完整藏文原文 · 德格版页 当前仅加载第 3 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ཁོ་བོའི་འོ། །མཁན་པོ་དགེ་སློང་ཆེ་གེ་མོ་ཞིག་གི་ཆོས་གོས་ཕྱོགས་དེ་ཉིད་དུ་བཞག་པ་དེ་ཁ་མཆིས་ལགས་སོ། །བུ་གལ་ཏེ་དེ་ལྟ་ན་ཆོས་གོས་དེ་དག་ཁྱེར་ཏེ་ཤོག་ཤིག་བལྟའོ། །དེས་ཁྱེར་ཏེ་འོངས་ནས་མཁན་པོ་ཆོས་གོས་འདི་ངོ་མཁྱེན་པར་མཛོད་ཅིག །དེས་ངོ་ཤེས་
D1.003.0250b01.01ནས་བུ་ངས་ནོར་བར་ཁྱེར་ཏེ་འོངས་ཀྱིས། དགེ་སློང་དེའི་འདི་དག་ཡིན་གྱིས་སྐྱོལ་ཅིག །དེས་ཁྱེར་ཏེ་དགེ་སློང་དེའི་དྲུང་དུ་སོང་ནས་སྨྲས་པ། ཚེ་དང་ལྡན་པ་ཆོས་གོས་འདི་དག་མཁན་པོས་ནོར་ཏེ་ཁྱེར་རོ། །དེས་སྨྲས་པ། དེས་རྐུ་སེམས་ཀྱིས་བླངས་པས་ཕས་ཕམ་པའི་ལྟུང་བ་
D1.003.0250b02.01བྱུང་ངོ་། །དེ་ནས་གླགས་ཚོལ་བའི་དགེ་སློང་རྣམས་ཀྱིས་དེ་ལ་གླེང་བ་མ་བྱས་དྲན་པར་མ་བྱས་པར་མཐུས་གནས་ནས་དབྱུང་བའི་ལས་བྱས་སོ། །ཚེ་དང་ལྡན་པ་{རི་དགས་,རི་དྭགས་}འཛིན་གྱི་བུ་ནག་པོས་བསམས་པ། བྲམ་ཟེ་དང་ཁྱིམ་བདག་རྣམས་དད་པ་སྐྱེ་བར་ནི་དཀའ་ལ་མ་དད་པ་སྐྱེ་བར་
D1.003.0250b03.01ནི་བླ་བས་གལ་ཏེ་འདུག་པར་གྱུར་ན་གདོན་མི་ཟ་བར་ཡངས་པ་ཅན་གྱི་ལིཙྪ་བཱི་རྣམས་མ་དད་པ་སྐྱེ་བར་འགྱུར་གྱིས། མདོར་ན་མཉན་ཡོད་ཁོ་ནར་འགྲོའོ་སྙམ་ནས། དེས་ཡངས་པ་ཅན་གྱི་ལིཙྪ་བཱི་རྣམས་ལ་མ་བལྟས་པར་དེས་ལྷུང་བཟེད་དང་ཆོས་གོས་བླངས་ནས་མཉན་ཡོད་གང་ན་བ་
D1.003.0250b04.01དེར་རྒྱུ་ཞིང་སོང་སྟེ། རིམ་གྱིས་རྒྱུ་ཞིང་སོང་བ་ན་མཉམ་ཡོད་དུ་ཕྱིན་པ་དང་། དེ་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་ནག་པོ་འོངས་པ་ལེགས་སོ། །འོངས་པ་ལེགས་སོ། །ཁྱོད་མཐོང་བ་ནི་ཁོ་བོ་ཅག་དགའ་ན་འོངས་པ་མ་ཡིན་ནོ། །ཅིའི་ཕྱིར་འདི་ལྟར་ཁྱོད་ལ་
D1.003.0250b05.01བརྟེན་ནས་ཡངས་པ་ཅན་གྱི་ལིཙྪ་བཱི་རྣམས་སངས་རྒྱས་ལ་མངོན་པར་དད། ཆོས་དང་། དགེ་འདུན་ལ་མངོན་པར་དད་པས་སངས་རྒྱས་དང་། ཆོས་དང་། དགེ་འདུན་ལ་ལྷག་པར་བྱ་བ་བྱེད་དོ། །དེས་སྨྲས་པ། དེ་ནི་མད་མོད་ཀྱི་ཡངས་པ་ཅན་གྱི་དགེ་སློང་རྣམས་ཀྱིས་བདག་ལ་
D1.003.0250b06.01གླེང་བ་མ་བྱས་དྲན་པར་མ་བྱས་པར་མཐུས་གནས་ནས་དབྱུང་བའི་ལས་བྱས་སོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་འདུག་ཤིག །ཁྱོད་ངས་ཆོས་ཀྱིས་བསླང་བར་བྱའོ། །དེ་ནས་བཅོམ་
D1.003.0250b07.01