完整藏文原文 · 德格版页 当前仅加载第 3 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ནི་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་ལགས་ཏེ། འདི་དག་གིས་དགེ་འདུན་ལ་ཡང་དང་ཡང་དུ་རྩོད་པའི་གཞི་སྐྱེད་པར་བགྱིད་དེ་དེས་ན་དགེ་འདུན་འཐབ་ཀྲོལ་དང་། མཚང་འདྲུ་བ་དང་། རྩོད་
D1.003.0141b01.01པ་དང་། འགྱེད་པ་བྱུང་ཞིང་གནས་པས། དེའི་སླད་དུ་དགེ་འདུན་གྱིས་དགེ་སློང་དམར་སེར་ཅན་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་ལ་བསྡིགས་པའི་ཕྲིན་ལས་མཛད་ན། ཚེ་དང་ལྡན་པ་གང་
D1.003.0141b02.01དག་དགེ་སློང་དམར་སེར་ཅན་རྣམས་ལ་ཞེས་བྱ་བ་ནས། བསྡིགས་པའི་ཕྲིན་ལས་མཛད་པར་ཞེས་བྱ་བའི་བར་གོང་མ་བཞིན་དུ་སྟེ། བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་
D1.003.0141b03.01བརྗོད་པ་གཉིས་པ་དང་། གསུམ་པའི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་དམར་སེར་ཅན་ཞེས་བྱ་བ་ནས་བསྡིགས་པའི་ཕྲིན་ལས་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་བྱ་བའི་བར་གོང་
D1.003.0141b04.01མ་བཞིན་ནོ། །དགེ་སློང་དག་ངས་བསྔགས་པའི་ལས་བྱས་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། བསྡིགས་པའི་ལས་བྱས་པའི་དགེ་སློང་གིས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་མི་སྦྱིན་དགེ་ཚུལ་གཞག་པར་མི་བྱ། དགེ་སློང་
D1.003.0141b05.01མ་རྣམས་ལ་གདམས་པར་མི་བྱ། དགེ་སློང་མ་རྣམས་ཀྱི་གདམས་ངག་དབོག་པར་བསྐོ་བར་མི་བྱ། སྔར་བསྐོས་ན་ཡང་དགེ་སློང་མ་རྣམས་ལ་གདམས་པར་མི་བྱའོ། །དགེ་སློང་ལ་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པས་
D1.003.0141b06.01གླེང་བ་དང་། དྲན་པར་མི་བྱ། གདམས་ངག་སྦྱིན་པར་མི་བྱ་སྟེ། གསོ་སྦྱོང་མ་ཡིན། དགག་དབྱེ་མ་ཡིན། གསོལ་བ་དང་གཉིས་པ་མ་ཡིན། གསོལ་བ་དང་བཞིའི་ལས་མ་ཡིན་ནོ། །བསྡིགས་པའི་ལས་བྱས་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་
D1.003.0141b07.01