完整藏文原文 · 德格版页 当前仅加载第 3 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སེམས་ཏེ། གནས་འདི་ན་དགེ་སློང་གནས་བརྟན་གནས་བརྟན་རབ་ཏུ་མང་པོ་དག་ནི་ཆོས་མ་ཡིན་པ་སྨྲ་ལ། དགེ་སློང་གསར་བུ་ཉུང་ཟད་ཅིག་ནི་ཆོས་སྨྲ་བས། གལ་ཏེ་བདག་གིས་ཚུལ་ཤིང་མངོན་པར་བྲིམས་ན་དགེ་སློང་གསར་བུ་དགེ་སློང་གནས་བརྟན་རྣམས་ཀྱི་རྗེས་སུ་བྱེད་པ་
D1.003.0242b01.01རྣམས་ཆོས་མ་ཡིན་པའི་ཚུལ་ཤིང་རབ་ཏུ་མང་པོ་ལེན་པར་འགྱུར་བའི་གནས་གང་ཡིན་པ་དེ་ཡོད་ཀྱིས། མ་ལ་བདག་གིས་ཚུལ་ཤིང་སྦས་ཏེ་བྲིམ་མོ་སྙམ་ནས། དེ་ཚུལ་ཤིང་སྦས་ནས་འབྲིམ་པ་སྟེ། འདི་ནི་སྦ་བའི་ཚུལ་ཤིང་འབྲིམ་པ་ཞེས་བྱའོ། །མངོན་པའི་ཚུལ་ཤིང་འབྲིམ་པ་གང་
D1.003.0242b02.01ཞེ་ན། འདི་ལྟ་སྟེ། ཚུལ་ཤིང་འབྲིམ་པའི་དགེ་སློང་འདི་སྙམ་དུ་སེམས་ཏེ། གནས་འདི་ན་དགེ་སློང་གནས་བརྟན་རབ་ཏུ་མང་པོ་དག་ནི་ཆོས་སྨྲ་ལ། དགེ་སློང་གསར་བུ་ཉུང་ཟད་གཅིག་ནི་ཆོས་མ་ཡིན་པ་སྨྲ་བས། གལ་ཏེ་བདག་གིས་ཚུལ་ཤིང་སྦས་ཏེ་བྲིམས་ན་དགེ་སློང་གསར་བུ་
D1.003.0242b03.01རྣམས་ཆོས་མ་ཡིན་པའི་ཚུལ་ཤིང་ལེན་པར་འགྱུར་བ་གང་ཡིན་པའི་གནས་དེ་ཡོད་ཀྱིས། མ་ལ་བདག་གིས་ཚུལ་ཤིང་མངོན་པར་བྲིམ་མོ། །བདག་གིས་ཚུལ་ཤིང་གསལ་བར་བྲིམས་ན་དགེ་སློང་གསར་བུ་དགེ་སློང་གནས་བརྟན་རྣམས་ཀྱི་རྗེས་སུ་བྱེད་པ་རྣམས་ཆོས་ཀྱི་ཚུལ་ཤིང་
D1.003.0242b04.01རབ་ཏུ་མང་པོ་ལེན་པར་འགྱུར་བ་གང་ཡིན་པའི་གནས་དེ་ཡོད་དོ་སྙམ་ནས་དེ་ཚུལ་ཤིང་མངོན་པར་འབྲིམ་པ་སྟེ། འདི་ནི་མངོན་པའི་ཚུལ་ཤིང་འབྲིམ་པ་ཞེས་བྱའོ། །རྣ་དྲུང་དུ་གཤུབ་པ་དང་བཅས་པའི་ཚུལ་ཤིང་འབྲིམ་པ་གང་ཞེ་ན། འདི་ལྟ་སྟེ་ཚུལ་ཤིང་འབྲིམ་པའི་དགེ་སློང་
D1.003.0242b05.01གིས་རྣ་དྲུང་དུ་གཏུགས་ཏེ་གཤུབས་ལ་ཚེ་དང་ལྡན་པ་ཁྱོད་ཀྱི་མཁན་པོས་ཆོས་ཀྱི་ཚུལ་ཤིང་བླངས་ཀྱིས་ཁྱོད་ཀྱིས་ཀྱང་ཆོས་ཀྱི་ཚུལ་ཤིང་ལོང་ཤིག །ཁྱོད་ཀྱི་སློབ་དཔོན་དང་། མཁན་པོ་གཅིག་པ་དང་། སློབ་དཔོན་གཅིག་པ་དང་། གཏམ་འདྲེས་པ་དང་ཕེབས་པར་སྨྲ་བ་དང་།
D1.003.0242b06.01སྨོས་འདྲིན་དང་། འགྲོགས་བཤེས་ཀྱིས་ཆོས་ཀྱི་ཚུལ་ཤིང་བླངས་ཀྱིས། ཁྱོད་ཀྱིས་ཀྱང་ཆོས་ཀྱི་ཚུལ་ཤིང་ལོང་ཤིག་ཅེས་སྨྲ་བ་སྟེ། འདི་ནི་རྣ་དྲུང་དུ་གཤུབ་པ་དང་བཅས་པའི་ཚུལ་ཤིང་འབྲིམ་པ་ཞེས་བྱའོ། །དགེ་འདུན་ཐམས་ཅད་པའི་ཚུལ་ཤིང་འབྲིམ་པ་གང་ཞེ་ན། འདི་
D1.003.0242b07.01