完整藏文原文 · 德格版页 当前仅加载第 3 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་ཡིན་ལ་འགྱེད་པ་ཡང་ཡིན་པ་ནི་དགེ་འདུན་སྣ་ཚོགས་སུ་སྨྲ་བ། འགལ་བར་སྨྲ་བ། རིགས་མི་འཕྲོད་པར་སྨྲ་བ། མི་མཐུན་པ་ཀུན་དུ་མི་དགའ་བ། རྒྱུད་གཅིག་ཏུ་མ་གྱུར་པ་གང་ཡིན་པ་དེ་ལས་བརྟེན་ཏེ་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་
D1.003.0234b01.01ཡིན་པའོ། །འགྱེད་པ་ཡང་མ་ཡིན་རྩོད་པ་ཡང་མ་ཡིན་པ་ནི་རྣམ་པ་དེ་དག་མ་གཏོགས་པའོ། །གདམས་ངག་མ་མཆིས་པ་གང་ལགས་པ་དེ་རྩོད་པ་ལགས་ལ། རྩོད་པ་གང་ལགས་པ་དེ་གདམས་ངག་མ་མཆིས་པ་ལགས་སམ། བཀའ་སྩལ་པ། གདམས་ངག་མེད་
D1.003.0234b02.01པ་ཡིན་ལ་རྩོད་པ་མ་ཡིན་པ་ཡང་ཡོད། རྩོད་པ་ཡིན་ལ་གདམས་ངག་མེད་པ་མ་ཡིན་པ་ཡང་ཡོད། གདམས་ངག་མེད་པ་ཡང་ཡིན་ལ་རྩོད་པ་ཡང་ཡིན་པ་ཡང་ཡོད། གདམས་ངག་མེད་པ་ཡང་མ་ཡིན་ལ་རྩོད་པ་ཡང་མ་ཡིན་པ་ཡང་ཡོད་དོ། །རེ་ཞིག་གདམས་ངག་
D1.003.0234b03.01མེད་པ་ཡིན་ལ་རྩོད་པ་མ་ཡིན་པ་ནི་དགེ་འདུན་གདམས་ངག་མི་ལེན་པ་དང་། གདམས་ངག་མི་སྦྱིན་པ་དང་། གདམས་ངག་འཇོག་པ་གང་ཡིན་པའོ། །རྩོད་པ་ཡིན་པ་གདམས་ངག་མེད་པ་མ་ཡིན་པ་ནི་རྩོད་པ་གསུམ་པོ་འགྱེད་པའི་རྩོད་པ་དང་ལྟུང་བའི་རྩོད་པ་དང་། བྱ་བའི་
D1.003.0234b04.01རྩོད་པའོ། །གདམས་ངག་མེད་པ་ཡང་ཡིན་ལ་རྩོད་པ་ཡང་ཡིན་པ་ནི་དགེ་འདུན་གདམས་ངག་མི་ལེན་པ་དང་། གདམས་ངག་མི་སྦྱིན་པ་དང་། གདམས་ངག་འཇོག་པ་གང་ཡིན་པ་དེ་ལས་བརྟེན་ཏེ་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་ཡིན་པའོ། །
D1.003.0234b05.01གདམས་ངག་མེད་པ་ཡང་མ་ཡིན་ལ་རྩོད་པ་ཡང་མ་ཡིན་པ་ནི་རྣམ་པ་དེ་དག་མ་གཏོགས་པའོ། །ལྟུང་བ་གང་ལགས་པ་དེ་རྩོད་པ་ལགས་ལ། རྩོད་པ་གང་ལགས་པ་དེ་ལྟུང་བ་ལགས་སམ། བཀའ་སྩལ་པ། ལྟུང་བ་ཡིན་ལ་རྩོད་པ་མ་ཡིན་པ་ཡང་ཡོད། རྩོད་པ་ཡིན་ལ་ལྟུང་
D1.003.0234b06.01བ་མ་ཡིན་པ་ཡང་ཡོད། ལྟུང་བ་ཡང་ཡིན་ལ་རྩོད་པ་ཡང་ཡིན་པ་ཡང་ཡོད། ལྟུང་བ་ཡང་མ་ཡིན་ལ་རྩོད་པ་ཡང་མ་ཡིན་པ་ཡང་ཡོད་དོ། །རེ་ཞིག་ལྟུང་བ་ཡིན་ལ་རྩོད་པ་མ་ཡིན་པ་ནི་ལྟུང་བ་རིས་ལྔ་ནི་ལྟུ་བའི་རིས་དང་། ལྟུང་བའི་ཕུང་པོ་ཞེས་པ་སྟེ། ཕས་ཕམ་པ་དང་། དགེ་
D1.003.0234b07.01