完整藏文原文 · 德格版页 当前仅加载第 3 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐུར་ནས་དེ་ནང་པར་སྔར་ལངས་ཏེ་སོང་ངོ་། །དགེ་སློང་དེ་འཛེམ་བག་ཅན་ཞིག་པས་རྙེད་པ་འདི་ནི་དགེ་འདུན་གྱི་ཡིན་ནོ་ཞེས་འགྱོད་པས་མ་བླངས་པར་བགོ་བའི་ཕྱིར་དགེ་སློང་རྣམས་ཚོལ་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་
D1.003.0097a01.01ལྡན་འདས་ཀྱིས་བཀའ་སྩལ་པ། གལ་ཏེ་དགེ་སློང་གིས་བའི་ལྕི་བའི་ཁང་པར་དབྱར་གནས་པར་དམ་བཅས་པར་གྱུར་ཀྱང་། དེར་གལ་ཏེ་བྲམ་ཟེ་དང་ཁྱིམ་བདག་རྣམས་ཀྱིས་དགེ་འདུན་གྱི་ཆེད་དུ་རྙེད་པ་ཉུང་ངུའམ་ཕལ་མོ་ཆེར་ཕུལ་ན། དེ་ན་གནས་པ་གཅིག་གམ། གཉིས་སམ།
D1.003.0097a02.01རབ་ཏུ་མང་པོ་གང་ཡིན་པ་དེ་རྣམས་ཁོ་ནའི་སྟེ་དེ་ལ་འགྱོད་པར་མི་བྱའོ།། །།སྡོམ་ལ། བྱེ་བ་རྣམས་ལ་སྐལ་བ་ནི། །སྦྱིན་དང་དྲང་སྲོང་རྒྱུ་བ་ལས། །དགེ་འདུན་གྱི་ནི་ཆོས་གོས་ཀྱི། །རྙེད་པ་བརྒྱད་དུ་བྱ་བའོ། །གླེང་གཞི་ནི་མཉན་ཡོད་ནའོ། །སངས་རྒྱས་བཅོམ་ལྡན་འདས་
D1.003.0097a03.01ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དབྱར་གྱི་ནང་ལོགས་སུ་དགེ་འདུན་བྱེ་བར་གྱུར་ན་རྙེད་པ་སྩལ་བར་བགྱིའམ་མི་སྩལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བ་འཁོར་ཁ་ཅིག་ལ་ནི་སྦྱིན་ནོ། །ཁ་ཅིག་ལ་ནི་མི་སྦྱིན་ནོ། །གང་ལ་སྩལ་བར་བགྱི།
D1.003.0097a04.01ཆོས་དང་མཐུན་པའི་ཕྱོགས་ལའོ། །བཙུན་པ་དབྱར་གྱི་ནང་ལོགས་སུ་དགེ་སློང་གིས་བསླབ་པ་ཕུལ་ཏེ་ཉམས་པར་གྱུར་ན་རྙེད་པ་སྩལ་བར་བགྱིའམ། མི་སྩལ་བར་བགྱི། ཉེ་བ་འཁོར་ཁ་ཅིག་ལ་ནི་སྦྱིན་ནོ། །ཁ་ཅིག་ལ་ནི་མི་སྦྱིན་ནོ། །གང་ལ་སྩལ་བར་བགྱི།
D1.003.0097a05.01གང་ཡུན་རིང་དུ་གནས་པ་ལའོ། །བཙུན་པ་དབྱར་གྱི་ནང་ལོགས་སུ་དགེ་སློང་གུམ་པར་གྱུར་ན་རྙེད་པ་སྩལ་བར་བགྱིའམ། རྙེད་པ་སྩལ་བར་མི་བགྱི། ཉེ་བ་འཁོར་ཁ་ཅིག་ལ་ནི་སྦྱིན་ནོ། །ཁ་ཅིག་ལ་ནི་མི་སྦྱིན་ནོ། །གང་ལ་སྩལ་བར་བགྱི། གང་ཡུན་རིང་དུ་གནས་པ་ལའོ། །
D1.003.0097a06.01རི་འོར་ཞིག་ན་ཁྱིམ་བདག་ཅིག་ཡོད་པ་དེས་ཡོ་བྱད་ཐམས་ཅད་དང་ལྡན་པའི་གཙུག་ལག་ཁང་ཞིག་བརྩིགས་སོ། །ཚེ་དང་ལྡན་པ་ཤཱ་རིའི་བུ་ལྗོངས་རྒྱུ་ཞིང་སོང་བ་ལས་གཙུག་ལག་ཁང་དེར་ཕྱིན་པ་དང་ཁྱིམ་བདག་དེས་ཟས་བྱིན་ནས་རས་ཡུག་ལྔ་བརྒྱ་བྱིན་པ་དང་། དེས་རས་
D1.003.0097a07.01