完整藏文原文 · 德格版页 当前仅加载第 3 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མ་ཡིན། ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་མོ། །དེ་ནས་གཞོན་ནུ་རྒྱལ་བྱེད་འདི་སྙམ་དུ་སེམས་ཏེ། ཀྱེ་མའོ་སངས་རྒྱས་བཅོམ་ལྡན་འདས་ནི་མཆོག་མ་ཡིན་པ་མ་ཡིན་ལ། ཆོས་བསྟན་པ་ཡང་མཆོག་མ་ཡིན་པ་མ་ཡིན་ཏེ། དེ་ལ་ད་ལྟར་ཁྱིམ་
D1.003.0200a01.01བདག་འདི་ཀུན་དགའ་ར་བའི་ཆེད་དུ་འདི་སྙེད་ཀྱི་ནོར་གྱི་ཕུང་པོ་ཆེན་པོ་ཡོངས་སུ་གཏོང་ངོ་སྙམ་དུ་བསམས་ནས། ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་མ་བཀྲམ་པའི་ས་ཕྱོགས་འདི་ཁོ་བོ་ལ་བྱིན་ཅིག །དེར་ཁོ་བོས་བཅོམ་ལྡན་འདས་ཀྱི་ཕྱིར་སྒོ་ཁང་བརྩིག་པར་
D1.003.0200a02.01བྱའོ། །ཁྱིམ་བདག་མགོན་མེད་ཟས་སྦྱིན་གྱིས་གཞོན་ནུ་རྒྱལ་བྱེད་ལམ་བཀྲམ་པའི་ས་ཕྱོགས་བྱིན་ནས་དེར་གཞོན་ནུ་རྒྱལ་བྱེད་ཀྱིས་བཅོམ་ལྡན་འདས་ཀྱི་ཕྱིར་སྒོ་ཁང་རྩིག་ཏུ་བཅུག་གོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་པར་
D1.003.0200a03.01བརྩམས་པ་དང་། མུ་སྟེགས་ཅན་ཞེ་སྡང་དྲག་པོས་ཀུན་ནས་གློངས་པའི་ཡིད་ཅན་རྣམས་འདུས་ནས། ཁྱིམ་བདག་མགོན་མེད་ཟས་སྦྱིན་གང་ན་བ་དེར་དོང་སྟེ་ལྷགས་པ་དང་སྨྲས་པ། ཁྱིམ་བདག་ཁྱོད་ཀྱིས་དགེ་སྦྱོང་གཽ་ཏ་མའི་ཕྱིར་གཙུག་ལག་ཁང་མ་རྩིག་ཤིག །ཅིའི་ཕྱིར་ཁོ་བོ་ཅག་གིས་གྲོང་ཁྱེར་
D1.003.0200a04.01རྣམས་བགོས་ཏེ་དགེ་སྦྱོང་གཽ་ཏ་མའི་ནི་རྒྱལ་པོའི་ཁབ་ཡིན་ནོ། །ཁོ་བོ་ཅག་གི་ནི་མཉན་ཡོད་ཡིན་ནོ། །དེས་སྨྲས་པ། ཁྱེད་ཅག་གིས་གྲོང་ཁྱེར་རྣམས་བགོས་ཀྱི། བདག་གི་ནོར་མ་བགོས་པས་བདག་གང་ལ་མངོན་པར་དགའ་བ་དེའི་ཆོས་ཀྱི་ཕུང་པོ་བརྩིག་གོ། །དེ་རྣམས་རྒྱལ་པོའི་
D1.003.0200a05.01དྲུང་དུ་དོང་བ་དང་། དེ་ཡང་ཁྱིམ་བདག་མགོན་མེད་ཟས་སྦྱིན་གྱིས་ཕམ་པར་བྱས་པ་དང་། མུ་སྟེགས་སྤྱི་རྡོལ་ཅན་མུ་ཅོར་སྨྲ་བ་རྣམས་ཀྱིས་སྨྲས་པ། ཁྱིམ་བདག་ཁྱོད་འདོད་དགུར་བྱེད་དུ་མི་གཞུག་སྟེ། དགེ་སྦྱོང་གཽ་ཏ་མའི་ཉན་ཐོས་ཀྱི་མཆོག་འོངས་ནས། གལ་ཏེ་ངའི་ཤགས་
D1.003.0200a06.01ཀྱིས་ཁོ་བོ་ཅག་ཕམ་པར་གྱུར་ན་གཙུག་ལག་ཁང་རྩིགས་ཤིག །དེས་སྨྲས་པ། རུང་གིས་རེ་ཞིག་འཕགས་པ་ཤཱ་རིའི་བུ་ཁོ་ན་ལ་བརྟག་གོ། །དེ་ནས་ཁྱིམ་བདག་མགོན་མེད་ཟས་སྦྱིན་ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་པ་དང་ཚེ་དང་ལྡན་པ་ཤཱ་རིའི་བུའི་རྐང་པ་
D1.003.0200a07.01