完整藏文原文 · 德格版页 当前仅加载第 3 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་བཏུང་བ་བརྒྱད་པོ་འདི་དག་དུས་སུ་བྱིན་ལེན་བྱས། དུས་སུ་མཉེས། དུས་སུ་བཙགས། དུས་སུ་བྱིན་གྱིས་བརླབས་ན་དུས་སུ་ལོངས་སྤྱད་པར་བྱ་ཞིང་དུས་མ་ཡིན་པར་ཡང་ལོངས་སྤྱད་པར་བྱ་ལ། ནམ་གྱི་ཐུན་དང་པོ་ཐལ་ནས་ནི་ལོངས་སྤྱད་པར་མི་བྱའོ། །
D1.003.0039a01.01བཏུང་བ་བརྒྱད་པོ་འདི་དག་དུས་སུ་བྱིན་ལེན་བྱས་ལ་དུས་མ་ཡིན་པར་མཉེས། དུས་མ་ཡིན་པར་བཙགས། དུས་མ་ཡིན་པར་བྱིན་གྱིས་བརླབས་པ་ནི་ལོངས་སྤྱད་པར་མི་བྱའོ། །བཏུང་བ་བརྒྱད་པོ་འདི་དག་དུས་སུ་བྱིན་ལེན་བྱས། དུས་སུ་མཉེས་ལ། དུས་མ་ཡིན་པར་བཙགས་དུས་མ་
D1.003.0039a02.01ཡིན་པར་བྱིན་གྱིས་བརླབས་པ་ནི་ལོངས་སྤྱད་པར་མི་བྱའོ། །བཏུང་བ་བརྒྱད་པོ་འདི་དག་དུས་མ་ཡིན་པར་བྱིན་ལེན་བྱས། དུས་མ་ཡིན་པར་མཉེས། དུས་མ་ཡིན་པར་བཙགས་པ་ནི་ཟས་ཀྱི་འོག་ཏུ་ཡང་ལོངས་སྤྱད་པར་མི་བྱ་ལ། ནམ་གྱི་ཆ་སྟོད་འདས་ན་ཡང་ལོངས་སྤྱད་པར་མི་བྱའོ། །
D1.003.0039a03.01དེ་ནས་དྲང་སྲོང་ཀེ་ནའི་བུ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གིས་
D1.003.0039a04.01གདུགས་ཆོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་དྲང་སྲོང་ཀེ་ནའི་བུ་ལ་ཅང་མི་གསུང་བས་གནང་ངོ་། །དེ་ནས་དྲང་སྲོང་ཀེ་ནའི་བུ་བཅོམ་ལྡན་འདས་ཅང་མི་གསུང་བས་གནང་བར་རིག་ནས་སྟན་ལས་ལངས་ཏེ་སོང་ངོ་། །བཅོམ་ལྡན་འདས་ཀྱང་རྫིང་
D1.003.0039a05.01བུ་དལ་གྱིས་འབབ་ཀྱི་འགྲམ་ནས་མི་སྣང་བར་མཛད་དེ་དགེ་སློང་གི་དགེ་འདུན་དང་ཐབས་ཅིག་ཏུ་ཨ་དུ་མར་གཤེགས་སོ། །དེ་ནས་དྲང་སྲོང་ཀེ་ནའི་བུ་ནམ་མ་ལངས་པར་ལངས་ནས་ནང་མི་རྣམས་ལ་སྨྲས་པ། འཕགས་པ་དག་བཞེངས་ཤིག །བཞིན་{བཟངས་,བཟང་}དག་ལོངས་ཤིག །
D1.003.0039a06.01ཤིང་དག་གཤེགས་ཤིག །མེ་བུས་ཤིག །ཞལ་ཟས་དག་བྲིམ་པར་གྱིས་ཤིག །བཀད་ས་དག་བྱི་དོར་གྱིས་ཤིག །དེའི་ཚེ་དྲང་སྲོང་ཀེ་ནའི་བུའི་སྲིང་མོའི་བུ་དྲང་སྲོང་རི་བོ་ཞེས་བྱ་བ་གནས་དེ་ཉིད་དུ་ནུབ་མོ་གནས་བཏབ་པ་ལས། དྲང་སྲོང་རི་བོས་དྲང་སྲོང་ཀེ་ནའི་བུ་ནམ་མ་
D1.003.0039a07.01