完整藏文原文 · 德格版页 当前仅加载第 3 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
འདིངས་པ་བདག་མིང་འདི་ཞེས་བགྱི་བས་ཆོས་གོས་འདིས་དགེ་འདུན་གྱི་སྲ་བརྐྱང་འདིངས་པར་འགྱུར་རོ། །གདིང་ངོ་། །བཏིང་ངོ་། །དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་བཏིང་ནས་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ་འདི་སྐད་ཅེས་གནས་བརྟན་
D1.003.0118b01.01དགོངས་སུ་གསོལ། ཆོས་གོས་འདི་ནི་དགེ་འདུན་གྱིས་སྲ་བརྐྱང་དུ་མཛད་ལ། བདག་མིང་འདི་ཞེས་བགྱི་བ་ཡང་སྲ་བརྐྱང་འདིངས་པར་བསྐོས་པ་ལགས་ཏེ། བདག་གིས་ཆོས་གོས་འདིས་དགེ་འདུན་གྱི་སྲ་བརྐྱང་བཏིང་ལགས་སོ་ཞེས་བརྗོད་པར་བྱའོ། །དེས་ལེགས་པར་
D1.003.0118b02.01བཏིང་ངོ་། །ཤིན་ཏུ་བཏིང་སྟེ། འདི་ལ་རྙེད་པ་དང་ཕན་ཡོན་ཡོད་པ་གང་ཡིན་པ་དེ་ནི་བདག་ཅག་གི་ཡིན་ནོ་ཞེས་བརྗོད་པར་བྱ་ཞིང་དེ་བཞིན་དུ་ལན་གཉིས་ལན་གསུམ་དུ་དགེ་འདུན་གསར་བུའི་བར་དུ་ཐམས་ཅད་ཀྱིས་ལེགས་པར་བཏིང་ངོ་། །ཤིན་ཏུ་བཏིང་སྟེ། འདི་ལ་རྙེད་
D1.003.0118b03.01པ་དང་ཕན་ཡོན་ཡོད་པ་གང་ཡིན་པ་དེ་ནི་བདག་ཅག་གི་ཡིན་ནོ་ཞེས་བརྗོད་པར་བྱའོ། །སྲ་བརྐྱང་འདིངས་པའི་དགེ་སློང་གིས་སྲ་བརྐྱང་ཐོགས་ཏེ་ཆབ་ཁུང་སར་མ་ཡིན། སྣམས་ཕྱི་སར་མ་ཡིན་ཏེ། ཚང་བང་དུ་འཇུག་པར་མི་བྱའོ། །མཚམས་ཀྱི་ཕྱི་རོལ་ཏུ་འགྲོ་བར་མི་བྱའོ། །
D1.003.0118b04.01གལ་ཏེ་སོང་ན་དེར་གནས་པར་མི་བྱའོ། །སྲ་བརྐྱང་འདིངས་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་སྲ་བརྐྱང་འདིངས་པའི་དགེ་སློང་གིས་དཔྱིད་ཟླ་ར་བ་ཡར་གྱི་ངོའི་ཚེས་
D1.003.0118b05.01བཅོ་ལྔ་ལ་ཡང་གོ་བར་བྱ་སྟེ། ཚེ་དང་ལྡན་པ་དག་སང་ཁོ་བོ་སྲ་བརྐྱང་འབྱིན་གྱིས་ཁྱེད་ཅག་སོ་སོའི་ཆོས་གོས་རྣམས་བྱིན་གྱིས་རློབས་ཤིག །དེ་ལ་རྙེད་པ་བྱུང་བ་གང་ཡིན་པ་དེ་ནི་དགེ་འདུན་གྱིས་བགོ་བར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་
D1.003.0118b06.01གྱིས་ཞུས་པ། བཙུན་པ་དུ་ཞིག་གི་སྲ་བརྐྱང་མ་་བཏིང་ལགས། ཉེ་བ་འཁོར་ལྔའི་སྟེ། དབྱར་གྱི་མ་ཡིན་པ་དང་། དབྱར་རལ་བ་དང་། དབྱར་ཕྱི་མར་གནས་པར་དམ་བཅས་པ་དང་། དབྱར་ཐ་དད་པར་གནས་པར་དམ་བཅས་པ་དང་། སྲ་བརྐྱང་དེ་འདིངས་པ་ན་མངོན་སུམ་
D1.003.0118b07.01