完整藏文原文 · 德格版页 当前仅加载第 3 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
གངས་རི་དང་ཉེ་བ་ཆུ་བོ་སྐལ་ལྡན་ཤིང་རྟའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བ་ཞིག་ཏུ་ཕྱིན་ནས། དེ་རྣམས་ཀྱིས་དེར་ལོ་མའི་སྤྱིལ་པོ་དག་བྱས་ཏེ་གནས་བཏབ་སྟེ་{རི་དགས་,རི་དྭགས་}བསད་ཅིང་བསད་ནས་འཚོ་བར་བྱེད་ཅིང་དུས་གསུམ་དུ་དྲང་སྲོང་སེར་སྐྱའི་བསྟི་
D1.003.0271b01.01གནས་སུ་དོང་བར་བྱེད་དོ། །ལང་ཚོ་དང་དར་ལ་བབ་པའི་དྲེགས་པས་ཟིན་པས་འདོད་ཆགས་ཀྱིས་ཤིན་ཏུ་ཉེན་ཏེ་ཤ་བྲི་ངན་པ་སྐྱ་བོ་བསེང་བསེང་པོར་གྱུར་ཏོ། །ཇི་ཙམ་དུས་གཞན་ཞིག་ན་དྲང་སྲོང་སེར་སྐྱས་དེ་ལྟ་བུ་མཐོང་ནས་དྲིས་པ། ཁྱེད་ཅག་ཅིའི་ཕྱིར་སྐྱ་བོ་བསེང་བསེང་
D1.003.0271b02.01པོར་གྱུར། དེ་རྣམས་ཀྱིས་སྨྲས་པ། དྲང་སྲོང་ཆེན་པོ་བདག་ཅག་འདོད་པའི་འདོད་ཆགས་ཀྱིས་ཤིན་ཏུ་ཉེན་པས་སོ། །དེས་སྨྲས་པ། རང་རང་གི་སྲིང་མོ་སྤོངས་ལ། མས་དབེན་གྱི་སྲིང་མོ་རྣམས་དང་ལྷན་ཅིག་འདུག་ཤིག །དྲང་སྲོང་ཆེན་པོ་བདག་ཅག་གིས་དེ་ལྟ་
D1.003.0271b03.01བུ་བགྱིར་རུང་ངམ། ཤེས་ལྡན་དག་འདི་ལྟར་རྒྱལ་རིགས་རྒྱལ་སྲིད་སྟོར་བ་རྣམས་ཀྱིས་རུང་ངོ་། །དེ་ན་དེ་རྣམས་དྲང་སྲོང་གི་ཚིག་ནི་ཚད་མ་ཡིན་ནོ་སྙམ་ནས་འདོད་པའི་འདོད་ཆགས་ཀྱིས་ཉེན་པས་དགའ་བ་དང་མགུ་བ་སྐྱེས་ཏེ་མས་དབེན་གྱི་སྲིང་མོ་རྣམས་དང་ལྷན་ཅིག་རྩེ་བར་
D1.003.0271b04.01བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྣམས་དང་དེ་དག་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བུ་ཕོ་དང་བུ་མོ་དག་བཙས་ཏེ་དེ་རྣམས་ཆེན་པོར་གྱུར་པ་དང་། བསམ་གཏན་གྱི་ཚེར་མ་ནི་སྒྲ་ཡིན་པས་དྲང་སྲོང་སེར་
D1.003.0271b05.01སྐྱའི་སེམས་རྩེ་གཅིག་པ་ཉིད་དུ་མ་བཏུབ་ནས་དེས་སྨྲས་པ། ཤེས་ལྡན་དག་མཐོང་ཟིན་གྱིས་ཁོ་བོ་གཞན་དུ་འགྲོའོ། །དྲང་སྲོང་ཆེན་པོ་ཅིའི་ཕྱིར། བསམ་གཏན་གྱི་ཚེར་མ་ནི་སྒྲ་ཡིན་པས་སེམས་རྩེ་གཅིག་པ་ཉིད་དུ་མི་བཏུབ་པས་སོ། །དྲང་སྲོང་ཆེན་པོ་ཁྱོད་འདི་ཉིད་ན་
D1.003.0271b06.01བཞུགས་ཤིག །བདག་ཅག་གཞན་དུ་མཆི་ན་འོན་ཀྱང་སའི་ཕྱོགས་ཤིག་བདག་ལ་ཕོག་ཤིག །ཤེས་ལྡན་དག་རུང་ངོ་། །དྲང་སྲོང་བདག་ཉིད་ཆེན་པོ་དེ་རྣམས་ནི་འདོད་པ་བཞིན་ཡིད་ལ་རེ་བ་འགྲུབ་པ་ཡིན་པས་དེས་གསེར་གྱི་བྱ་མ་བུམ་བླངས་ཏེ་ཆུའི་རྒྱུན་གྱིས་
D1.003.0271b07.01