完整藏文原文 · 德格版页 当前仅加载第 3 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ་བའམ། དགེ་སྐོས་ལ་ཚེ་དང་ལྡན་པ་ཁྲུས་ཀྱི་བུམ་པ་སྟོང་པར་འདུག་གོ་ཞེས་བསྒོ་བར་བྱའོ། །བདག་ཉིད་ཀྱིས་ཀྱང་མ་བཀང་ལ་དགེ་སྐོས་ལ་ཡང་མ་བསྒོ་ན་དེ་ནི་མ་གུས་པ་ཡིན་ཏེ། མ་གུས་པའི་ཕྱིར་དེ་བདག་ཅག་གིས་ལྟུང་བྱེད་ཀྱི་ལྟུང་བ་འཆགས་སུ་གཞུག་གོ་ཞེས་བཅས་པ་མ་
D1.003.0125b01.01ཡིན་ནམ། དེས་སྨྲས་པ། དེ་ཧ་ཅང་སྟོང་པ་མ་ཡིན་ནོ། །སྟོང་པར་མ་གྱུར་ཀྱང་རུང་སྟེ། ཆུ་དེས་ཆུའི་བྱ་བ་བྱེད་མི་ནུས་སོ། །དེས་ཅང་མི་སྨྲ་བར་འདུག་གོ། །ཀཽ་ཤཱམྦཱིའི་དགེ་སློང་ནི་ཀཽ་ཤཱམྦཱི་ན་གཉུག་མ་པ་དང་འཁོར་མང་པོ་ཡིན་པས་དེས་དེ་ལ་ནན་གྱིས་གནས་ནས་དབྱུང་བའི་ལས་བྱས་པ་དང་།
D1.003.0125b02.01ཡངས་པ་ཅན་གྱི་དགེ་སློང་རྣམས་འཁྲུགས་པར་གྱུར་ནས། དེ་ན་ཀཽ་ཤཱམྦཱིའི་དགེ་སློང་རྣམས་དང་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བར་གྱུར་ཏེ། འདི་ལྟ་སྟེ་ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེའམ། གནས་ནས་ཕྱུང་བ་ཡིན་ནོ་ཞེའམ། གནས་ནས་ཕྱུང་བ་མ་ཡིན་ནོ་
D1.003.0125b03.01ཞེས། གང་ཡང་ལྟུང་བ་བྱུང་བ་དང་། ལྟུང་བ་མེད་པ་དང་། གནས་ནས་དབྱུང་བ་དང་། གནས་ནས་དབྱུང་བ་མ་ཡིན་པ་ལ་གནས་ནས་ཕྱུང་བ་གང་ཡིན་པ་དེ་ནི་ཆོས་མ་ཡིན་པ་ལས་འཁྲུགས་པ་གཞག་པར་འོས་པས་ཕྱུང་ངོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་
D1.003.0125b04.01དང་། དེ་ནས་བཅོམ་ལྡན་འདས་ཀྱིས་གནས་ནས་ཕྱུང་བའི་དགེ་སློང་དང་། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང་། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་ཕོ་ཉས་བཀུག་སྟེ་འདི་སྐད་ཅེས་བཀའ་སྩལ་ཏོ། །དགེ་སློང་དག་ཁྱེད་འཐབ་ཀྲོལ་
D1.003.0125b05.01དང་མཚང་འདྲུ་བ་དང་། རྩོད་པ་དང་། འགྱེད་པ་བྱུང་ནས། འདི་ལྟ་སྟེ་ལྟུང་བ་བྱུང་ངོ་ཞེའམ་ཞེས་བྱ་བ་ནས་འཁྲུགས་པ་གཞག་པར་འོས་པས་ཞེས་བྱ་བའི་བར་གོང་མ་བཞིན་དུ་སྟེ་བདེན་ནམ། བཙུན་པ་མད་ལགས་སོ། །དགེ་སློང་དག་འཐབ་ཀྲོལ་མ་བྱེད་ཅིག །མཚང་མ་འདྲུ་ཞིག །
D1.003.0125b06.01མ་རྩོད་ཅིག །མ་འགྱེད་ཅིག །གཞན་ཡང་ངས་གནས་ནས་ཕྱུང་བའི་དགེ་སློང་གི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་གནས་ནས་ཕྱུང་བས་འདི་སྙམ་དུ་སེམས་བསྐྱེད་པར་བྱའོ། །གནས་ནས་འབྱིན་པའི་དགེ་སློང་འདི་ནི་གདུག་པ་རྣམ་པར་གནོན་པ། མདོ་སྡེ་
D1.003.0125b07.01