完整藏文原文 · 德格版页 当前仅加载第 3 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་དྲིས་པ་དང་དེ་རྣམས་ཀྱིས་ཀྱང་ཐམས་ཅད་སྨྲས་སོ། །དེ་ནས་དེས་ཐམས་ཅད་ལ་བརྟགས་པ་དང་གཟུགས་ཅན་སྙིང་པོ་ལ་མིག་ཆགས་ནས་དེས་བསམས་པ། སྐྱེས་བུ་འདི་ལྟར་ཆུ་ཞེང་གབ་པས་ནི་བདག་དང་ལྷན་ཅིག་དགའ་མགུར་སྤྱད་པར་ནུས་སོ་སྙམ་མོ། །ཇི་ཙམ་དུས་གཞན་ཞིག་
D1.003.0057b01.01ན་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟེང་གི་ཁང་{བཟངས་ཀྱི་,བཟང་གི་}གཞིར་སོང་ནས་བློན་པོའི་ཚོགས་ཀྱིས་ཡོངས་སུ་བསྐོར་ཏེ་འདུག་ནས་ཚུལ་མ་ཡིན་པའི་གཏམ་སྨྲས་པ། ཤེས་ལྡན་དག་སུས་སྨད་འཚོང་མ་ཇི་ལྟ་བུ་མཐོང་། ས་སྐྱོང་གིས་སྨྲས་པ། ལྷ་རེ་ཞིག་གཞན་ལྟ་ཞོག །ཡངས་པ་
D1.003.0057b02.01ཅན་ན་སྨད་འཚོང་མ་ཨ་མྲ་སྐྱོང་མ་ཞེས་བགྱི་བ་ཤིན་ཏུ་གཟུགས་དང་ལང་ཚོ་ཕུན་སུམ་ཚོགས་པ་སྒྱུ་རྩལ་དྲུག་བཅུ་རྩ་བཞི་འཚལ་བ་ལྷ་ཁོ་ནས་སྤྱད་དུ་རུང་བ་ཞིག་མཆིས་སོ། །དེས་སྨྲས་པ། ས་སྐྱོང་གལ་ཏེ་དེ་ལྟ་ན་ཡངས་པ་ཅན་དུ་འདོང་། དེ་དང་ལྷན་ཅིག་དགའ་མགུར་སྤྱད་དོ། །དེས་སྨྲས་
D1.003.0057b03.01པ། ཡངས་པ་ཅན་གྱི་ལིཙྪ་བཱི་རྣམས་ནི་ཡུན་རིང་པོ་ནས་གནོད་པ་བགྱིད་པ་སླར་རྒོལ་བ་དགྲ་བོ་ལགས་པས་ཁྱོད་ལ་གནོད་པ་བགྱིད་དུ་མཆིའོ། །རྒྱལ་པོས་སྨྲས་པ། ཤེས་ལྡན་དག་མི་རྣམས་ནི་སྐྱེས་བུའི་དཔའ་སྙིང་ཅན་ཡིན་པས་འདོང་ངོ་། །དེས་སྨྲས་པ། ལྷ་གལ་ཏེ་དོན་མ་མཆིས་
D1.003.0057b04.01པ་ལ་གཙིགས་ཆེ་བར་མཛད་ན་གཤེགས་མོད། དེ་ཤིང་རྟར་ཞུགས་ནས་ས་སྐྱོང་དང་ལྷན་ཅིག་ཡངས་པ་ཅན་དུ་ཆས་ཏེ། རིམ་གྱིས་ཡངས་པ་ཅན་དུ་ཕྱིན་ནས་ས་སྐྱོང་ནི་སྐྱེད་མོས་ཚལ་ན་སྡོད་དོ། །རྒྱལ་པོ་ནི་ཨ་མྲ་སྐྱོང་མའི་ཁྱིམ་དུ་ཞུགས་པ་དང་། ཇི་ཙམ་ན་དྲིལ་གྱི་སྒྲ་བྱུང་ངོ་། །ཡངས་
D1.003.0057b05.01པ་ཅན་གྱི་ལིཙྪ་བཱི་རྣམས་རོད་རོད་པོར་གྱུར་ནས་ཤེས་ལྡན་དག་བདག་ཅག་གི་མི་མཛའ་བ་ཞིག་ནང་དུ་ཞུགས་པས་དྲིལ་འཁྲོལ་ལོ་ཞེས་སྒྲ་གསལ་བ་དང་། སྒྲ་ཆེན་པོ་བྱུང་བ་དང་། རྒྱལ་པོ་གཟུགས་ཅན་སྙིང་པོས་ཨ་མྲ་སྐྱོང་མ་ལ་དྲིས་པ། བཟང་མོ་འདི་ཅི་ཞིག་ཡིན། ལྷ་སྡུམ་པ་ཉུལ་བར་བགྱིད་དོ། །
D1.003.0057b06.01ཅི་ཞིག་གི་ཕྱིར། ལྷའི་སླད་དུའོ། །ཇི་ལྟར་བྱ། ཅི་འབྲོས་སམ། ལྷ་མི་དགྱེས་པ་མ་མཛད་ཅིག །ལྷ་དགུང་བདུན་ལོན་པ་དང་བདག་གི་སྡུམ་པ་ཉུལ་བར་བགྱིད་པས་རེ་ཞིག་དགུང་བདུན་དུ་རོལ་པས་དགྱེས་པར་མཛོད། དགྱེས་དགུར་མཛོད་ལ་དགུང་བདུན་ལགས་དང་དུས་མཁྱེན་པར་བགྱིའོ། །
D1.003.0057b07.01