完整藏文原文 · 德格版页 当前仅加载第 3 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བདག་མིའམ་མི་མ་ཡིན་པའམ། གཡོན་ཅན་འགའ་ཞིག་གིས་གཙེས་ཏེ་གཉོད་མང་པོ་ཡང་མ་སོན་པར་ཕྲོགས་པར་མི་འགྱུར་གྲང་སྙམ་དུ་བསམས་ཏེ་སླར་ལྡོག་པར་འདོད་པས་ལྷའི་བུ་སྦྲང་རྩིའི་ཕུང་པོའི་འདུག་གནས་ལ་བསྐོར་བ་བྱེད་ཅིང་ཕྱག་འཚལ་ལོ། །དེ་ནས་ལྷའི་བུ་སྦྲང་རྩི་ཕུང་པོ་
D1.003.0196b01.01འདི་སྙམ་དུ་སེམས་ཏེ། དེང་ཉིད་དུ་ཁྱིམ་བདག་མགོན་མེད་ཟས་སྦྱིན་གྱིས་བདེན་པ་མཐོང་བར་འགྱུར་ན། དེང་ཉིད་འདི་སངས་རྒྱས་བཅོམ་ལྡན་འདས་སྤངས་ཏེ་ལྷ་གཞན་ལ་ཕྱག་འཚལ་བར་འགྱུར་བ་སྙམ་དུ་བསམས་ནས། གང་ཡང་ལྷོ་སྒོ་ནས་བསིལ་བའི་ཚལ་གྱི་དུར་ཁྲོད་ཀྱི་བར་
D1.003.0196b02.01སྣང་བརྒྱ་ཆེན་པོས་གསལ་བར་བྱས་ནས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་སྤྱན་སྔར་སོང་ཤིག །སླར་མ་ལྡོག་ཤིག །ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ཅིའི་ཕྱིར་ཞེ་ན། །རྟ་བརྒྱ་དང་ནི་གསེར་རྒྱན་བརྒྱ། །དྲེའུའི་
D1.003.0196b03.01ཤིང་རྟ་བརྒྱ་དང་ནི། །སྣ་ཚོགས་ནོར་གྱིས་སྦྱར་བ་ཡི། །རྟ་རྒོད་མ་ཡི་ཤིང་རྟ་བརྒྱ། །གོམ་པ་གཅིག་ཅིག་བོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་སྔར་སོང་ཤིག །སླར་མ་ལྡོག་ཤིག །ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ཅིའི་ཕྱིར་
D1.003.0196b04.01ཞེ་ན། གངས་ཅན་རི་ཡི་གླང་ཆེན་བརྒྱ། །གསེར་དང་ནོར་བུས་བརྒྱན་བྱས་ལ། །ལུས་ཆེ་གཤོལ་མདའི་མཆེ་བར་ལྡན། །མ་ཏང་གར་སྐྱེས་སྟོབས་པོ་ཆེ། །གོམ་པ་གཅིག་ཅིག་བོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་སྔར་སོང་ཤིག །སླར་མ་ལྡོག་ཤིག །
D1.003.0196b05.01ཁྱོད་སྤྱན་སྔར་སོང་ན་ལེགས་པར་འགྱུར་གྱིས་སླར་ལོག་ན་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཐོ་གར་ཡུལ་གྱི་བུ་མོ་བརྒྱ། །ནོར་བུའི་རྣ་ཆ་གདུབ་ཀོར་ཐོགས། །གསེར་གྱི་དཔུང་རྒྱན་ཐོགས་པ་ཡི། །མགྲིན་པ་རྒྱན་གྱིས་ལེགས་བརྒྱན་པ། །གོམ་པ་གཅིག་ཅིག་བོར་བ་ཡི། །བཅུ་
D1.003.0196b06.01དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་སྔར་སོང་ཤིག །སླར་མ་ལྡོག་ཅིག །ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ལྷའི་བུ་དེ་ལ་འདི་སྐད་ཅེས་སྨྲས་སོ། །བཞིན་{བཟངས་,བཟང་}ཁྱོད་སུ་ཞིག །ཁྱིམ་བདག་
D1.003.0196b07.01