完整藏文原文 · 德格版页 当前仅加载第 3 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
ངས་དེ་སྐད་ཅེས་བཀའ་སྩལ་ན། འོན་ཀྱང་ཁྱེད་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་ཤིང་། ད་དུང་གསོ་སྦྱོང་ལ་ཡང་གསོ་སྦྱོང་མ་ཡིན་པར་བྱེད་པ་བདེན་ནམ། བཙུན་པ་མད་ལགས་སོ་ཞེས་བྱ་བ་ནས། བཅོམ་ལྡན་འདས་ཀྱིས་དེ་སྐད་
D1.003.0127b01.01ཅེས་གསུངས་ཀྱང་དགེ་སློང་དེ་རྣམས་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་སོ་ཞེས་བྱ་བའི་བར་གོང་མ་བཞིན་དུའོ། །ཁྱིམ་བདག་ཅིག་གིས་སངས་རྒྱས་ལ་སོགས་པའི་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་པ་ལས་
D1.003.0127b02.01དགེ་སློང་གི་དགེ་འདུན་ནི་དོང་ངོ་། །བཅོམ་ལྡན་འདས་ནི་རྫས་ཀྱིས་བསྒྲུབས་པ་ན་བཞུགས་ཏེ་བསོད་སྙོམས་ཀྱི་སྐུ་སྐལ་ནོད་པར་མཛད་དོ། །བཅོམ་ལྡན་འདས་རྣམས་ནི་རྒྱུ་ལྔས་རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱི་སྐུ་སྐལ་ནོད་པར་མཛད་པ་ཡིན་ཞེས་བྱ་བ་ནས།
D1.003.0127b03.01སྐབས་འདིར་ནི་བཅོམ་ལྡན་འདས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་ནས་རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱི་སྐུ་སྐལ་ལ་ནོད་པར་མཛད་དོ་ཞེས་བྱ་བའི་བར་གོང་མ་བཞིན་ནོ། །དེ་ན་རྒོལ་བ་དང་ཕྱིར་རྒོལ་བའི་དགེ་སློང་རྣམས་ཟས་ཀྱི་ཕྱིར་
D1.003.0127b04.01ཁྱིམ་གྱི་ནང་དུ་ཞུགས་པ་དང་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་པར་གྱུར་ཏེ། འདི་ལྟ་སྟེ་ལྟུང་བ་བྱུང་ངོ་ཞེའམ་ལྟུང་བ་མ་བྱུང་ངོ་ཞེས་བྱ་བ་ནས་གཞག་པར་འོས་པའོ་ཞེས་བྱ་བའི་བར་གོང་མ་བཞིན་དུ་སྟེ། དེ་ནི་ཕན་ཚུན་རྡེག་པ་ལ་ཞུགས་
D1.003.0127b05.01སོ། །དེ་ནས་དགེ་སློང་བསོད་སྙོམས་ནོད་པས་བསོད་སྙོམས་ཁྱེར་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་བསོད་སྙོམས་མཐའ་གཅིག་ཏུ་བཞག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སྤྱན་སྔར་འདུག་གོ། །ཆོས་ཉིད་ཀྱིས་སངས་རྒྱས་
D1.003.0127b06.01བཅོམ་ལྡན་འདས་རྣམས་ནི་བསོད་སྙོམས་ནོད་པའི་དགེ་སློང་ལ་སོ་སོ་ཡང་དག་པར་དགའ་བར་མཛད་པ་འདིས་སོ་སོ་ཡང་དག་པར་དགའ་བར་མཛད་དེ། དགེ་སློང་ཅིག་དགེ་སློང་གི་དགེ་འདུན་ལ་བསོད་པའི་ཁ་ཟས་ཀྱིས་ཚིམ་པར་བྱས་སམ་ཞེས་གསུང་པ་ཡིན་པས། བཅོམ་ལྡན་འདས་
D1.003.0127b07.01