完整藏文原文 · 德格版页 当前仅加载第 3 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་འདུན་གྱིར་བརྟགས་པའི་རྙེད་པ་ཞེས་བྱའོ། །དགེ་སློང་གིར་བརྟགས་པའི་རྙེད་པ་གང་ཞེ་ན། རྙེད་པ་གང་ཞིག་ངེས་ལ་དམིགས་ཀྱིས་ཕྱེ་ནས་གནས་ཁང་པའིའོ། །ཡང་ཐོག་པའིའོ། །ཁང་པ་བརྩེགས་པའིའོ་ཞེས་བརྟགས་པ་ནི་དེ་ན་དགེ་སློང་གནས་པ་གང་ཡིན་པ་དེ་
D1.003.0099b01.01ཁོ་ནའི་སྟེ། འདི་ནི་དགེ་སློང་གིར་བརྟགས་པའི་རྙེད་པ་ཞེས་བྱའོ། །དབྱར་གྱི་རྙེད་པ་གང་ཞེ་ན། རྙེད་པ་གང་ཞིག་དབྱར་གནས་པའི་དགེ་སློང་གི་དགེ་འདུན་ལ་སྦྱིན་བདག་རྣམས་ཀྱིས་བཅས་པ་སྟེ། འདི་ནི་དབྱར་གྱི་རྙེད་པ་ཞེས་བྱའོ། །མངོན་སུམ་གྱི་རྙེད་པ་གང་ཞེ་ན། རྙེད་པ་གང་
D1.003.0099b02.01ཞིག་མ་ངེས་ལ་དམིགས་ཀྱིས་མ་ཕྱེ་བ་སྟེ། འདི་ནི་མངོན་སུམ་གྱི་རྙེད་པ་ཞེས་བྱའོ། །སོ་སོར་བསྟན་པའི་རྙེད་པ་གང་ཞེ་ན། རྙེད་པ་གང་ཞིག་བལྟམས་པ་དང་། བྱང་ཆུབ་པ་དང་། ཆོས་ཀྱི་འཁོར་ལོ་དང་། ཡོངས་སུ་མྱ་ངན་ལས་འདས་པ་ལ་ཕུལ་བ་སྟེ། གལ་ཏེ་མཆོད་རྟེན་
D1.003.0099b03.01ཆེན་པོ་བཞིར་ཁྱེར་མི་ནུས་ན་མཆོད་རྟེན་གཅིག་ཁོ་ན་ལ་དབུལ་གྱི་གཞན་ལ་ནི་མ་ཡིན་པ་སྟེ། འདི་ནི་སོ་སོར་བསྟན་པའི་རྙེད་པ་ཞེས་བྱའོ།། །།སྡོམ་ལ། གནས་ནས་ཕྱུང་དང་ཤི་བ་དང་། །བགོ་བ་དང་ནི་བསྲེ་བ་དང་། །གནས་ནས་ཕྱུང་དང་དགེ་ཚུལ་དང་། །དབྱུང་བ་གསོལ་དང་
D1.003.0099b04.01ཤི་བའོ། །གླེང་གཞི་ནི་མཉན་ཡོད་ནའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་འདི་ལྟར་གནས་གཅིག་ན་གནས་ནས་ཕྱུང་བ་རབ་ཏུ་མང་པོ་དང་། རང་བཞིན་དུ་གནས་པ་རབ་ཏུ་མང་པོ་མཆིས་པ་ལ། དེ་རྣམས་ལས་གནས་ནས་ཕྱུང་
D1.003.0099b05.01བ་ཞིག་གུམ་པ་དེའི་ཡོ་བྱད་གང་དབང་བར་འགྱུར་ལགས། ཉེ་བ་འཁོར་རང་བཞིན་དུ་གནས་པ་རྣམས་སོ། །བཙུན་པ་གནས་ནས་ཕྱུང་བ་ནི་གཉིས་མཆིས་ལ་རང་བཞིན་དུ་གནས་པ་ནི་རབ་ཏུ་མང་པོ་ལགས་ན། གནས་ནས་ཕྱུང་བ་ཞིག་གུམ་ན་རྙེད་པ་གང་དབང་བར་འགྱུར་ལགས། རང་
D1.003.0099b06.01བཞིན་དུ་གནས་པ་རྣམས་ཁོ་ནའོ། །གནས་ནས་ཕྱུང་བ་ནི་རབ་ཏུ་མང་པོ་ཞིག་མཆིས་ལ། རང་བཞིན་དུ་གནས་པ་ནི་ཉུང་བ་ལས་གནས་ནས་ཕྱུང་བ་ཞིག་གུམ་ལགས་ན་རྙེད་པ་གང་དབང་བར་འགྱུར་ལགས། རང་བཞིན་དུ་གནས་པ་རྣམས་ཁོ་ནའོ། །བཙུན་པ་འདི་ལྟར་གནས་
D1.003.0099b07.01