完整藏文原文 · 德格版页 当前仅加载第 3 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་དང་བཅས་པའི་ཆོས་གོས་ཀྱིས་འཚོ་བར་མི་བྱའོ། །འཚོ་བར་བྱེད་ན་འགལ་ཚབས་ཅན་དུ་འགྱུར་རོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གཡང་གཞི་འཆང་བར་འཚལ་ལོ། །བཅོམ་ལྡན་འདས་
D1.003.0091a01.01ཀྱིས་བཀའ་སྩལ་པ། གཏི་མུག་འདི་ནི་མུ་སྟེགས་པའི་རྒྱལ་མཚན་ཡིན་ནོ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གསོ་མའི་སེང་རས་ཀྱི་
D1.003.0091a02.01ཆོས་གོས་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། འདི་ནི་མུ་སྟེགས་ཀྱི་རྒྱལ་མཚན་ཡིན་ནོ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D1.003.0091a03.01བཙུན་པ་བདག་པ་ཆར་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་འདི་ལྟ་སྟེ། པ་ཆར་འདི་ནི་ཁྱིམ་པའི་ཆོས་ཡིན་ཏེ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་
D1.003.0091a04.01གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཆོས་གོས་ཐམས་ཅད་སྔོན་པོར་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། འདི་ནི་ཁྱིམ་པ་འཆང་བར་བྱེད་དོ། །དེ་ལྟ་བས་ན་དགེ་སློང་གིས་ཆོས་གོས་ཐམས་ཅད་སྔོན་པོར་བཅང་
D1.003.0091a05.01བར་མི་བྱའོ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །དེ་བཞིན་དུ་ཐམས་ཅད་སེར་བའམ། ཐམས་ཅད་དམར་བའམ། དཀར་བ་ནི་རུང་བ་མ་ཡིན་པ་ཉིད་དོ།། །།སྡོམ་ལ། ཁ་ཚར་རིང་དང་གདེངས་ཀ་དང་། །རལ་ཀ་གཙུག་
D1.003.0091a06.01ཏོར་ཐོད་དང་ནི། །ར་བལ་གོས་དང་རྔ་བལ་ཀླམ། །མཆིན་ནད་ཀུན་དགའ་མཐང་གོས་བཅས། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཁ་ཚར་རིང་པོའི་ཆོས་གོས་འཆང་བར་འཚལ་ལོ། །བཅོམ་ལྡན་འདས་
D1.003.0091a07.01