ་རྒྱུའི་རྩ་བ་དང་། རྡོའི་དུམ་བུ་དང་། ཕྲུམ་ཚུད་ཅིག་འཚལ་ཏེ་མཆིས་སོ། །འདི་དག་ཅི་དགོས་སྡིག་པས་ཟིན་པ་ལས་འདམ་བུ་མདའ་རྒྱུའི་རྩ་བའི་དུད་པས་བདུག་གོ། །ཕྲུམ་ཚུད་ཀྱིས་ནི་གླན་པར་བགྱིའོ། །རྡོའི་
D1.003.0061b06.01དུམ་བུས་ནི་སྟོན་ཀའི་དུས་ན་ཞོའི་བུམ་པ་འཆག་པར་འགྱུར་རོ། །རྒྱུན་ཤེས་ཀྱི་བུས་འཛུམ་ཕྱུང་བ་དང་། བྲམ་ཟེའི་ཁྱེའུ་རྣམས་ཀྱིས་བསམས་པ། མཁན་པོ་ནི་འདི་ལ་ཁྲོས་སོ་སྙམ་ནས་དེ་རྣམས་ཀྱིས་སྨྲས་པ། མཁན་པོ་འདི་གཅིག་པུར་བས་སྙམ་མམ། བདག་ཅག་མཆི་བ་ན་ལམ་གྱི་དབུས་
D1.003.0061b07.01