完整藏文原文 · 德格版页 当前仅加载第 3 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་དེའི་རྣམ་པར་སྨིན་པས་མིག་གི་འབྲས་བུ་རིན་པོ་ཆེ་ལྟར་བཀྲ་ཞིང་དབྱིག་གི་སྐད་དང་ལྡན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱིམ་བདག་མགོན་མེད་ཟས་སྦྱིན་འདི་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་
D1.003.0208b01.01གནས་པ་གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས་ཁྱིམ་བདག་མགོན་མེད་ཟས་སྦྱིན་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་
D1.003.0208b02.01སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་ཁོ་ན་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་
D1.003.0208b03.01པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་རི་འོར་ཞིག་ན་ཁྱིམ་བདག་ཕྱུག་ཅིང་ནོར་མང་ལ་ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་
D1.003.0208b04.01བུ་ལ་ནོར་གྱིས་འགྲན་པ་ཞིག་གནས་ཏེ། དེ་སོས་ཀའི་དུས་ལ་བབ་པའི་ཚེ་མེ་ཏོག་གི་ཤིང་རྣམས་ཁ་འབུས་ཤིང་ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་དང་། ཤང་ཤང་ཏེའུ་རྣམས་སྐད་འབྱིན་པའི་ནགས་ཚལ་གྱི་གཞིར་ནང་མི་དང་ལྷན་ཅིག་དོང་ངོ་། །སངས་རྒྱས་
D1.003.0208b05.01རྣམས་བྱུང་བ་མེད་པ་ན་རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འཇིག་རྟེན་དུ་འབྱུང་བར་འགྱུར་བས་ཇི་ཙམ་ན་རང་སངས་རྒྱས་ཞིག་ལྗོངས་རྒྱུ་ཞིང་སོང་བ་ན་རི་འོར་དེར་ཕྱིན་ནས་དེ་སྐྱེད་མོས་ཚལ་དེའི་ཕྱོགས་ཞིག་
D1.003.0208b06.01ན་འདུག་གོ། །སྐྱེད་མོས་ཚལ་བསྲུང་བའི་མིས་ཁྱིམ་བདག་དེ་ལ་སྨྲས་པ། དཔོན་པོ་ཕྱོགས་འདི་ན་རབ་ཏུ་བྱུང་བ་ཞི་བའི་བདག་ཉིད་ཅན་ཞིག་བཞུགས་སོ། །དེས་ཐོས་ནས་དེ་ཡིད་དགའ་བར་གྱུར་ཞིང་དད་པ་སྐྱེས་ཏེ། གང་གི་སྐྱེད་མོས་ཚལ་ན་འདི་འདྲ་བའི་རབ་ཏུ་བྱུང་བ་གནས་པ་ནི་བདག་སྐལ་བ་ཅན་ཡིན་
D1.003.0208b07.01