完整藏文原文 · 德格版页 当前仅加载第 3 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཡོ་བྱད་རྒན་པའི་མཐར་བཞག་སྟེ། དགེ་སློང་གཅིག་གིས་རྒན་པའི་མཐར་འདུག་ལ་གསོལ་བ་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་སློང་ཉེ་དགའ་གུམ་སྟེ། གུམ་པ་དེའི་ཡོ་བྱད་གདའ་བ་དང་མི་གདའ་བ་མཆིས་པ་
D1.003.0103a01.01འདི་ལགས་ཏེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། འདི་ལྟར་དགེ་འདུན་གྱིས་དགེ་སློང་ཉེ་དགའ་གུམ་པའི་ཡོ་བྱད་ཀྱི་རྫས་གདའ་བ་དང་མི་གདའ་བ་ལ་གུམ་པའི་ཡོ་བྱད་དུ་བྱིན་གྱིས་བརླབ་བོ། །འདི་ནི་གསོལ་བའོ། །དགེ་
D1.003.0103a02.01སློང་དག་འདི་ནི་ཤི་བའི་ཡོ་བྱད་བགོས་ཟིན་པ་སྟེ། འདི་ལྟ་སྟེ་གསོལ་བའོ། །གསོལ་བ་བྱས་ནས་དགེ་སློང་འོངས་པ་གང་ཡིན་པ་དེ་ལ་ནི་རྙེད་པ་མི་སྦྱིན་ནོ། །ཚེ་དང་ལྡན་པ་ཉེ་བ་འཁོར་གྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གང་ན་དགེ་འདུན་མི་མཐུན་
D1.003.0103a03.01པས་གསོལ་བ་བགྱིད་པ་མ་མཆིས་པ་དེར་གུམ་པའི་ཡོ་བྱད་བགོ་བར་བགྱིའམ། བགོ་བར་མི་བགྱི་ལགས། ཉེ་བ་འཁོར་ཐོག་མ་དང་ཐ་མ་བྱས་ནས་བགོ་བར་བྱའོ། །དགེ་སློང་རྣམས་ཀྱིས་ཐོག་མ་དང་ཐ་མ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཡོ་
D1.003.0103a04.01བྱད་གཅིག་བསྒྱུར་ཏེ་དེ་ལས་ཅུང་ཞིག་དགེ་འདུན་གྱི་རྒན་པ་དང་། དགེ་འདུན་གྱི་གཞོན་པ་ལ་བྱིན་ནས་ཅི་དགའ་བར་བགོ་བར་བྱ་སྟེ། དེ་ལ་འགྱོད་པར་མི་བྱའོ། །གསོལ་བའམ་ཐོག་མ་དང་ཐ་མ་མ་བྱས་པའི་ཤི་བའི་ཡོ་བྱད་ཀྱི་རྙེད་པ་ནི་སངས་རྒྱས་ཀྱི་སློབ་མ་ཐམས་ཅད་དབང་བར་འགྱུར་
D1.003.0103a05.01རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཉེ་དགའ་མ་འོས་པའི་ཆགས་པས་གུམ་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་
D1.003.0103a06.01ཏུ་མ་ཟད་དེ། ཇི་ལྟར་འདས་པའི་དུས་ན་ཡང་མ་འོས་པར་ཆགས་པས་ཤི་བ་དེ་ཉོན་ཅིག །དགེ་སློང་དག་སྔོན་བྱུང་བ་རྔོན་པ་ཞིག་གིས་མདའ་དུག་ཅན་གྱིས་གླང་པོ་ཆེའི་གནད་དུ་བསྣུན་པ་དང་། དེ་ནས་དེ་གནད་ལ་བབ་པའི་ཚོར་བས་ཉེན་ཅིང་མདའི་ཕྱི་རྗེས་བཞིན་དུ་སོང་ནས་རྔོན་པས་
D1.003.0103a07.01