完整藏文原文 · 德格版页 当前仅加载第 3 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་དྲུང་དུ་དོང་ངོ་། །དེ་ནས་སྐབས་ལ་བབ་པར་རིག་ནས་རྒྱལ་པོ་ལ་སྨྲས་པ། ལྷ་རྒྱལ་པོ་སུ་ལགས། དེས་སྨྲས་པ། ཤེས་ལྡན་དག་གིས་བརྟག་ཏུ་ཅི་ཡོད་རྒྱལ་པོ་ལྷ་ང་ཡིན་མོད། གཞན་སུ་ཞིག་ཡིན། དེ་རྣམས་ཀྱིས་སྨྲས་པ། ལྷ་རྒྱལ་པོ་ནི་དུམ་བུ་ལགས་ཀྱིས་
D1.003.0051a01.01ལྷ་མ་ལགས་སོ། །གལ་ཏེ་དེ་འཚལ་བར་གྱུར་ན་ལྷ་རྒྱལ་སྲིད་ལས་ཕྱུང་ནས་རང་ཉིད་ཅོད་པན་བཅིངས་ཏེ། རྒྱལ་སྲིད་ཀྱི་དབང་ཕྱུག་ལ་དབང་བགྱིད་པར་འགྱུར་རོ། །རྒྱལ་པོས་བསམས་པ། དེས་འདི་དག་ཐམས་ཅད་ཟིལ་གྱིས་མནན་པས་དེས་ན་དབྱེན་བྱེད་དོ་སྙམ་མོ། །རེ་ཞིག་དུས་གཞན་
D1.003.0051a02.01ཞིག་ན་རྒྱལ་པོ་བློན་པོའི་ཚོགས་ཀྱིས་ཡོངས་སུ་བསྐོར་ཏེ་འདུག་པ་དང་། བློན་པོའི་མཆོག་དུམ་བུ་རྒོལ་བ་དང་ཕྱིར་རྒོལ་བ་བརྒྱད་སྟོང་གིས་ཡོངས་སུ་བསྐོར་ནས་རྒྱལ་པོའི་ཕོ་བྲང་དུ་ཞུགས་ཏེ། རྒྱལ་པོའི་ཕོ་བྲང་དེ་གང་བར་བྱས་ནས་འདུག་གོ། །གང་གི་ཚེ་རྒྱལ་སྲིད་ཀྱི་བྱ་བ་བྱས་ནས་ཕྱིར་
D1.003.0051a03.01བྱུང་བ་དེའི་ཚེ་ཡང་རྒྱལ་པོའི་ཕོ་བྲང་དེ་སྟོང་པར་འདུག་གོ། །རྒྱལ་པོས་སྨྲས་པ། ཤེས་ལྡན་དག་སྐྱེ་བོའི་ཚོགས་ཐམས་ཅད་ཕྱིར་བྱུང་བར་གྱུར་ཏམ། བློན་པོ་རྣམས་ཀྱིས་གླགས་རྙེད་ནས་དེ་རྣམས་ཀྱིས་སྨྲས་པ། ལྷ་གང་གི་སླད་དུ་སྙན་དུ་གསོལ་པ་སྤྱན་སྔར་བབ་ལགས་མོད། གལ་
D1.003.0051a04.01ཏེ་དུམ་བུ་འཚལ་བར་གྱུར་ན་ལྷ་རྒྱལ་སྲིད་ལས་ཕྱུང་ནས་རང་ཉིད་ཅོད་པན་བཅིངས་ཏེ་རྒྱལ་སྲིད་ཀྱི་དབང་ཕྱུག་ལ་དབང་བགྱིད་པར་འགྱུར་རོ། །རྒྱལ་པོ་རྣམས་ཁྭ་ལྟར་ཁུམ་འཕྲིག་ཟ་བ་ཡིན་པས་དེས་བསམས་པ། འདི་རྣམས་ཀྱིས་ཇི་སྐད་སྨྲས་པ་དེ་བཞིན་དུ་གདོན་མི་ཟའོ་སྙམ་ནས་དེ་དེ་ལ་
D1.003.0051a05.01ཀླན་ཀ་ཚོལ་བར་གྱུར་ཏོ། །འཇིག་རྟེན་ན་མཛའ་བ་དང་། མི་མཛའ་བ་དང་། བར་མ་ཡོད་པས་ཇི་ཙམ་ན་གཞན་དག་གིས་དུམ་བུ་ལ་སྨྲས་པ། ཁྱོད་ལ་རྒྱལ་པོ་ཀླན་ཀ་ཚོལ་ཞིང་འདུག་གིས་ཐབས་ལེགས་པར་སོམས་ཤིག །དེ་རྟོག་པ་སྐྱེས་ཤིང་དེ་དཔྱོད་པ་ལ་ཞུགས་པ་གང་དུ་འགྲོ།
D1.003.0051a06.01གལ་ཏེ་མཉན་ཡོད་དུ་སོང་ན་ནི་མཉན་ཡོད་དེ་ཡང་རྒྱལ་པོའི་མངའ་རིས་ཡིན་པས་ཉེན་འདི་ཉིད་ཡོད་དོ། །དེ་བཞིན་དུ་བཱ་རཱ་ཎ་སཱི་དང་། རྒྱལ་པོའི་ཁབ་དང་། ཙམ་པ་ཡང་གཅིག་གི་དབང་དུ་གྱུར་པས་ཉེན་འདི་ཉིད་ཡོད་དོ། །ཡངས་པ་ཅན་ནི་ཚོགས་ཀྱི་དབང་ཡིན་ཏེ། བཅུ་དགའ་བ་གང་
D1.003.0051a07.01