完整藏文原文 · 德格版页 当前仅加载第 3 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་རྣམས་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འཐབ་ཀྲོལ་མ་བྱེད་ཅིག །
D1.003.0128b01.01མཚང་མ་འདྲུ་ཞིག །མ་རྩོད་ཅིག །མ་འགྱེད་ཅིག །དགེ་སློང་དག་ཁྱེད་ཅག་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་ན་རྩོད་པ་བྱུང་ཞིང་བྱུང་བ་སྟོན་པའི་བསྟན་པ་ཆོས་འདུལ་བས་དུལ་བར་བྱ་བ་དང་། ཞི་བར་བྱ་བ་དང་། ཉེ་བར་ཞི་བར་བྱ་བའི་
D1.003.0128b02.01གནས་འདི་མེད་དོ། །དགེ་སློང་དག་ཁྱེད་ཅག་འཐབ་ཀྲོལ་མེད་པ་དང་། མཚང་འདྲུ་བ་མེད་པ་དང་། རྩོད་པ་མེད་པ་དང་། འགྱེད་པ་མེད་པར་གྱུར་ཅིང་གནས་ན་རྩོད་པ་བྱུང་ཞིང་བྱུང་བ་སྟོན་པའི་བསྟན་པ་ཆོས་འདུལ་བས་དུལ་བར་བྱ་བ་དང་། ཞི་བར་བྱ་བ་དང་། ཉེ་བར་ཞི་བར་བྱ་བའི་
D1.003.0128b03.01གནས་འདི་ཡོད་དོ། །དགེ་སློང་དག་སྔོན་བྱུང་བ་ཡུལ་ཀ་ཤིའི་རྒྱལ་པོ་ཚངས་བྱིན་ཞེས་བྱ་བ་དང་། ཡུལ་ཀོ་ས་ལའི་རྒྱལ་པོ་རིང་པོ་ལེན་གཉིས་ཕན་ཚུན་དུ་རྩོད་པར་གྱུར་ཏེ། རྒྱས་པར་ནི་ལུང་བར་མའི་ཏིང་ངེ་འཛིན་དང་ལྡན་པའི་ལེའུ་ལས་རིང་པོ་ལེན་གྱི་མདོ་འབྱུང་བ་བཞིན་ནོ། །དེ་རྣམས་
D1.003.0128b04.01ཀྱིས་འདི་སྐད་ཅེས་སྨྲས་ཏེ། བཅོམ་ལྡན་འདས་ཀྱིས་འདི་སྐད་ཅེས། །ཚངས་བྱིན་རྒ་བ་སྡུག་བསྔལ་ཏེ། །ནོར་རྣམས་ཡོངས་སུ་གཏུགས་པ་དང་། །གཉེན་རྣམས་ཀྱང་ནི་མ་མཐོང་དང་། །ཡུལ་གཞན་ཤི་བ་སྡུག་བསྔལ་ལོ། །ཞེས་བཀའ་སྩལ་པ་ཞིག་ཀྱང་མཆིས་སོ། །དེ་ནས་བཅོམ་
D1.003.0128b05.01ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ཚིག་མི་མཐུན་ལ་ཕྱོགས་ཉམས་ཡང་། །འདི་གཙོ་མིན་ཞེས་སེམས་བྱེད་པ། །དགེ་འདུན་དབྱེ་བར་འགྱུར་ན་གོ། །མཐུ་ཆུང་ཅུང་ཟད་ཅིས་མི་བསམ། །སྲོག་ཆགས་རུས་པ་གཅོག་པ་དང་། །རྟ་དང་བ་ལང་ནོར་ཕྲོགས་
D1.003.0128b06.01དང་། །ཡུལ་འཁོར་ཕུང་བར་བྱས་རྣམས་ཀྱང་། །འདུམ་པར་འགྱུར་བ་ཉིད་ཡོད་ན། །ཆོས་འདི་རྣམ་པར་ཤེས་གྱུར་པ། །ཁྱེད་ཅག་ཅི་ཡི་ཕྱིར་མི་འགྱུར། །སྤྱོད་ཡུལ་སྟོན་པར་བྱེད་པའི་གསུང་། །ཆགས་ལས་ཟློག་པ་ལྷུར་ལེན་པ། །བརྟགས་ནས་མཁས་པར་སྣང་
D1.003.0128b07.01