完整藏文原文 · 德格版页 当前仅加载第 3 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་དང་། གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་
D1.003.0165a01.01དགེ་སློང་འཆར་ཀ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་
D1.003.0165a02.01གཞི་ནས་བསླང་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་པ་དབྱུང་བར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེའི་འོག་ཏུ་སྤྲོ་བ་བསྐྱེད་པར་བྱ་སྟེ། འཆར་ཀ་ལེགས་པར་བྱས་སོ། །ཤིན་ཏུ་བྱས་སོ། །སྐྱེས་བུ་དམ་པ་གཉིས་ནི་མཁས་
D1.003.0165a03.01པ། གཉིས་ནི་གསལ་བ་སྟེ། གང་ཞིག་ལྟུང་བ་མི་འབྱིན་པ་དང་། གང་ཞིག་ལྟུང་བ་བྱུང་བ་ན་ཕྱིར་ཆོས་བཞིན་བྱེད་པའོ། །གཉིས་པོ་འདི་དག་ནི་ཆོས་ཀྱི་སྒྲོན་མ་དང་། ཆོས་ཀྱི་སྣང་བ་དང་། ཆོས་ཀྱི་འོད་དང་། ཆོས་ཀྱི་གསལ་བ་དང་། ཆོས་ཀྱི་མར་མེ་དང་། ཆོས་ཀྱི་རབ་གསལ་
D1.003.0165a04.01འབར་བར་བྱེད་པ་ཡིན་ཏེ། གཉིས་གང་ཞེ་ན། གང་ཞིག་ལྟུང་བ་མི་འབྱིན་པ་དང་། གང་ཞིག་ལྟུང་བ་བྱུང་བ་ཕྱིར་ཆོས་བཞིན་བྱེད་པའོ། །གཉིས་ནི་སྡིག་པ་རྩ་བ་ནས་རྐོ་བ་རྒྱུན་ནས་བཟློག་པ་ལ་འབད་པ། འབབ་ཆུ་དང་འཁྲི་ཤིང་སྐེམས་པ། བདུད་དང་གཡུལ་འགྱེད་པ། བདུད་ཀྱི་
D1.003.0165a05.01རྒྱལ་མཚན་སྙོལ་བ། ཆོས་ཀྱི་རྒྱལ་མཚན་སྒྲེང་བ། སྡིག་པའི་རྒྱུན་གཅོད་པ། དེ་བཞིན་གཤེགས་པའི་ཆོས་དང་མཐུན་པའི་ཆོས་ཀྱི་འཁོར་ལོ་བསྐོར་བའི་རྗེས་སུ་སྐོར་བ་ཡིན་ཏེ། གཉིས་གང་ཞེ་ན། གང་ཞིག་ལྟུང་བ་མི་འབྱིན་པ་དང་། གང་ཞིག་ལྟུང་བ་བྱུང་ན་ཕྱིར་ཆོས་བཞིན་
D1.003.0165a06.01བྱེད་པའོ། །འཆར་ཀ་ལྟུང་བ་བཤགས་པ་དང་། སོ་སོར་བཤགས་པ་འདིས་ཁྱོད་མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་བ་ལ་བདག་མེད་པའི་འདུ་ཤེས་དང་། ཟས་ལ་མི་མཐུན་པའི་འདུ་ཤེས་དང་། འཇིག་རྟེན་ཐམས་ཅད་ལ་
D1.003.0165a07.01