完整藏文原文 · 德格版页 当前仅加载第 3 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
མཐུན་ཞིང་ཀུན་དུ་དགའ་བ་དང་འགྱེད་པ་མེད་པས་འདུན་པ་དྲག་པོ་དང་། བརྩོན་འགྲུས་དང་། འབད་པ་དང་། སྤྲོ་བ་དང་། སྒྲིམ་པ་དང་། མི་བཟློག་པའི་དྲན་པ་དང་། ཤེས་བཞིན་གྱིས་ཅི་ནས་ཀྱང་འགྱེད་པའི་རྩ་བ་སྤངས་པ་དེ་ཉིད་ཕྱིས་ཀྱང་མི་འབྱུང་བར་བརྩོན་པར་བྱ་སྟེ།
D1.003.0232a01.01དེ་ལྟར་ན་ཁྱེད་ཀྱིས་འགྱེད་པའི་རྩ་བ་དེ་ཡང་དག་པར་ལེགས་པར་བསལ་བས། ཕྱིས་སྐྱེ་བར་མི་འགྱུར་རོ། །འདི་དག་ནི་འགྱེད་པའི་རྩ་བ་དྲུག་ཅེས་བྱའོ། །འགྱེད་པར་བྱེད་པའི་གཞི་བཅུ་བཞི་གང་ཞེ་ན། འདི་ལྟ་སྟེ། ཆོས་སོ་ཞེའམ། ཆོས་མ་ཡིན་ནོ་ཞེའམ། འདུལ་བའོ་ཞེའམ།
D1.003.0232a02.01འདུལ་བ་མ་ཡིན་ནོ་ཞེའམ། ལྟུང་བའོ་ཞེའམ་ལྟུང་བ་མ་ཡིན་ནོ་ཞེའམ། ལྕི་བའམ། ཡང་བའམ། ལྷག་མ་དང་བཅས་པའམ། ལྷག་མ་མེད་པའམ། བཤགས་པར་བྱ་བའམ། བསྡམ་པར་བྱ་བའམ། ཉེས་པར་བཤད་པར་གཏོགས་པའམ། ལེགས་པར་བཤད་
D1.003.0232a03.01པར་གཏོགས་པ་སྟེ། འདི་དག་ནི་འགྱེད་པར་བྱེད་པའི་གཞི་བཅུ་བཞི་ཞེས་བྱའོ། །དགེ་སློང་དག་འགྱེད་པའི་རྩོད་པ་ནི་དེའི་རྩ་བ་ཡིན་ཞིང་འགྱེད་པའི་རྩོད་པའི་རྩ་བ་ནི་དེ་ཡིན་ནོ། །དགེ་སློང་དག་གདམས་ངག་མེད་པའི་རྩོད་པ་ནི་ཅི་ཞིག་གི་རྩ་བ་ཅན་ཡིན་ཞིང་གདམས་ངག་མེད་
D1.003.0232a04.01པའི་རྩོད་པའི་རྩ་བ་ནི་ཅི་ཡིན་ཞེ་ན། དགེ་འདུན་གདམས་ངག་མི་ལེན་པ་དང་། གདམས་ངག་མི་སྦྱིན་པ་དང་། གདམས་ངག་གཞག་པ་གང་ཡིན་པ་དེ་ལ་བརྟེན་ནས་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་ཡིན་པ་སྟེ། དགེ་སློང་དག་
D1.003.0232a05.01གདམས་ངག་མེད་པའི་རྩོད་པ་ནི་དེའི་རྩ་བ་ཅན་ཡིན་ཞིང་གདམས་ངག་མེད་པའི་རྩོད་པའི་རྩ་བ་ནི་དེ་ཡིན་ནོ། །དགེ་སློང་དག་ལྟུང་བའི་རྩོད་པ་ནི་ཅི་ཞིག་གི་རྩ་བ་ཅན་ཡིན་ཞིང་ལྟུང་བའི་རྩོད་པའི་རྩ་བ་ནི་ཅི་ཡིན་ཞེ་ན། ལྟུང་བའི་རིས་ལྔ་ནི་ལྟུང་བའི་རིས་དང་ལྟུང་བའི་ཕུང་པོ་ཞེས་བྱ་
D1.003.0232a06.01སྟེ། ལྔ་གང་ཞེ་ན། ཕས་ཕམ་པ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་སོ། །གཞན་ཡང་ལུས་ཀྱི་ལྟུང་བ་ཡིན་གྱི་ངག་གི་མ་ཡིན་སེམས་ཀྱི་མ་ཡིན་པ་ཡང་ཡོད། ངག་གི་ཡིན་གྱི་ལུས་ཀྱི་མ་ཡིན་སེམས་ཀྱི་
D1.003.0232a07.01