完整藏文原文 · 德格版页 当前仅加载第 3 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
བགད་ནས་མཛུབ་ཀེར་གྱིས་དགེ་སློང་མ་རྣམས་ཀྱི་མདོམས་ཉེ་བར་སྟོན་ཏེ། དེ་དག་གིས་ཉེ་བར་བསྟན་པ་རྣམས་བག་འཁུམས་པར་གྱུར་པས་དེ་རྣམས་བདག་གི་ཁྲུས་རས་ཀྱིས་བཀབ་ནས་ཁྲུས་བགྱིད་པར་འགྱུར་ལགས་སོ། །ས་ག་མ་ལེགས་སོ་ལེགས་
D1.003.0087a01.01སོ། །ཁྱོད་ཀྱིས་བསོད་ནམས་བྱ་བའི་དངོས་པོ་བརྒྱད་སྨྲས་པ་གང་ཡིན་པ་དེ་དག་ནི་རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་རྣམས་ལ་ཡང་དག་པར་སྣང་ཞིང་འདི་དག་ནི་རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་པོ་གང་དག་ལ་བསོད་ནམས་
D1.003.0087a02.01སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་འདི་ཙམ་མོ་ཞེས་ཚད་གཟུང་བར་མི་ནུས་ཀྱི་འོན་ཀྱང་བསོད་ནམས་མང་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོ་བ་རྣམས་ཀྱི་ནང་དུ་འདུས་སོ། །བཙུན་པ་
D1.003.0087a03.01བདག་གིས་འདི་སྐད་ཅེས་བཅོམ་ལྡན་འདས་ཀྱིས་དགེ་སློང་ཆེ་གེ་མོ་དེ་སྔ་ནས་དགེ་སློང་འདི་ཡང་ཀུན་ཏུ་སྦྱོར་བ་གསུམ་སྤངས་ནས་རྒྱུན་དུ་ཞུགས་པ་རྣམ་པར་མི་ལྟུང་བའི་ཆོས་ཅན་རྫོགས་པའི་བྱང་ཆུབ་ཏུ་ངེས་པར་གཞོལ་བ། རེ་ལྟར་ཐོགས་ན་སྲིད་པ་ལན་བདུན་པར་འགྱུར་ཏེ།
D1.003.0087a04.01ལྷ་དང་མི་རྣམས་ཀྱི་ནང་དུ་ལན་བདུན་དུ་ཉིང་མཚམས་སྦྱོར་ཞིང་འཁོར་ནས་སྡུག་བསྔལ་གྱི་མཐར་བྱེད་པར་འགྱུར་རོ་ཞེས་ལུང་བསྟན་པ་ཐོས་ཏེ། དེ་མཉན་ཡོད་དུ་རེས་འགའ་མཆི་ཞིང་སླར་ཡང་མཆི་བར་འགྱུར་ལ། དེས་བདག་གི་གློ་བུར་དུ་མཆི་བའི་ཟས་ཞེས་བྱ་བ་ནས། དབྱར་
D1.003.0087a05.01གྱི་གོས་རས་ཆེན་དང་། དགེ་སློང་མས་ཁྲུས་རས་ལོངས་སྤྱོད་པར་འགྱུར་ལགས་སོ་ཞེས་བྱ་བའི་བར་དེ་ཐོས་ནས་ཀྱང་དགའ་བ་དང་རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་སོ། །བཅོམ་ལྡན་འདས་ཀྱིས་དགེ་སློང་ཆེ་གེ་མོ་དེ་དགེ་སློང་
D1.003.0087a06.01འདི་ནི་ཀུན་ཏུ་སྦྱོར་བ་གསུམ་སྤངས་ནས་འདོད་ཆགས་དང་། ཞེ་སྡང་དང་། གཏི་མུག་བསྲབས་པའི་ཕྱིར་ལན་གཅིག་ཕྱིར་འོང་བར་འགྱུར་ཏེ། འཇིག་རྟེན་འདིར་ལན་གཅིག་འོངས་ནས་སྡུག་བསྔལ་གྱི་མཐར་བྱེད་པར་འགྱུར་རོ་ཞེས་ལུང་བསྟན་པ་དེ་ཡང་མཉན་ཡོད་དུ་རེས་འགའ་
D1.003.0087a07.01