完整藏文原文 · 德格版页 当前仅加载第 3 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མི་གཞན་དག་དང་མི་འདྲ་བ་ཅིག་གཟིགས་སོ། །གཟིགས་ནས་ཀྱང་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་མི་རྒས་འཁོགས་གཏུགས་པ། སྒུར་པོ་ཕྱམ་དགུ་བོ་ལྟར་ཀྱར་ཀྱོར་ཅན། མདུན་ནས་འཁར་བ་ལ་རྟེན་ཅིང་། ལུས་འདར་ཞིང་
D1.003.0292a01.01འགྲོ་ལ་དེའི་སྐྲ་སེ་བ། ཇི་ལྟར་ཡང་མི་གཞན་དང་མི་འདྲ་བ་འདི་ཅི་ཡིན། ལྷ་མི་འདི་ནི་རྒས་པ་ཞེས་བྱའོ། །ཁ་ལོ་སྒྱུར་བ་རྒས་པ་ཞེས་བྱ་བ་འདི་ཅི་ཡིན། ལྷ་མི་འདི་རིང་པོ་མི་ཐོགས་པ་ཁོ་ནར་འགུམ་པར་འགྱུར་བས་དེ་རྒས་པ་ཞེས་བགྱིའོ། །ཁ་ལོ་སྒྱུར་བ་ང་ཡང་
D1.003.0292a02.01རྒས་པའི་ཆོས་དང་། རྒས་པའི་ཆོས་ཉིད་ལས་མ་འདས་སམ། ལྷ་ཡང་རྒས་པའི་ཆོས་དང་། རྒས་པའི་ཆོས་ཉིད་ལས་མ་འདས་སོ། །ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག །ཕོ་བྲང་ཉིད་དུ་འདོང་ངོ་། །འདི་ལྟར་ང་ཕོ་བྲང་ཉིད་དུ་ཕྱིན་ནས། ང་རྒས་པ་
D1.003.0292a03.01ལས་མ་འདས་ཞེས་གྲག་པའི་དོན་དེ་ཉིད་བསམ་པར་བྱའོ། །ཁ་ལོ་སྒྱུར་བས་ཤིང་རྟ་ཕྱིར་བསྒྱུར་ནས་ཕོ་བྲང་ཉིད་དུ་ཆས་ཏེ། དེར་བྱང་ཆུབ་སེམས་དཔའ་ཤཱཀྱ་ཐུབ་པ་ཕོ་བྲང་གི་ནང་དུ་བྱོན་ནས། ང་ཡང་རྒས་པ་ལས་མ་འདས་པ་ལྟ་ཞིག་ཅེས་མི་དགྱེས་ཤིང་ཐུགས་
D1.003.0292a04.01ངན་དགོངས་སོ། །འདིར་སྨྲས་པ། དར་ཡོལ་རྒས་ཤིང་སྒུར་ལ་མགོ་སྐྱ་བ། །ལག་ན་འཁར་བ་ཐོགས་པའི་མི་གཟིགས་ནས། །འདི་བདག་རྒས་ལས་མ་འདས་ཞེས་གྲག་ཅེས། །དེ་ནས་མི་དགྱེས་ཐུགས་ངན་དགོངས་པར་མཛད། །དེ་ནས་རྒྱལ་པོ་ཟས་གཙང་གིས་
D1.003.0292a05.01ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ་ཅི་གཞོན་ནུ་ཡིད་དགའ་བ་དང་མགུ་བས་སྐྱེད་མོས་ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའ་འམ་ལྷ་མ་ལགས་སོ། །དེ་ཅིའི་སླད་དུ་ཞེ་ན། ལྷ་གཞོན་ནུ་སྐྱེད་མོས་ཚལ་གྱི་གཞིར་གཤེགས་པ་ན། མི་
D1.003.0292a06.01རྒས་འཁོགས་གཏུགས་པ། སྒུར་པོ་ཕྱམ་དགུ་པོ་ལྟར་ཀྱར་ཀྱོར་ཅན། མདུན་ནས་འཁར་བ་ལ་རྟེན་ཅིང་ལུས་འདར་ཞིང་མཆིས་ལ་དེའི་སྐྲ་སེ་བ། ཇི་ལྟར་ཡང་མི་གཞན་དག་དང་མི་འདྲ་བ་ཞིག་གཟིགས་སོ། །གཟིགས་ནས་ཀྱང་བདག་ལ་འདི་སྐད་
D1.003.0292a07.01