完整藏文原文 · 德格版页 当前仅加载第 3 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
གཡོ་བར་གྱུར་པ་དང་། བྱང་ཆུབ་སེམས་དཔས་ས་འཚོ་མ་ལ་བརྟག་པར་བརྩམས་སོ། །ས་འཚོ་མས་ཀྱང་བྱང་ཆུབ་སེམས་དཔའ་ལའོ། །བྱང་ཆུབ་སེམས་དཔའ་ས་འཚོ་མ་ལ་རྟོག་པ་ན་ཕྱག་ན་ལྕགས་ཀྱི་མདའ་བསྣམས་པ་དེ་ཕྱིར་བརླགས་སོ། །ས་འཚོ་མ་ཡང་
D1.003.0291b01.01བྱང་ཆུབ་སེམས་དཔའ་ལ་རྟོག་པ་ན་རྐང་པའི་མཐེ་བོས་ཁང་{བཟངས་ཀྱི་,བཟང་གི་}གཞི་བརྟོལ་ཏོ། །སྐྱེ་བོའི་ཚོགས་ཆེན་པོས་བྱང་ཆུབ་སེམས་དཔའ་དང་ས་འཚོ་མ་ལ་ཕན་ཚུན་དུ་རྟོག་པར་བྱེད་ཅིང་ལྷག་པའི་བསམ་པ་སྐྱེས་པར་གྱུར་པ་མཐོང་ངོ་། །མཐོང་ནས་ཀྱང་སྨྲས་པ། བུད་མེད་
D1.003.0291b02.01འདི་འདྲ་བ་འདིས་ནི་བྱང་ཆུབ་སེམས་དཔའི་ཐུགས་དང་བསྟུན་པར་ནུས་སོ། །གཏམ་དེ་རྒྱལ་པོ་ཟས་གཙང་གིས་ཐོས་ནས་དེ་འཁོར་ཉི་ཁྲི་དང་བྱང་ཆུབ་སེམས་དཔའི་བཙུན་མོར་བླངས་སོ། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་སྐྱེད་མོས་ཚལ་གྱི་གཞིར་གཤེགས་
D1.003.0291b03.01པར་བཞེད་པར་གྱུར་པ་དེའི་ཚེ་ཁ་ལོ་སྒྱུར་བ་ལ་ཀྱེ་ཁ་ལོ་སྒྱུར་བ་རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་དང་། དེར་ང་ཞུགས་ནས་སྐྱེད་མོས་ཚལ་གྱི་གཞིར་འགྲོའོ་ཞེས་གསུང་བར་འགྱུར་བས། དེ་ནས་བྱང་ཆུབ་སེམས་དཔས་ཁ་ལོ་སྒྱུར་བ་ལ་བསྒོ་བ། ཀྱེ་ཁ་ལོ་སྒྱུར་བ་
D1.003.0291b04.01རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་དང་། དེར་ང་ཞུགས་ནས་སྐྱེད་མོས་ཚལ་གྱི་གཞིར་འགྲོའོ། །ལྷ་བཀའ་བཞིན་འཚལ་ཞེས་ཁ་ལོ་སྒྱུར་བས་བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་བཞོན་པ་བཟང་པོ་མྱུར་དུ་བཤམས་ཏེ། བྱང་ཆུབ་
D1.003.0291b05.01སེམས་དཔའ་ཤཱཀྱ་ཐུབ་པ་གང་ན་བ་དེར་སོང་ནས་ཕྱིན་པ་དང་། བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདི་སྐད་ཅེས་སྨྲས་སོ། །ལྷ་བཅིབས་པ་བཟང་པོ་བཤམས་ལགས་ཀྱིས་ལྷ་ད་དེའི་དུས་ལ་བབ་པར་དགོངས་སུ་གསོལ། དེ་ནས་བྱང་ཆུབ་སེམས་དཔའ་ཤཱཀྱ་ཐུབ་
D1.003.0291b06.01པ་བཞོན་པ་བཟང་པོར་ཞུགས་ནས་སྐྱེད་མོས་ཚལ་གྱི་གཞིར་བྱུང་བ་དང་། བྱང་ཆུབ་སེམས་དཔའ་ཤཱཀྱ་ཐུབ་པས་མི་རྒས་འཁོགས་གཏུགས་པ་སྒུར་པོ་ཕྱམ་དགུ་བོ་ལྟར་ཀྱར་ཀྱོར་ཅན། མདུན་ནས་འཁར་བ་ལ་རྟེན་ཅིང་འདར་ཞིང་འགྲོ་བ། དེའི་སྐྲ་སེ་བ། ཇི་ལྟར་
D1.003.0291b07.01