完整藏文原文 · 德格版页 当前仅加载第 3 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོས་ཏེ་སངས་རྒྱས་ལ་སོགས་པའི་དགེ་སློང་གི་དགེ་འདུན་ལ་ཕུལ་བ་དེའི་ཚེ་ཡུལ་སྣ་ཚོགས་ན་གནས་པའི་དད་པ་ཅན་མཆོད་རྟེན་ལ་ཕྱག་འཚལ་བ་དག་མཉན་ཡོད་དུ་ལྷགས་ནས། དེ་རྣམས་ལས་ཁ་ཅིག་མངོན་པར་དད་པར་གྱུར་ནས་སྨྲས་པ། འཕགས་པ་བདག་ཅག་གིས་ཀྱང་འཕགས་པའི་དགེ་
D1.003.0209b01.01འདུན་གྱི་སླད་དུ་རྒྱལ་བུ་རྒྱལ་བྱེད་ཀྱི་ཚལ་དུ་གཞི་ཅུང་ཟད་བརྩིག་གོ། །དགེ་སློང་རྣམས་ཀྱིས་སྨྲས་པ། རིན་གྱིས་ས་ཉོས་ལ་རྩིགས་ཤིག །འཕགས་པ་རིན་ཅི། ཇི་ཙམ་སྩལ་ལགས། དབྱིག་འདི་སྙེད་དོ། །འཕགས་པ་རེ་ཞིག་འདི་སྙེད་ཀྱི་འབྱོར་པ་ལྟ་བདག་ཅག་ལ་ལྟ་ག་ལ་མཆིས། དེ་ལྟ་མོད་ཀྱི་
D1.003.0209b02.01གལ་ཏེ་ཕྱོགས་འདི་ཐོབ་ན་བརྩིག་གོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ལ་རྟོགས་ལ་གལ་ཏེ་བྱིན་ན་རྩིགས་ཤིག །དགེ་སློང་རྣམས་ཀྱིས་ཁྱིམ་བདག་མགོན་མེད་ཟས་སྦྱིན་ལ་བརྟགས་པ་དང་དེས་སྨྲས་
D1.003.0209b03.01པ། གལ་ཏེ་བདག་ལ་བརྟེན་ཏེ་བྲམ་ཟེ་དང་ཁྱིམ་བདག་དད་པ་ཅན་རྣམས་དགེ་འདུན་གྱི་ཕྱིར་བསོད་ནམས་བགྱི་བའི་དངོས་པོ་བགྱིད་ན་སྩལ་ཏོ། །གང་ཟག་གི་ཕྱིར་བགྱིད་ན་མི་སྩལ་ཏོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་
D1.003.0209b04.01སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་འདུན་གྱི་ཕྱིར་ནི་བརྩིག་པར་བྱའོ། །གང་ཟག་གི་ཕྱིར་ནི་ཡོན་བདག་ལ་བརྟགས་ཏེ་གལ་ཏེ་བྱིན་ན་བརྩིག་པར་བྱའོ། །མ་བྱིན་ན་བརྩིག་པར་མི་བྱའོ། །གློ་བུར་བའི་དགེ་སློང་མཆོད་རྟེན་ལ་ཕྱག་འཚལ་བ་དག་མཉན་ཡོད་དུ་ལྷགས་པ་ན་དེ་རྣམས་སྨོས་
D1.003.0209b05.01འདྲིན་ཇི་ལྟ་བ་བཞིན་དགེ་སློང་རྣམས་ཀྱི་དྲུང་དུ་སོང་བ་དང་། གཞན་དག་ལ་སྨོས་འདྲིན་མེད་པ་དེ་དག་ཕོངས་པར་གྱུར་ནས་བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། གློ་བུར་བ་རྣམས་ཀྱི་ཕྱིར་མ་བགོས་པའི་གནས་གཞག་པར་བྱའོ། །རི་འོར་ཞིག་ན་གཙུག་ལག་ཁང་ཞིག་ཡོད་བ་
D1.003.0209b06.01དེར་དགེ་སློང་རྣམས་དབྱར་གནས་པར་དམ་བཅས་པ་ལས། ཇི་ཙམ་ན་རི་འོར་དེར་དབྱར་གྱི་ནང་ལོགས་སུ་འཇིགས་པ་བྱུང་ནས། དེ་ན་གནས་པའི་དགེ་སློང་རྣམས་སྐྲག་ནས་དགག་དབྱེ་མ་བྱས་པར་མཉན་ཡོད་དུ་ལྷགས་པ་དང་། དེ་ནས་དགེ་སློང་རྣམས་ཀྱིས་ལམ་གྱིས་དུབ་པ་ངལ་སོར་བཅུག་སྟེ།
D1.003.0209b07.01