完整藏文原文 · 德格版页 当前仅加载第 3 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་གཟར་ཏེ་རྒན་རིམས་ཇི་ལྟ་བ་བཞིན་དུ་འདུད་པ་བྱས་ལ་ཙོག་ཙོག་པོར་འདུག་སྟེ་ཚིག་འདི་སྐད་ཅེས། ཚེ་དང་ལྡན་པ་དག་ཁོ་བོ་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་པར་གྱུར་ཅིང་མཚང་འདྲུ་བ་དང་། འཐབ་མོ་དང་། འགྱེད་པར་གྱུར་པ་ནི་
D1.003.0254b01.01ཁོ་བོ་ཅག་གིས་རྙེད་པ་རྙེད་པ་མ་ཡིན་ཏེ། ཉེས་པ་རྙེད་ཀྱི་ལེགས་པ་མ་རྙེད་པས་གཞི་འདི་ལ་ཁོ་བོ་དང་ཚེ་དང་ལྡན་པ་དེ་དག་གི་ལྟུང་བ་བྱུང་བ་གང་ཡིན་པ་ལས་ཁ་ན་མ་ཐོ་བ་སྦོམ་པོའམ། ཁྱིམ་ན་གནས་པ་ལས་བརྟེན་པ་མ་གཏོགས་པར་ཁོ་བོས་བདག་དང་ཚེ་དང་ལྡན་པ་དེ་དག་གི་ཆེད་
D1.003.0254b02.01དུ་ཁྱེད་ཀྱི་དྲུང་དུ་མི་བཅབ་པར་མཐོལ་ཞིང་བཤགས་པར་སྤྲོའོ་ཞེས་སྨྲ་བར་བྱའོ། །ཕྱོགས་ཅིག་ཤོས་ན་དགེ་སློང་གནས་བརྟན་གནས་བརྟན་གང་ཡང་རུང་བ། ཤེས་ཉེན་ཅན་ཤེས་ཉེན་ཅན་གང་ཡང་རུང་བ། གཙོ་བོ་གཙོ་བོ་གང་ཡང་རུང་བ་ཡོད་པ་གང་ཡིན་པ་དེས་ཀྱང་རང་གི་
D1.003.0254b03.01ཕྱོགས་ཀྱི་དྲུང་དུ་སོང་སྟེ་ཚིག་འདི་སྐད་ཅེས། ཚེ་དང་ལྡན་པ་དག་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་པར་གྱུར་ཅིང་མཚང་འདྲུ་བ་དང་། འཐབ་མོ་དང་། འགྱེད་པར་གྱུར་པ་ནི་བདག་ཅག་གིས་རྙེད་པ་རྙེད་པ་མ་ཡིན་ཏེ། ཉེས་པ་རྙེད་ཀྱིས་
D1.003.0254b04.01ལེགས་པ་མ་རྙེད་པས། ཚེ་དང་ལྡན་པ་དག་གཞི་འདི་ལ་ཁོ་བོ་དང་ཁྱེད་ཀྱི་ལྟུང་བ་བྱུང་བ་གང་ཡིན་པ་ལས་ཁ་ན་མ་ཐོ་བ་སྦོམ་པོའམ། ཁྱིམ་ན་གནས་པ་ལས་བརྟེན་པ་མ་གཏོགས་པར་ཁོ་བོས་བདག་དང་ཁྱེད་ཀྱི་ཆེད་དུ་ཚེ་དང་ལྡན་པ་དེ་དག་གི་དྲུང་དུ་མི་བཅབ་པར་མཐོལ་ཞིང་བཤགས་
D1.003.0254b05.01པར་སྤྲོའོ་ཞེས་སྨྲ་བར་བྱའོ། །གལ་ཏེ་དགེ་སློང་དེ་ལ་རང་གི་ཕྱོགས་ནས་དགེ་སློང་གཅིག་གིས་ཀྱང་སྨྲས་པ་མ་བཟློག་ཅིང་མི་གཤེ་ན། དེ་ནས་དགེ་སློང་དེས་ཕྱོགས་ཅིག་ཤོས་ཀྱི་དྲུང་དུ་སོང་ནས་བླ་གོས་ཕྲག་པ་གཅིག་ཏུ་གཟར་ཏེ་རྒན་རིམས་ཇི་ལྟ་བ་བཞིན་དུ་འདུད་པ་བྱས་ལ་ཙོག་
D1.003.0254b06.01ཙོག་པོར་འདུག་སྟེ་ཚིག་འདི་སྐད་ཅེས། ཚེ་དང་ལྡན་པ་དག་ཁོ་བོ་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་པར་གྱུར་ཅིང་མཚང་འདྲུ་བ་དང་། འཐབ་མོ་དང་། འགྱེད་པར་གྱུར་པ་ནི་ཁོ་བོ་ཅག་གིས་རྙེད་པ་རྙེད་པ་མ་ཡིན་ཏེ། ཉེས་པ་རྙེད་ཀྱིས་ལེགས་
D1.003.0254b07.01