完整藏文原文 · 德格版页 当前仅加载第 3 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིན་བུ་པད་པའི་ཚལ་སྟུག་པོ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་གྲོས་བྱ་བར་བརྩམས་པ། ཤེས་ལྡན་དག་བཅོམ་ལྡན་འདས་གྱད་ཡུལ་ནས་ལྗོངས་རྒྱུ་ཞིང་གཤེགས་པ་ན་སྡིག་ཅན་དུ་བྱོན་ནས། སྡིག་ཅན་ན་སྲིན་བུ་པད་པའི་ཚལ་སྟུག་པོ་ན་བཞུགས་སོ། །ཞེས་ཐོས་
D1.003.0047a01.01ཀྱིས། གལ་ཏེ་བདག་ཅག་རེ་རེས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ན་གཞན་གྱིས་སྐབས་མི་རྙེད་པར་འགྱུར་བས་ཡེ་ཁྲིམས་ཞིག་བཅའ་བར་བྱ་སྟེ། བདག་ཅག་སུས་ཀྱང་གཅིག་པུས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་བར་མི་བྱ་
D1.003.0047a02.01ཞིང་བདག་ཅག་འདུས་པ་ཁོ་ནས་གདུགས་ཚོད་གསོལ་བར་བྱའོ། །བདག་ཅག་ལས་གང་ཞིག་གཅིག་པུ་ཁོ་ནས་གདུགས་ཚོད་གསོལ་ན། དེ་ལ་ཚོགས་ཀྱིས་ཀཱར་ཥཱ་པ་ཎ་དྲུག་བཅུའི་ཆད་པ་གཅད་དོ། །དེ་ནས་སྡིག་ཅན་གྱི་གྱད་ཐམས་ཅད་འདུས་ནས། བཅོམ་ལྡན་འདས་གང་ན་བ་དེར་དོང་སྟེ་ལྷགས་པ་
D1.003.0047a03.01དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱིས་ཆོས་དང་ལྡན་པའི་གཏམ་གྱིས་སྡིག་ཅན་གྱི་གྱད་རྣམས་ལ་ཞེས་བྱ་བ་ནས། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་
D1.003.0047a04.01བའི་བར་གོང་མ་བཞིན་དུའོ། །དེ་ནས་སྡིག་ཅན་གྱི་གྱད་རྣམས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་
D1.003.0047a05.01བདག་ཅག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་སྡིག་ཅན་གྱི་གྱད་རྣམས་ལ་ཅང་མི་གསུང་བས་གནང་ངོ་། །དེ་ནས་སྡིག་ཅན་གྱི་གྱད་རྣམས་ཀྱིས། བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་
D1.003.0047a06.01ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རངས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སྟན་ལས་ལངས་ཏེ་སོང་ངོ་། །གྱད་སྣ་ཆེན་པོ་ལ་གཏོགས་པ་འོད་ལྡན་ནི་དེ་ཉིད་ན་འདུག་པ་དང་། དེ་ལ་ཚེ་དང་ལྡན་པ་ཀུན་དགའ་བོས་སྨྲས་པ། འོད་ལྡན་ཅི་ཁྱོད་
D1.003.0047a07.01