完整藏文原文 · 德格版页 当前仅加载第 3 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། ཆོས་གོས་རུང་བ་མ་ཡིན་པ་ཇི་ཙམ་འདོད་པ་འཆང་བ་ན་མ་ཡིན་པའོ། །གཞན་ཡང་ཕན་ཡོན་ལྔ་ཡོད་དེ། ཚོགས་ཤིང་ཟན་མ་ཡིན་པ་དང་། ཡང་ཡང་ཟན་མ་ཡིན་པ་དང་། ཁྱིམ་རྣམས་སུ་མགྲོན་དུ་མ་བོས་པར་འགྲོ་ན་མ་ཡིན་པ་དང་། ཇི་ཙམ་འདོད་པའི་ཆོས་གོས་བཙལ་
D1.003.0116b01.01བ་དང་། སྟོན་ཟླ་འབྲིང་པོ་ནས་དཔྱིད་ཟླ་ར་བའི་བར་གྱི་ནང་དེར་སྲ་བརྐྱང་བཏིང་བ་རྣམས་ཀྱི་རྙེད་པ་ཡིན་ནོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ངས་རྗེས་སུ་གནང་སྟེ། དགེ་སློང་རྣམས་བདེ་བ་ལ་རེག་པར་གནས་པར་བྱ་བའི་ཕྱིར་དང་། སྦྱིན་
D1.003.0116b02.01པ་པོ་རྣམས་ཀྱི་སྦྱིན་པའི་ཆོས་ལོངས་སྤྱད་པར་བྱ་བའི་ཕྱིར་དབྱར་གནས་པའི་དགེ་སློང་རྣམས་ཀྱིས་སྲ་བརྐྱང་གདིང་བར་བྱའོ། །འདི་ལྟར་སྲ་བརྐྱང་ལ་ཕན་ཡོན་ལྔ་ཡོད་དེ། ཞག་བཅུ་ཐལ་ན་མ་ཡིན་པ་དང་ཞེས་བྱ་བ་ནས་སྲ་བརྐྱང་བཏིང་བ་རྣམས་ཀྱི་རྙེད་པ་ཡིན་ནོ་ཞེས་བྱ་བའི་བར་གོང་མ་
D1.003.0116b03.01བཞིན་དུའོ། །བཅོམ་ལྡན་འདས་ཀྱིས་སྲ་བརྐྱང་གདིང་བར་བྱའོ་ཞེས་བཀའ་སྩལ་ན། དགེ་སློང་རྣམས་ཀྱིས་སྲ་བརྐྱང་ཇི་ལྟར་གདིང་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དབྱར་གནས་པའི་དགེ་འདུན་གྱི་ཆོས་གོས་ཀྱི་རྙེད་པ་ཡོད་པ་གང་ཡིན་པ་དེ་ལས་གདིང་བར་
D1.003.0116b04.01བྱའོ། །གདིང་བ་ནི་འདི་ལྟར་བྱ་སྟེ། རེ་ཞིག་ཐོག་མར་མཐུན་པའི་གོ་བར་བྱ་སྟེ། ཆོས་གོས་འདི་ནི་དབྱར་གནས་པའི་དགེ་འདུན་གྱི་ཆོས་གོས་ཀྱི་རྙེད་པ་བྱུང་བ་ལགས་ཏེ། གལ་ཏེ་དགེ་འདུན་བཞེད་ན་ཆོས་གོས་འདིས་དགེ་འདུན་གྱི་སྲ་བརྐྱང་གདིང་བར་བགྱིའོ། །དེ་ནས་ཕྱི་དེ་ཉིན་
D1.003.0116b05.01གནས་མལ་བཤམས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཆོས་
D1.003.0116b06.01གོས་འདི་ནི་དབྱར་གནས་པའི་དགེ་འདུན་གྱི་ཆོས་གོས་ཀྱི་རྙེད་པ་བྱུང་བ་ལགས་ཏེ། དགེ་འདུན་གྱི་ཆོས་གོས་འདིས་སྲ་བརྐྱང་བགྱིས་ནས་སྲ་བརྐྱང་གདིང་པར་བཞེད་ན། དེས་ན་སྲ་བརྐྱང་བཏིང་བའི་གནས་ནས་ཆས་པ་ལ་ཆོས་གོས་རྙིང་པ་རྣམས་དང་འབྲལ་བ་ཡང་མི་འབྱུང་ན།
D1.003.0116b07.01